Matribhumi Samachar Marathi
नागपूर 7 फेब्रुवारी 2025. केंद्रीय खाण मंत्रालयाच्या अंतर्गत नागपूरच्या सेमीनरी हिल्स स्थित भारतीय भूगर्भीय सर्वेक्षण – जीएसआय, मध्य क्षेत्र, 5 ते 6 फेब्रुवारी 2025 या कालावधीत जीएसआय कॉम्प्लेक्स, सेमिनरी हिल्स येथे 38 वी अखिल भारतीय व्हॉलीबॉल स्पर्धा संपन्न झाल्या. या स्पर्धेच्या उद्घाटन समारंभास प्रमुख पाहुणे म्हणून नागपूरचे पोलिस आयुक्त डॉ. रविंदर सिंगल आणि महाराष्ट्र राज्य व्हॉलीबॉल असोसिएशनचे अध्यक्ष विजय डांगरे, खनिज अन्वेषण महामंडळ – एमईसीएलचे मुख्य व्यवस्थापकीय संचालक . इंद्र देव नारायण उपस्थित होते.
मुख्य पाहुणे डॉ. रविंदर सिंगल, आयपीएस, पोलिस आयुक्त, नागपूर यांनी त्यांच्या भाषणात भू-वैज्ञानिक कार्यात सहभागी होण्यासोबतच अशा क्रीडा स्पर्धेचे आयोजन केल्याबद्दल जीएसआयचे कौतुक केले.
उद्घाटन समारंभात स्मरणिकेचे प्रकाशनही करण्यात आले. या व्हॉलीबॉल स्पर्धेत भारतातील उत्तर प्रदेश, दक्षिण प्रदेश, पूर्व प्रदेश, मध्य प्रदेश, पश्चिम प्रदेश, मध्य मुख्यालय आणि सागरी आणि जीएसआयच्या किनारी सर्वेक्षण विभागातून ८० सहभागींचे एकूण सात संघ सहभागी झाले होते. ही व्हॉलीबॉल स्पर्धा जीएसआय नागपूरचे अतिरिक्त महासंचालक आणि विभाग प्रमुख डी. व्ही. गणवीर, यांच्या मार्गदर्शनाखाली आयोजित करण्यात आली होती.
