Regional

પ્રધાનમંત્રી શ્રી નરેન્દ્રભાઈ મોદીની વર્ચ્યુઅલ હાજરીમાં દેશભરમાં સ્વામિત્વ યોજના હેઠળ પ્રોપર્ટી કાર્ડનો ઈ-વિતરણ કાર્યક્રમ યોજાયો હતો. આ પ્રસંગે, ભાવનગરના ઝવેરચંદ મેઘાણીની ઓડિટોરિયમ હોલ ખાતે મેયર શ્રી ભરતભાઈ બારડના અધ્યક્ષસ્થાને અને કેન્દ્રીય રાજ્યમંત્રી નીમુબેન બાંભણીયાની પ્રેરણાદાયી ઉપસ્થિતિમાં જિલ્લા કક્ષાનો સ્વામિત્વ યોજના કાર્યક્રમ યોજવામાં આવ્યો હતો. આ કાર્યક્રમમાં મહુવાના તલગાજરડા અને મોણપર ગામના 346 લાભાર્થીઓને …

નર્મદા નદીનું પાણી નર્મદા શાખા કેનાલ મારફતે ગુજરાતના અનેક ભાગો અને રાજસ્થાન સુધી પહોંચે છે. હવે કચ્છ જિલ્લાના અંતરાળના ગામડાના ખેડૂતોને પણ નર્મદા જળનો લાભ મળશે. રાજ્ય સરકાર કચ્છ જિલ્લાના ટપ્પર  ડેમથી દૂરના ગામડાના રિઝર્વોઇર સુધી પાઈપલાઈન નાખવાની યોજના અમલમાં મૂકી રહી છે અને નાબાર્ડે આ માટે ₹2006 કરોડનું ઋણ મંજૂર કર્યું છે. કચ્છ જિલ્લો દેશનો સૌથી મોટો જિલ્લો છે અને તેના મોટાભાગના ભાગોમાં અત્યાર સુધી સિંચાઈના પાણીની અછત રહી છે. ટપ્પર ડેમથી જિલ્લાના વિવિધ ગામડાઓ સુધી પાઈપલાઈન નાખવાની આ યોજનાથી 127 ગામડાના લગભગ 2 લાખ લોકો લાભાન્વિત થશે અને 1.57 લાખ હેક્ટર જમીનને સિંચાઈ માટે પાણી ઉપલબ્ધ થશે. વર્ષ 2023-24માં અમલમાં મૂકાયેલા પ્રથમ તબક્કામાં નાબાર્ડે ₹3235 કરોડનું ઋણ મંજૂર કર્યું હતું. હવે બીજા તબક્કા હેઠળ ₹2006 કરોડનું ઋણ મંજૂર કરવામાં આવ્યું છે. આ રિયાયતી દરે અપાતું ઋણ ગ્રામિણ આધારભૂત રચના વિકાસ નિધિ (આરઆઈડીએફ) હેઠળ મંજૂર કરવામાં આવ્યું છે. બીજા તબક્કામાં પાઈપલાઈન માકણપર ગામ સ્થિત મુખ્ય સ્ટેશનથી નારા રિઝર્વોઇર સુધી (ઉત્તરી લિંક કેનાલ) અને ટપ્પર સ્થિત મુખ્ય પંપિંગ સ્ટેશનથી સાંધરો રિઝર્વોઇર સુધી (દક્ષિણ લિંક કેનાલ) નાખવામાં આવી રહી છે. ઉત્તર અને દક્ષિણ લિંક કેનાલો દ્વારા પાણીની ઉપલબ્ધતા થી, કચ્છના દૂરના ગામડાઓના ખેડૂતો એક થી વધારે પાકોનું વાવેતર કરી શકશે. ગ્રામીણ આધારભૂત રચના વિકાસ નિધિ (આરઆઈડીએફ) એ ભારત સરકાર દ્વારા નાબાર્ડમાં સ્થાપિત ફંડ, જે ગ્રામિણ વિસ્તારની પાયાની સુવિધાઓ માટે સહાય પૂરી પાડે છે. 1995-96માં સ્થાપિત આ ફંડ દ્વારા નાબાર્ડે ગુજરાત સરકારને અત્યાર સુધી 63,477 પ્રોજેક્ટ માટે ₹45,957 કરોડનું ઋણ સહાય મંજૂર કર્યું છે. તેમાં સૌરાષ્ટ્ર નર્મદા અવતરણ યોજના (સૌની), સૂર્યશક્તિ ખેડૂત યોજના, ભાડભૂત બેરેજ પ્રોજેક્ટ અને કચ્છ શાખા કેનાલ યોજના મુખ્ય છે.

કેન્દ્રીય ગૃહ મંત્રી અને સહકારિતા મંત્રી શ્રી અમિત શાહની અધ્યક્ષતામાં આજે નવી દિલ્હીમાં મધ્યપ્રદેશના મુખ્યમંત્રી ડૉ. મોહન યાદવની ઉપસ્થિતિમાં રાજ્યમાં ત્રણ નવા ફોજદારી કાયદાઓનાં અમલીકરણનું મૂલ્યાંકન કરવા માટે એક સમીક્ષા બેઠક મળી હતી. આ બેઠકમાં મધ્યપ્રદેશમાં પોલીસ, જેલો, અદાલતો, કાર્યવાહી અને ફોરેન્સિક સાથે સંબંધિત વિવિધ નવી જોગવાઈઓનાં અમલીકરણ અને વર્તમાન સ્થિતિની સમીક્ષા કરવામાં આવી હતી. કેન્દ્રીય ગૃહ સચિવ, મુખ્ય …

પૂર્વોત્તર ક્ષેત્રનાં વિકાસ મંત્રાલય (MDoNER)એ આજે અમદાવાદમાં પૂર્વોત્તર વેપાર અને રોકાણ રોડ શોનું આયોજન કર્યું હતું. આ રોડ શોમાં પૂર્વોત્તર રાજ્યોમાં તકો શોધવા માટે આતુર સંભવિત રોકાણકારોનો ભારે રસ પેદા થયો હતો. આ કાર્યક્રમમાં માનનીય MDoNER અને શિક્ષણ મંત્રાલયનાં રાજ્ય મંત્રી ડૉ. સુકાંત મજુમદાર તેમજ એમડોનર, પૂર્વોત્તર પરિષદ, પૂર્વોત્તર રાજ્યો, એનઇએચડીસી અને એનઇઆરએમએસીનાં વરિષ્ઠ અધિકારીઓ ઉપસ્થિત રહ્યાં હતાં. આદરણીય રાજ્ય મંત્રીએ ઉલ્લેખ કર્યો હતો કે માનનીય પ્રધાનમંત્રીએ પૂર્વોત્તરને ભારતની અષ્ટલક્ષ્મી તરીકે ભાર મૂક્યો હતો, જે ઝડપી ઔદ્યોગિકરણ માટે તૈયાર મુખ્ય આર્થિક સંપત્તિ છે. તેમણે છેલ્લાં 10 વર્ષ દરમિયાન માનનીય પ્રધાનમંત્રીનાં નેતૃત્વમાં પૂર્વોત્તર ક્ષેત્રમાં હાથ ધરવામાં આવેલી માળખાગત ક્ષેત્રની મુખ્ય વિકાસલક્ષી પહેલો પર પ્રકાશ પાડ્યો હતો, જેમાં અન્ય બાબતો ઉપરાંત હવાઈ અને રેલવે જોડાણ, જળમાર્ગો વગેરેનું વિસ્તરણ સામેલ છે. તેમણે ઉલ્લેખ કર્યો હતો કે, ઉન્નતિ યોજના, 2024 પ્રસ્તુત  કરવી એ અન્ય એક સીમાચિહ્નરૂપ પહેલ છે, જેનો ઉદ્દેશ સ્થાયી વિકાસને વેગ આપવાનો, રોકાણને પ્રોત્સાહન આપવાનો અને ભારતનાં અખંડ ભારત વિઝનને મજબૂત કરવાનો છે. આદરણીય રાજ્ય મંત્રીએ જણાવ્યું હતું કે ઉત્તર પૂર્વના આઠ રાજ્યોમાંથી દરેકમાં અનન્ય શક્તિઓ, સંસાધનો અને તકોનો સમાવેશ થાય છે, જે આ પ્રદેશને ભારતની વિકાસગાથામાં એક અમૂલ્ય સંપત્તિ બનાવે છે. તેની સમૃદ્ધ સાંસ્કૃતિક વિવિધતાથી માંડીને તેના કુદરતી સૌંદર્ય અને વ્યૂહાત્મક સ્થાન સુધી, પૂર્વોત્તર ક્ષેત્ર દેશના અગ્રણી આર્થિક પાવરહાઉસ તરીકે વિકસિત થવાની પુષ્કળ શક્યતાઓ ધરાવે છે. દક્ષિણપૂર્વ એશિયાની નજીક હોવાથી પૂર્વોત્તર ક્ષેત્રને દક્ષિણ પૂર્વ એશિયાના દેશોના પ્રવેશદ્વાર તરીકે પણ સ્થાન આપે છે, જે ભારતની એક્ટ ઇસ્ટ પોલિસી સાથે સંપૂર્ણ પણે સુસંગત છે. તેમણે પ્રવાસન અને હોસ્પિટાલિટી, કૃષિ અને સંલગ્ન  ઉદ્યોગો, હેલ્થકેર, મનોરંજન અને રમતગમત, માળખાગત સુવિધા અને લોજિસ્ટિક્સ, આઇટી અને આઇટીઇએસ, ટેક્સટાઇલ્સ, હેન્ડલૂમ અને હસ્તકળા, ઊર્જા વગેરે જેવા વિવિધ ક્ષેત્રોમાં પૂર્વોત્તરનાં રાજ્યોની શક્યતા પર પણ પ્રકાશ પાડ્યો હતો. તેમણે ગુજરાતના ગતિશીલ વ્યાવસાયિક સમુદાયને પૂર્વોત્તર ક્ષેત્રની સંભવિતતાને શોધવા માટે આમંત્રણ આપ્યું હતું અને પૂર્વોત્તરને રોકાણના સ્થળ તરીકે જ નહીં, પણ એક વિશિષ્ટ વાર્તા અને અમર્યાદિત સંભવિતતા ધરાવતા પ્રદેશ તરીકે પણ ધ્યાનમાં લીધું હતું. MDoNERના સંયુક્ત સચિવ શ્રી શાંતનુએ ઉત્તર પૂર્વના લાભ અને રોકાણ અને વેપાર માટેની તકો પરના તેમના સંબોધનમાં ભારપૂર્વક જણાવ્યું હતું કે ઉત્તર પૂર્વીય વિસ્તાર સમૃદ્ધ વણખેડાયેલી સંભવિતતા ધરાવે છે. છેલ્લા એક દાયકામાં, સરકારે અસંખ્ય વિલંબિત પ્રોજેક્ટ્સ સફળતાપૂર્વક પૂર્ણ કર્યા છે, જેનાથી વિવિધ યોજનાઓ / પહેલ દ્વારા સ્થાનિક સમુદાયો અને લાખો લોકોને લાભ થયો છે. તેમણે આઇટી અને આઇટીઇએસ, હેલ્થકેર, એગ્રિ અને આનુષંગિક, શિક્ષણ અને કૌશલ્ય વિકાસ, રમતગમત અને મનોરંજન, પ્રવાસન અને હોસ્પિટાલિટી, ઇન્ફ્રાસ્ટ્રક્ચર અને લોજિસ્ટિક્સ, ટેક્સટાઇલ્સ, હેન્ડલૂમ્સ અને હેન્ડિક્રાફ્ટ્સ એન્ડ એનર્જી જેવા વિવિધ ક્ષેત્રોમાંની તકો પર પણ પ્રકાશ પાડ્યો હતો. પૂર્વોત્તર ક્ષેત્રમાં વેપાર અને રોકાણને પ્રોત્સાહન આપવા માટે એમડોનર  દિલ્હીમાં ‘પૂર્વોત્તર રોકાણકાર શિખર સંમેલન‘નું આયોજન કરવાની તૈયારી કરી રહ્યું છે. સમિટ અગાઉની વિવિધ પ્રવૃત્તિઓ દરમિયાન પૂર્વોત્તરનાં રાજ્યોને અત્યાર સુધી સમજૂતીકરાર (એમઓયુ) અને લેટર્સ ઑફ ઇન્ટેન્ટ સ્વરૂપે રૂ. 77,000 કરોડથી વધારેનાં કુલ રોકાણનાં વચનો મળ્યાં છે. વાણિજ્ય અને ઉદ્યોગ મંત્રાલય હેઠળનાં ઉદ્યોગ અને આંતરિક વેપાર વિભાગ (ડીપીઆઇઆઇટી)નાં પ્રતિનિધિએ ઉન્નતિ યોજના પર વિસ્તૃત પ્રેઝન્ટેશન આપ્યું હતું, જેમાં ઉપસ્થિત લોકોને તેનાં લાભો અને સંબંધિત પ્રોત્સાહનોની વિસ્તૃત સમજણ પ્રદાન કરવામાં આવી હતી. તેમણે ભારપૂર્વક જણાવ્યું હતું કે, ઉન્નતિ યોજનાનો ઉદ્દેશ પૂર્વોત્તર ભારતમાં ઔદ્યોગિકરણ અને આર્થિક વૃદ્ધિને પ્રોત્સાહન આપવાનો છે. આ યોજના રોકાણકારો અને ઉત્પાદક કંપનીઓને આકર્ષવા માટે પ્રોત્સાહનો પ્રદાન કરે છે, ‘એક્ટ ઇસ્ટ પોલિસી’ને ટેકો આપે છે અને આયાત પરની નિર્ભરતા ઘટાડવા અને નિકાસ વધારવા માટે સ્થાનિક ઉત્પાદન અને સેવાઓને પ્રોત્સાહન આપે છે. પૂર્વોત્તર રાજ્યોનું પ્રતિનિધિત્વ કરતા વરિષ્ઠ અધિકારીઓએ વિવિધ ક્ષેત્રોમાં ઉભરતી તકો અંગે કાર્યવાહી કરી શકાય તેવી આંતરદૃષ્ટિ વહેંચી હતી. અમદાવાદ રોડ શોમાં ઉદ્યોગજગતના અગ્રણીઓએ મજબૂત ભાગીદારી કરી હતી, જેણે પૂર્વોત્તર ભારતની રોકાણની અપીલને વધુ મજબૂત બનાવી હતી. આ કાર્યક્રમમાં કેટલીક બી2જી બેઠકોનું પણ આયોજન કરવામાં આવ્યું હતું, જેમાં રોકાણકારોને પૂર્વોત્તર ક્ષેત્રમાં તેમની રોકાણ યોજનાઓ પર ચર્ચા કરવા માટે એક મંચ પ્રદાન કરવામાં આવ્યો હતો. અમદાવાદ રોડ શોનું સકારાત્મક સમાપન થયું હતું, જેમાં સહભાગીઓએ પૂર્વોત્તર ક્ષેત્રમાં સહયોગી સાહસો બાબતે ખૂબ રસ દાખવ્યો હતો. આ પ્રસંગે ન માત્ર અર્થપૂર્ણ સંવાદને પ્રોત્સાહન આપ્યું હતું, પરંતુ ભવિષ્યની ભાગીદારી, આર્થિક વૃદ્ધિ અને પ્રદેશમાં સ્થાયી વિકાસને આગળ વધારવા માટે પાયાનું કામ પણ કર્યું હતું. આ કાર્યક્રમે ભારતભરમાં સફળ રોડ શોની શ્રેણીમાં વધુ એક સીમાચિહ્નરૂપ ચિહ્નિત કર્યું હતું અને ઉત્તર પૂર્વ ભારતની બિનઉપયોગી સંભવિતતાનું પ્રદર્શન કર્યું હતું.

‘સરકારી સેવાઓ તમારા દ્વારે’ હેઠળ ડાક ચોપાલ ખાતે નાગરિક-કેન્દ્રિત સેવાઓ થશે ઉપલબ્ધ – પોસ્ટમાસ્ટર જનરલ શ્રી કૃષ્ણ કુમાર યાદવ ભારતીય ડાક વિભાગ દ્વારા 26 જાન્યુઆરી, 2025 ના રોજ ગુજરાત પરિમંડલમાં 76મા ગણતંત્ર દિવસ નિમિત્તે એક ખાસ કાર્યક્રમનું આયોજન કરવામાં આવશે, જેમાં દરેક પોસ્ટ ઓફિસમાં રાષ્ટ્ર દવજ ફરકાવવાની સાથે ‘ડાક ચોપાલ’નું પણ આયોજન કરવામાં આવશે. અમદાવાદના ઉત્તર ગુજરાત …

કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે આજે ગુજરાતનાં વડનગરમાં આર્કિયોલોજિકલ એક્સપેરિમેન્ટલ મ્યુઝિયમ, પ્રેરણા કોમ્પ્લેક્સ અને સ્પોર્ટ્સ કોમ્પ્લેક્સનું ઉદઘાટન કર્યું હતું. શ્રી અમિત શાહે વડનગરમાં હેરિટેજ કોમ્પ્લેક્સ ડેવલપમેન્ટ પ્લાન, અર્બન રોડ ડેવલપમેન્ટ અને બ્યુટીફિકેશન કાર્યક્રમની અધ્યક્ષતા પણ કરી હતી. આ પ્રસંગે પ્રધાનમંત્રી શ્રી નરેન્દ્ર મોદીની સફર પર બનેલી એક ફિલ્મ પણ રિલીઝ થઈ …

પૂર્વોત્તર ક્ષેત્રમાં વેપાર અને રોકાણની તકોને રેખાંકિત કરવા માટે અમદાવાદમાં નોર્થ ઇસ્ટ ટ્રેડ એન્ડ ઇન્વેસ્ટમેન્ટ રોડ શોનું આયોજન કરાયું છે. આ કાર્યક્રમમાં હાજરી આપવા માટે માનનીય રાજ્ય મંત્રી, MDoNER ડૉ. સુકાંત મજુમદાર ઉપસ્થિત રહેશે. પૂર્વોત્તર ક્ષેત્રના વિકાસ મંત્રાલય (MDoNER) દ્વારા 17 જાન્યુઆરી, 2025ના રોજ અમદાવાદમાં નોર્થ ઇસ્ટ ટ્રેડ એન્ડ ઇન્વેસ્ટમેન્ટ રોડનું આયોજન કરવામાં આવ્યું છે, જે સવારે 10:30 …

પરિચય  દર 12 વર્ષે યોજાતા યાત્રાળુઓનો વિશાળ સમુદાય મહા કુંભ ભારતની સાંસ્કૃતિક અને આધ્યાત્મિક પરંપરાઓના શિખરનું પ્રતિનિધિત્વ કરે છે. ઉત્તર પ્રદેશના પ્રયાગરાજમાં આયોજિત 2025ની આવૃત્તિ, વિવિધ ભાષાકીય પૃષ્ઠભૂમિના લાખો લોકોને આકર્ષિત કરી રહી છે. આ વિવિધતા વચ્ચે ઇલેક્ટ્રોનિક્સ એન્ડ ઇન્ફોર્મેશન ટેકનોલોજી મંત્રાલય (એમઇઆઇટીવાય)  તમામ સહભાગીઓ માટે સાતત્યપૂર્ણ સંચાર અને સુલભતા સુનિશ્ચિત કરવા ડિજિટલ ઇન્ડિયા કાર્યક્રમ હેઠળ એક ક્રાંતિકારી પહેલ ભાષિનીનો ઉપયોગ કરી રહ્યું છે. 11 ભારતીય ભાષાઓમાં …

કેન્દ્રીય ગૃહ અને સહકારિતા મંત્રી શ્રી અમિત શાહ 16 જાન્યુઆરી, 2025, ગુરુવારના રોજ ગુજરાતના વડનગર ખાતે પુરાતત્વીય અનુભવ સંગ્રહાલય, પ્રેરણા સંકુલ અને વડનગર રમતગમત સંકુલનું ઉદ્ઘાટન કરશે. આ પ્રસંગે, ગૃહમંત્રી વડનગરમાં હેરિટેજ કોમ્પ્લેક્સ વિકાસ યોજના, શહેરી માર્ગ વિકાસ અને સુંદરતા કાર્યક્રમની અધ્યક્ષતા પણ કરશે. શ્રી અમિત શાહ પ્રધાનમંત્રી શ્રી નરેન્દ્ર મોદીજીની મુલાકાત પર એક ફિલ્મ …

કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે આજે ગુજરાતના માણસામાં અંદાજે રૂ.241 કરોડના મૂલ્યની અનેક વિકાસલક્ષી પરિયોજનાઓનું ઉદઘાટન અને ખાતમુહૂર્ત કર્યું હતું. આ કાર્યક્રમમાં ગુજરાતના મુખ્યમંત્રી શ્રી ભૂપેન્દ્ર પટેલની સાથે અન્ય વિશિષ્ટ મહાનુભાવો ઉપસ્થિત રહ્યા હતા. કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે પોતાનાં સંબોધનમાં શ્રી નરેન્દ્ર મોદીનાં …