എഫ്സിഐയുടെ 15-ാമത് അഖിലേന്ത്യ ഇൻ്റർസോണൽ സാംസ്‌കാരിക മത്സരം കോവളത്ത് നടക്കും

കേന്ദ്ര ഭക്ഷ്യ, പൊതുവിതരണ മന്ത്രാലയത്തിന് കീഴിലുള്ള ഫുഡ് കോർപ്പറേഷൻ ഓഫ് ഇന്ത്യ കേരള റീജിയണിൻ്റെ ആഭിമുഖ്യത്തിൽ ദേശീയ സാംസ്‌കാരിക സമ്മേളനത്തിൻ്റെ ഭാ​ഗമായി 15-ാമത് അഖിലേന്ത്യ ഇൻ്റർസോണൽ സാംസ്‌കാരിക മത്സരം സംഘടിപ്പിക്കുന്നു. 2024 നവംബർ 13, 14 തീയതികളിൽ തിരുവനന്തപുരം കോവളത്തെ കേരള ആർട്‌സ് ആൻഡ് ക്രാഫ്റ്റ് വില്ലേജിൽ നടക്കുന്ന പരിപാടി നവംബർ 13 ന് രാവിലെ 9:30 ന് കേന്ദ്ര ഭക്ഷ്യ-പൊതുവിതരണ വകുപ്പ് സെക്രട്ടറി ശ്രീ സഞ്ജീവ് ചോപ്ര ഉദ്ഘാടനം ചെയ്യും. പദ്മശ്രീ ജേതാവ് ശ്രീമതി ഷൈനി വിൽസൺ (ജനറൽ മാനേജർ(സ്‌പോർട്‌സ്)) ഉൾപ്പെടെ ഫുഡ് കോർപ്പറേഷൻ ഓഫ് ഇന്ത്യയുടെ മറ്റ് ഉന്നത ഉദ്യോ​ഗസ്ഥരും ചടങ്ങിൽ പങ്കെടുക്കും. ഇന്ത്യയുടെ വൈവിധ്യമാർന്ന സാംസ്കാരിക പൈതൃകത്തിൻ്റെ പ്രദർശനമാണ് ദേശീയ സാംസ്‌കാരിക സമ്മേളനം. സമ്പന്നമായ പാരമ്പര്യം, കലാരൂപങ്ങൾ, സാംസ്കാരിക പ്രകടനങ്ങൾ എന്നിവയെ പ്രതിനിധീകരിച്ചുകൊണ്ട് രാജ്യത്തുടനീളമുള്ള പങ്കാളികളെ ഒരുമിച്ച് കൊണ്ടുവരുന്ന വേദി കൂടിയാണിത്.