ઇલેક્ટ્રોનિક્સ અને માહિતી ટેકનોલોજી મંત્રાલયની ભાષિની મહાકુંભ પ્રયાગરાજ 2025માં 11 ભાષાઓમાં બહુભાષી સુવિધા પૂરી પાડે છે

ઇલેક્ટ્રોનિક્સ અને સૂચના પ્રૌદ્યોગિકી મંત્રાલયે 13 જાન્યુઆરીથી 26 ફેબ્રુઆરી, 2025 સુધી પ્રયાગરાજમાં આયોજિત મહાકુંભમાં બહુભાષી સુલભતા માટે ભાષિનીના એકીકરણ સાથે તકનીકી સહયોગની ઓફર કરી છે.

‘ડિજીટલ લોસ્ટ એન્ડ ફાઉન્ડ સોલ્યુશન‘

‘ડિજિટલ લોસ્ટ એન્ડ ફાઉન્ડ સોલ્યુશન’ મારફતે વિશ્વના સૌથી મોટા આધ્યાત્મિક સંકલનમાં ભાગ લેનારાઓને ભાષિનીની ભાષા અનુવાદ ઇકોસિસ્ટમ કેવી રીતે મદદરૂપ થશે તે આ  પ્રમાણે છે:

1. બહુભાષીય આધાર
   1. મૂળ ભાષાઓમાં અવાજની મદદથી ખોવાયેલી/શોધાયેલી વસ્તુઓને રજીસ્ટર કરો
   2. સરળ સંચાર માટે રીયલ-ટાઇમ ટેક્સ્ટ/વોઇસ અનુવાદ
2. ચેટબોટ સહાય: ક્વેરી અને કિઓસ્ક નેવિગેશન માટે બહુભાષીય ચેટબોટ
3. મોબાઇલ એપ/કિઓસ્ક ઇન્ટિગ્રેશનઃ સ્થાનિક ભાષાઓમાં માર્ગદર્શિકાનું ભાષાંતર કરો
4. પોલીસ સહયોગઃ અધિકારીઓ સાથે સાતત્યપૂર્ણ સંચાર વ્યવસ્થા સક્ષમ બનાવવી

કુંભ Sah’AI’yak ચેટબોટ

આદરણીય પ્રધાનમંત્રી શ્રી નરેન્દ્ર મોદી દ્વારા શરૂ કરવામાં આવેલ કુંભસહ’આયક એઆઈ-સંચાલિત, બહુભાષી, અવાજથી સક્ષમ ચેટબોટ છે, જે મહાકુંભ 2025 દરમિયાન લાખો મુલાકાતીઓને મદદ કરવા માટે બનાવવામાં આવ્યું છે. આ બોટ અત્યાધુનિક એઆઇ (AI) ટેકનોલોજી (જેમ કે લામા એલએલએમ) દ્વારા સંચાલિત થાય છે. કુંભ Sah’AI’yakનો હેતુ મહાકુંભ ૨૦૨૫ ના અનુભવની કાયમી યાદોનું નિર્માણ કરતી વખતે તેમની માહિતી અને નેવિગેશન જરૂરિયાતોને ધ્યાનમાં રાખીને યાત્રાળુઓની સહાયને ફરીથી વ્યાખ્યાયિત કરવાનો છે.

કુંભ સાહ’આયક ચેટબોટનું નિર્માણ મુલાકાતીઓનો અનુભવ વધારવા માટે કરવામાં આવ્યું છે, જેનો ઉદ્દેશ તમામને અવિરત, વાસ્તવિક સમયની માહિતી અને નેવિગેશન સહાયતા પ્રદાન કરવાનો છે. ભાષિનીની ભાષા અનુવાદ હિન્દી, અંગ્રેજી અને 9 અન્ય ભારતીય ભાષાઓ સહિત 11 ભાષાઓમાં ચેટબોટને સપોર્ટ કરે છે.

યુપી 112 ઇમરજન્સી હેલ્પલાઇન

દેશભરમાંથી શ્રદ્ધાળુઓ તેમજ વિદેશથી મહા કુંભમાં આવવા આવતા લોકોને પ્રયાગરાજ અને આસપાસના પ્રદેશોમાં બોલાતી ભાષાઓને સમજવા માટે સહાયની જરૂર પડી શકે છે. ભાષિની મોબાઇલ એપ્લિકેશનની ‘કન્વર્ઝ’ (वार्तालाप) સુવિધાથી ભક્તો માટે મેગા ઇવેન્ટમાં તૈનાત યુપી પોલીસની 112 ઇમરજન્સી હેલ્પલાઇનના યુનિટ સાથે અવિરત સંદેશાવ્યવહારની સુવિધા મળશે. ઉત્તર પ્રદેશ પોલીસ વિભાગે ભાષાના અવરોધના કિસ્સામાં મદદ માંગતા પીડિત ભક્તોની ફરિયાદોને સમજવા માટે એપ્લિકેશનમાં કન્વર્ઝ ફીચરનો ઉપયોગ કરવા માટે ફિલ્ડ અધિકારીઓને તાલીમ આપવા માટે ભાષિની એપ્લિકેશન સાથે સહયોગ કર્યો છે.

આમ, ભાષિનીનો ઉદ્દેશ પ્રશ્નો અને નેવિગેશન માટે બહુભાષીય સમર્થન સાથે મહાકુંભ 2025 માં મુલાકાતીઓ માટેના અનુભવને મોટા પ્રમાણમાં વધારવાનો છે. એકંદરે, ભાષિનીની ભાષા અનુવાદ ઇકોસિસ્ટમે તમામ ઉપસ્થિતો માટે એક સરળ અને સર્વસમાવેશક અનુભવ સુનિશ્ચિત કર્યો છે, જે મેઈટીની તકનીકી નવીનતા અને સુલભતા પ્રત્યેની પ્રતિબદ્ધતાને પ્રતિબિંબિત કરે છે.