Matribhumi Samachar Marathi
कळंबी (ता. कळमेश्वर, जि. नागपूर), २१ मार्च, २०२६: अदानी समूहाच्या सीएसआर उपक्रमांतर्गत बुधवारी कळंबी गावातील समाजभवनात (कम्युनिटी हॉल) एका मल्टीस्पेशालिटी आरोग्य शिबिराचे यशस्वी आयोजन करण्यात आले. यादरम्यान आयुर्वेदिक मेडिकल कॉलेज आणि नॅशनल कॅन्सर इन्स्टिट्यूटच्या तज्ज्ञ डॉक्टरांनी रुग्णांची तपासणी केली, तर मातृ सेवा संघाच्या चमूनेही या कार्यक्रमात सक्रिय भूमिका बजावली.
या शिबिरादरम्यान एकूण ११४ रुग्णांची तपासणी करण्यात आली आणि त्यांना आवश्यक सल्ला व उपचार देण्यात आले. या आरोग्य शिबिरात अस्थिरोग निदान (ऑर्थो डायग्नोसिस), क्षयरोग (टीबी) आणि कुष्ठरोग तपासणी, तसेच सर्वसाधारण आरोग्य तपासणी करण्यात आली. कळंबीव्यतिरिक्त सेलू आणि केटापार गावातील गावकऱ्यांनीही या शिबिराचा लाभ घेतला. या उपक्रमाचे आयोजन अदानी फाउंडेशन आणि निरामय बहुउद्देशीय सेवा संस्थेद्वारे करण्यात आले. या कार्यक्रमाचे आयोजन गोंडखैरी कोल माईन्सचे ‘क्लस्टर हेड’ संपत कुमार पोनुगोटी यांच्या मार्गदर्शनाखाली करण्यात आले. यावेळी सरपंच विनोद भोयर, ग्रामसेवक ओ. एस. तागडे आणि उपसरपंच छत्रपती मोहोड यांच्यासह गावातील अनेक मान्यवर उपस्थित होते. अदानी फाउंडेशनचे अमन साहरे आणि निरामय बहुउद्देशीय सेवा संस्थेचे डॉ. रवींद्र क्षीरसागर, नूतन कांबळे, प्रवीण डांडे, भाग्यश्री खोडे, सरिता मडावी, गुरु साहरे आणि हिमांशू तागडे हेदेखील या कार्यक्रमाला उपस्थित होते.
Featured Article
