घाऊक किंमत निर्देशांकाच्या (आधारभूत 2011-12) विद्यमान मालिकेचा आढावा घेण्यासाठी कार्यगटाची स्थापना

नवी दिल्‍ली, 2 जानेवारी 2025

केंद्र सरकारने  घाऊक किंमत निर्देशांकाच्या विद्यमान  मालिकेत  आधारभूत वर्ष 2011-12 ऐवजी  2022-23 अशी सुधारणा करण्यासाठी एक कार्यगट स्थापन करण्याचा निर्णय घेतला आहे. कार्यगटाची रचना खालीलप्रमाणे आहे:

कार्यगटाच्या संदर्भ अटी खालीलप्रमाणे असतील: –

1. अर्थव्यवस्थेत झालेल्या संरचनात्मक बदलांच्या पार्श्वभूमीवर आधारभूत वर्ष 2022-23 सह WPI आणि PPI ची कमोडिटी बास्केट सुचवणे.
2. किंमत संकलनाच्या विद्यमान प्रणालीचा आढावा घेणे  आणि सुधारणेसाठी बदल सुचवणे.
3. WPI/PPI साठी वापरल्या जाणाऱ्या जाणाऱ्या संगणकीय पद्धतीवर निर्णय घेणे.
4. किंमती आणि राहणीमानाच्या आकडेवारीबाबत  तांत्रिक सल्लागार समितीने मंजूर केलेल्या PPI च्या संकलनाच्या पद्धतीचे परीक्षण करणे आणि संकलन आणि सादरीकरणामध्ये आणखी सुधारणा सुचवणे आणि WPI कडून  PPI कडे  वळण्यासाठी एका आराखड्याची शिफारस करणे.
5. लिंकिंग फॅक्टरची गणना करण्यासाठी आतापर्यंत अवलंबलेल्या पद्धतीचे परीक्षण करणे आणि आवश्यक असल्यास, लिंकिंग घटक मोजण्याच्या पद्धतीमध्ये योग्य बदल सुचवणे.
6. WPI/PPI ची विश्वासार्हता वाढवण्यासाठी आवश्यक असलेल्या इतर सुधारणा सुचवणे.

कार्यगटाचे अध्यक्ष आवश्यकता  भासल्यास अन्य एजन्सीचे तज्ञ/प्रतिनिधी यांची निवड करू शकतात.

ही अधिसूचना जारी झाल्यापासून 18 महिन्यांच्या आत कार्यगटाला आपला अंतिम अहवाल आर्थिक सल्लागार कार्यालयाकडे सादर करण्यास सांगण्यात आले आहे.