চেন্ট্ৰেল ব্যুৰ’ অৱ কমিউনিকেচন, গুৱাহাটীৰ উদ্যোগত বজালীত স্বচ্ছতাই সেৱা বিষয়ক দুদিনীয়া ফটো প্ৰদৰ্শনী আৰম্ভ

ভাৰত চৰকাৰৰ তথ্য আৰু সম্প্ৰচাৰ মন্ত্ৰালয়ৰ অধীনস্থ চেন্ট্ৰেল ব্যুৰ’ অৱ কমিউনিকেচনৰ গুৱাহাটীস্থিতআঞ্চলিক কাৰ্য্যালয়ৰউদ্যোগত আৰু বজালী জিলা প্ৰশাসনৰ সহযোগত ইয়াৰ পাঠশালাস্থিত হৰি মন্দিৰ প্ৰেক্ষাগৃহত ৫ আৰু ৬ নৱেম্বৰত এখনিআকৰ্ষণীয় ফটো প্ৰদৰ্শনীৰে”স্বচ্ছতাই সেৱা, ২০২৪” অভিযানৰ আয়োজন কৰা হৈছে। এই অনুষ্ঠানৰ লক্ষ্য হৈছে স্বচ্ছ ভাৰত অভিযানৰ অংশ হিচাপে পৰিষ্কাৰ-পৰিচ্ছন্নতা, স্বাস্থ্যবিধিআৰু জনসচেতনতাকপ্ৰোৎসাহিতকৰণ।

বজালীৰ জিলা আয়ুক্ত শ্ৰী মৃদুল দাসে এই কাৰ্য্যসূচী উদ্বোধন কৰে। ইয়াত অসম চৰকাৰৰ অসম কৃষি বিপণন পৰিষদৰ অধ্যক্ষশ্ৰী মনোজ বৰুৱা উপস্থিত থাকে।

দুদিনীয়া এই অনুষ্ঠানত জনসাধাৰণক স্বচ্ছতা অভিযানৰে জড়িতকৰণৰ বাবে একাধিক কাৰ্য্যসূচীৰ আয়োজন আৰু সেৱা প্ৰদানৰ ব্যৱস্থা কৰা হৈছে। ইয়াত স্থানীয় আত্ম-সহায়ক গোটসমূহে একাধিক ষ্টল স্থাপনেৰেপৰিষ্কাৰ-পৰিচ্ছন্নতা আৰু অনাময় অক্ষুণ্ণ ৰখাৰ ক্ষেত্ৰত সমাজখনক উৎসাহিত কৰিবলৈ ভিন্ন ধৰণৰ বহনক্ষম আৰু পৰিবেশ-অনুকূল সামগ্ৰী প্ৰদৰ্শন কৰে। ইয়াতে মনোগ্ৰাহীভিজুৱেল আৰু ৰচনাৰ জৰিয়তে পৰিষ্কাৰ-পৰিচ্ছন্নতাৰ গুৰুত্বত আলোকপাতৰ অৰ্থে “স্বচ্ছতা” বিষয়ক এখনি বিশেষ ফটো প্ৰদৰ্শনী অনুষ্ঠিত হৈছে।

ষ্টলসমূহৰ লগতে ইয়াত উপস্থিতসকলক প্ৰাথমিক স্বাস্থ্য সেৱা প্ৰদানৰ নিমিত্তে স্বাস্থ্য বিভাগে প্ৰাথমিক ঔষধ বিতৰণকে প্ৰমুখ্য কৰি বিনামূলীয়া চিকিৎসা পৰীক্ষা শিবিৰ অনুষ্ঠিত কৰে।

ইয়াৰ উপৰিও স্থানীয় লোকসকলে এই অনুষ্ঠানৰ জৰিয়তে গুৰুত্বপূৰ্ণ পৰিচয় সেৱা লাভৰ অৰ্থেঅনুষ্ঠানস্থলীতে তেওঁলোকৰ বাবে আধাৰ কাৰ্ডৰ সুবিধা প্ৰদান সেৱাৰোব্যৱস্থা কৰা হৈছে।

তদুপৰি, সময়ে-সময়ে যিকোনো চৰকাৰী সুবিধা/আঁচনি সন্দৰ্ভত আন যিকোনো প্ৰয়োজনীয় তথ্যৰ বাবে চিএছচি (কমন চাৰ্ভিচ চেন্টাৰ)ও স্থাপন কৰা হৈছে আৰু লগতে এইসমূহত ভিন্ন প্ৰ-পত্ৰ অনলাইন মাধ্যমেৰে পূৰণৰো ব্যৱস্থা কৰা হৈছে।

অনুষ্ঠানটিৰ স্পন্দনশীলতাৰবৰ্ধনেৰে পৰম্পৰাগত অনুষ্ঠানকে প্ৰমুখ্য কৰি ভিন্ন সাংস্কৃতিক অনুষ্ঠানৰ আয়োজন কৰা হৈছে। ইয়াত কুইজ আৰু আকস্মিক বক্তৃতা প্ৰতিযোগিতাৰ দৰে আকৰ্ষণীয় কাৰ্য্যসূচীৰো আয়োজন কৰা হয়।ইয়াৰ জৰিয়তে যুৱ সমাজৰ সক্ৰিয় অংশগ্ৰহণেৰে পৰিষ্কাৰ-পৰিচ্ছন্নতা আৰু স্বাস্থ্যবিধিসন্দৰ্ভত তেওঁলোকৰ নিজ-নিজ মতামত প্ৰকাশ কৰিবলৈ উৎসাহিতকৰণৰ প্ৰয়াস কৰা হৈছে।

উদ্বোধনী অনুষ্ঠানত পাঠশালাৰ বিডিঅ’শ্ৰী চন্দন বেজবৰুৱা, বজালীৰ সহকাৰী আয়ুক্তশ্ৰীসম্মুজ্জ্বল গগৈ, পাঠশালাৰ নগৰ আয়ুক্ত শ্ৰীমতী জলী চৌধুৰী, শ্ৰী গিৰিধৰ চৌধুৰী, পাঠশালাটাউন কমিটিৰ উপাধ্যক্ষ শ্ৰী দিলীপ ৰায়, শ্ৰী মুনীন্দ্ৰ নাৰায়ণ গোস্বামীআৰু পাঠশালা চেম্বাৰ অৱ কমাৰ্চৰ অধ্যক্ষশ্ৰী জিতেন চৌধুৰীও উপস্থিত থাকে।

পাঠশালাত এইদৰে স্বচ্ছতাই সেৱা পদক্ষেপ গ্ৰহণ কাৰ্য্য স্বচ্ছ ভাৰত অভিযানত সমাজখনক জড়িতকৰণৰ এক উল্লেখযোগ্য প্ৰচেষ্টা হিচাপে বিবেচিত হৈছে, যিয়েএটি স্বচ্ছ আৰু সুস্থ পৰিবেশৰ প্ৰতি সামূহিক দায়িত্ববোধ গঢ়ি তোলাৰ প্ৰয়াস কৰিছে।

এই অনুষ্ঠানৰ পূৰ্বে পাঠশালা চহৰৰ উপকণ্ঠ অঞ্চলসমূহত টাউন কমিটি আৰু চেম্বাৰ অৱ কমাৰ্চৰ সহযোগত পূৰ্ব-প্ৰচাৰো কৰা হয়।