રાજકોટમાં રાષ્ટ્રવ્યાપી ડિજિટલ લાઇફ સર્ટિફિકેટ (ડીએલસી) ઝુંબેશ 4.0 (2025)

Matribhumi Samachar November 20, 2025 Regional

Connect us on:

કર્મચારી, જાહેર ફરિયાદ અને પેન્શન મંત્રાલયના પેન્શન અને પેન્શનરોના કલ્યાણ વિભાગ (DoPPW) દ્વારા સરકારના પેન્શનરોના ડિજિટલ સશક્તિકરણના વિઝન હેઠળ 1 થી 30 નવેમ્બર 2025 દરમિયાન રાષ્ટ્રવ્યાપી ડિજિટલ લાઇફ સર્ટિફિકેટ (DLC) ઝુંબેશ 4.0નું આયોજન કરવામાં આવ્યું હતું. આ ઝુંબેશ સેચ્યુરેશન અભિગમ અપનાવે છે, જેમાં દેશભરના 2,000 થી વધુ શહેરો અને નગરોને આવરી લેવામાં આવે છે, જેથી પેન્શનરોને બહુવિધ ડિજિટલ મોડ્સ દ્વારા તેમના જીવન પ્રમાણપત્રો સબમિટ કરવાની સુવિધા મળે.

વિભાગ 2021માં રજૂ કરાયેલ આધાર-આધારિત ફેસ ઓથેન્ટિકેશન ટેકનોલોજીના ઉપયોગને પ્રોત્સાહન આપવાનું ચાલુ રાખે છે, જેનાથી પેન્શનરો સ્માર્ટફોનનો ઉપયોગ કરીને ઘરે બેઠા તેમના જીવન પ્રમાણપત્રો સબમિટ કરી શકે છે. ઇન્ડિયા પોસ્ટ પેમેન્ટ્સ બેંક (ડિપાર્ટમેન્ટ ઓફ પોસ્ટ્સ) એ સુપર-સિનિયર અને ડિફરન્શિયલી-એબલ્ડ પેન્શનરોને ડોરસ્ટેપ DLC સેવાઓ પૂરી પાડી હતી, જ્યારે બેંકો, પેન્શનર્સ એસોસિએશન અને ફિલ્ડ ઓફિસોએ જાગૃતિ શિબિરો યોજ્યા હતા અને સ્થળ પર સહાય પૂરી પાડી હતી.

DLC 3.0 (2024) દરમિયાન, 1.62 કરોડથી વધુ DLC જનરેટ કરવામાં આવ્યા હતા, જેમાં ફેસ ઓથેન્ટિકેશન દ્વારા 50 લાખનો સમાવેશ થાય છે. હાલમાં ચાલી રહેલા ડીએલસી 4.0 (2025) માં, પ્રારંભિક અહેવાલો રેકોર્ડ-સ્તરની ભાગીદારી સૂચવે છે. જેમાં 2 કરોડ ડીએલસીનો લક્ષ્યાંક છે. બેંકો, IPPB, UIDAI, MeitY, CGDA, રેલવે અને પેન્શનર્સ વેલ્ફેર એસોસિએશનના સંયુક્ત પ્રયાસો દ્વારા હાંસલ થવાની અપેક્ષા છે.

આ અભિયાનના ભાગરૂપે સલાહકાર શ્રી દિનેશ પાલસિંહે આ સંસ્થાની મુલાકાત લીધી હતી. 20.11.2025ના રોજ રાજકોટ ખાતે ડીએલસી કેમ્પ અને ડિજિટલ સેવાઓનો લાભ લેતા પેન્શનરો સાથે વાતચીત કરી હતી. ડીઓપીપીડબલ્યુના અધિકારીઓ, પ્રતિનિધિઓ સાથે બેંક ઓફ બરોડા અને ઇન્ડિયા પોસ્ટ પેમેન્ટ્સ બેંક, રાજકોટ ખાતે સ્થિત, ફેસ ઓથેન્ટિકેશન દ્વારા તેમના ડીએલસી જનરેટ કરવામાં પેન્શનરોને સહાય કરી હતી અને તેમને આ પ્રક્રિયા વિશે શિક્ષિત કર્યા હતા. તેમજ રાજકોટમાં કેમ્પ યોજવામાં આવ્યા હતા, જેમાં ઉત્સાહપૂર્ણ પ્રતિસાદ અને વ્યાપક સ્થાનિક ભાગીદારી મળી હતી.

આ ઝુંબેશને દૂરદર્શન, ઓલ ઇન્ડિયા રેડિયો, પીઆઈબી રિલીઝ અને સોશિયલ મીડિયા આઉટરીચ દ્વારા વ્યાપક કવરેજ કરવામાં આવ્યું હતું, જે ડિજિટલ લાઇફ સર્ટિફિકેટ સબમિશન પર જાગૃતિને મજબૂત કરે છે. NIC DLC પોર્ટલ દ્વારા દૈનિક પ્રગતિ પર નજર રાખવામાં આવી હતી, જે બેંકો અને વિભાગો દ્વારા જનરેશન આંકડાનું રીઅલ-ટાઇમ મોનિટરિંગ સક્ષમ કરે છે.

વિભાગ ડિજિટલ લાઇફ સર્ટિફિકેટ ઝુંબેશ જેવા સતત ટેકનોલોજી-સંચાલિત સુધારાઓ દ્વારા પેન્શનરોના જીવનની સરળતા અને ડિજિટલ સશક્તિકરણ માટે તેની પ્રતિબદ્ધતાનો પુનરોચ્ચાર કરે છે.

Tags Nationwide Digital Life Certificate

About Matribhumi Samachar

Check Also

કેન્દ્રીય સંચાર મંત્રી શ્રી જ્યોતિરાદિત્ય એમ. સિંધિયાએ પ્રધાનમંત્રી સંગ્રહાલય ખાતે ભારતના વારસાની ઉજવણી કરતા ફિલાટેલિક પ્રદર્શનનું ઉદ્ઘાટન કર્યું

ટપાલ વિભાગ, પ્રધાનમંત્રી સંગ્રહાલયના સહયોગથી, 14 થી 17 એપ્રિલ 2026 દરમિયાન “એક ભારત, શ્રેષ્ઠ ભારત: ટપાલ ટિકિટો દ્વારા ભારતની એકતા અને લોકશાહીની ઉજવણી” શીર્ષક હેઠળ એક ફિલાટેલિક (ટપાલ ટિકિટ સંગ્રહ) પ્રદર્શનનું આયોજન કરી રહ્યું છે. આ પ્રદર્શનનું ઉદ્ઘાટન કેન્દ્રીય સંચાર અને ઉત્તર પૂર્વીય ક્ષેત્રના વિકાસ મંત્રી શ્રી જ્યોતિરાદિત્ય એમ. સિંધિયા દ્વારા કરવામાં આવ્યું હતું, જેમણે ખૂબ જ રસપૂર્વક પ્રદર્શિત વસ્તુઓનું નિરીક્ષણ પણ કર્યું હતું. તેમની મુલાકાત દરમિયાન, તેમણે કાર્યક્રમમાં ઉપસ્થિત ફિલાટેલિસ્ટ્સ (ટિકિટ સંગ્રહકો), સ્ટેમ્પ કલેક્ટર્સ અને ડિઝાઇનર્સ સાથે વાતચીત કરી હતી અને ભારતના સમૃદ્ધ ટપાલ વારસાને સાચવવા અને પ્રોત્સાહન આપવા માટે તેમના યોગદાનની પ્રશંસા કરી હતી. આ પ્રદર્શન ભારતની સાંસ્કૃતિક વિરાસત, ઐતિહાસિક વારસો અને ટપાલ પરંપરાઓને પ્રતિબિંબિત કરતી ટપાલ ટિકિટોનો સંગ્રહ રજૂ કરે છે, જેમાં રાષ્ટ્રના રાષ્ટ્રપતિઓ, પ્રધાનમંત્રીઓ અને સ્વાતંત્ર્ય સેનાનીઓ પરના વિષયો આધારિત હાઇલાઇટ્સ છે, જે મુલાકાતીઓને આકર્ષક અને સમૃદ્ધ અનુભવ પ્રદાન કરે છે. શ્રી જ્યોતિરાદિત્ય એમ. સિંધિયા પ્રધાનમંત્રી સંગ્રહાલય ખાતે ફિલાટેલિક પ્રદર્શનનું ઉદ્ઘાટન કરે છે અને નિહાળે છે. આ પ્રસંગે બોલતા શ્રી સિંધિયાએ જણાવ્યું હતું કે આ દિવસ ટપાલ વિભાગ માટે એક મહત્વપૂર્ણ સીમાચિહ્નરૂપ છે અને તેમણે પ્રધાનમંત્રી સંગ્રહાલયની ટીમના સમર્થન અને સહયોગ માટે તેમનો નિષ્ઠાવાન આભાર વ્યક્ત કર્યો હતો. આઝાદીના યુગથી અમૃત કાળ અને તેનાથી આગળ શતાબ્દી કાળ સુધીની ભારતની સફર પર પ્રતિબિંબ પાડતા, તેમણે પુનરોચ્ચાર કર્યો કે ટપાલ વિભાગ રાષ્ટ્ર નિર્માણમાં તેની મુખ્ય ભૂમિકા ભજવવાનું ચાલુ રાખશે, જે તેણે સમગ્ર ઇતિહાસમાં કર્યું છે. તેમણે વધુમાં ભાર મૂક્યો હતો કે ટપાલ વિભાગ અને પ્રધાનમંત્રી સંગ્રહાલય દેશભરમાં ફિલાટેલિક પ્રદર્શનોનું આયોજન કરવા માટે તેમની ભાગીદારીને મજબૂત બનાવશે, જે ભારતનો સમૃદ્ધ વારસો અને વિરાસત પ્રદર્શિત કરશે. આ પ્રસંગે પિક્ચર પોસ્ટકાર્ડ્સનું વિમોચન આ પ્રસંગે, પ્રધાનમંત્રી સંગ્રહાલયના 4થા સ્થાપના દિવસ, 14 એપ્રિલ, 2026 ના રોજ ડૉ. બી.આર. આંબેડકરની જન્મજયંતિ અને ભારતના બંધારણની યાદમાં પિક્ચર પોસ્ટકાર્ડના ત્રણ અલગ-અલગ સેટ બહાર પાડવામાં આવ્યા હતા. પ્રધાનમંત્રી સંગ્રહાલય અને ટપાલ વિભાગ વચ્ચે એમઓયુ (MoU) પર હસ્તાક્ષર પ્રદર્શનો, આઉટરીચ કાર્યક્રમો અને સહ-બ્રાન્ડેડ ફિલાટેલિક ઉત્પાદનો દ્વારા ભારતની સાંસ્કૃતિક અને ટપાલ વિરાસતને પ્રોત્સાહન આપવા માટે સહયોગ મજબૂત કરવા માટે ટપાલ વિભાગ અને સંગ્રહાલય વચ્ચે એક સમજૂતી પત્ર (MoU) પર પણ હસ્તાક્ષર કરવામાં આવ્યા હતા. આ ભાગીદારી મ્યુઝિયમમાં સમર્પિત ઈન્ડિયા પોસ્ટ કાઉન્ટર સ્થાપવાની શક્યતા પણ તપાસશે. આ કાર્યક્રમ સાંસ્કૃતિક સંસ્થાઓ અને ટપાલ વારસા વચ્ચેના સંકલનને મજબૂત કરવા તરફ એક મહત્વપૂર્ણ પગલું હતું. મ્યુઝિયમની મુલાકાત દરમિયાન, શ્રી જ્યોતિરાદિત્ય એમ. સિંધિયાએ પ્રધાનમંત્રી સંગ્રહાલય ખાતે પ્રધાનમંત્રી નરેન્દ્ર મોદી પરના સમર્પિત પ્રદર્શનની પણ મુલાકાત લીધી હતી, જ્યાં તેમણે પ્રધાનમંત્રીના જીવન, નેતૃત્વ અને મુખ્ય પહેલોને પ્રદર્શિત કરતા પ્રદર્શનો નિહાળ્યા હતા.