पंतप्रधानांनी भारतीय लष्कराच्या अविचल साहसी वृत्तीला प्रणाम केला आहे

पंतप्रधान नरेंद्र मोदी यांनी आजच्या सेना दिनाप्रीत्यर्थ भारतीय लष्कराच्या अविचल साहसी वृत्तीला प्रणाम केला आहे.  भारतीय सेना हे दृढनिश्चय , व्यावसायिकता आणि समर्पणभावाचे मूर्तिमंत प्रतीक आहे, असे त्यांनी म्हटले आहे. “सशस्त्र सेनेच्या व त्यांच्या कुटुंबियांच्या कल्याणाप्रती आमचे सरकार वचनबद्ध आहे. गेल्या काही वर्षांमध्ये आम्ही अनेक सुधारणा घडवून आणल्या असून आधुनिकीकरणावर भर दिला आहे.” असे मोदी म्हणाले.

“दृढनिश्चय , व्यावसायिकता आणि समर्पणभावाचे भारतीय सेना हे मूर्तिमंत प्रतीक आहे. आपल्या सीमांच्या रक्षणासोबतच नैसर्गिक आपत्तीच्या काळात आपल्या सैन्यदलाने मानवतावादी मदतकार्यात नेहमीच मोठा सहभाग नोंदवला आहे.”

“सशस्त्र सेनेच्या व त्यांच्या कुटुंबियांच्या कल्याणाप्रती आमचे सरकार वचनबद्ध आहे. गेल्या काही वर्षांमध्ये आम्ही अनेक सुधारणा घडवून आणल्या असून आधुनिकीकरणावर भर दिला आहे.पुढील काळातही आम्ही ते करत राहू. ”