Matribhumi Samachar Gujarati
પોસ્ટ વિભાગ દ્વારા 79મા સ્વતંત્રતા દિવસની ઉજવણી ખૂબ જ ઉત્સાહથી કરવામાં આવી હતી. આ પ્રસંગે, અમદાવાદ જીપીઓ ખાતે આયોજિત કાર્યક્રમમાં ગુજરાત પરિમંડળ ના ચીફ પોસ્ટમાસ્ટર જનરલ શ્રી ગણેશ વી. સાવલેશ્વરકરે ધ્વજ ફરકાવ્યો હતો, જ્યારે પોસ્ટમાસ્ટર જનરલ, શ્રી કૃષ્ણ કુમાર યાદવે હેડ ક્વાર્ટર ખાતે ધ્વજ ફરકાવ્યો હતો અને અધિકારીઓને અને કર્મચારીઓને હાર્દિક શુભેચ્છાઓ પાઠવી હતી.આ પ્રસંગે વાતાવરણ રાષ્ટ્રગીત, દેશભક્તિના ગીતો અને દેશ પ્રત્યે સમર્પણની ભાવનાથી ભરેલું હતું.
ગુજરાત પરિમંડળના ચીફ પોસ્ટમાસ્ટર જનરલ શ્રી ગણેશ વી. સાવલેશ્વરકરે જણાવ્યું હતું કે આ દિવસ આપણને ફક્ત સ્વતંત્રતાનો ગર્વ જ નથી કરાવતો, પરંતુ તે આપણને આપણી ફરજો અને જવાબદારીઓની પણ યાદ અપાવે છે. જ્યારે પણ દેશ પર કોઈ સંકટ આવ્યું છે, ત્યારે દેશવાસીઓએ એક થઈને તેનો સામનો કર્યો છે અને રાષ્ટ્ર-પ્રથમ સર્વોચ્ચતાની ભાવના રાખી છે. ટપાલ વિભાગે હંમેશા ‘અહર્નિશમ સેવામહે’ ની ભાવના સાથે કામ કર્યું છે અને સમાજના છેલ્લા છેડા સુધી કલ્યાણકારી યોજનાઓ પહોંચાડી છે. એક વિભાગ તરીકે, આપણી નૈતિક જવાબદારી છે કે આપણે આપણી ક્ષમતાઓનો સંપૂર્ણ વિકાસ કરીને સમાજ અને રાષ્ટ્રની પ્રગતિમાં યોગદાન આપીએ, આ સ્વતંત્રતા દિવસનો વાસ્તવિક અર્થ હશે.
પોસ્ટમાસ્ટર જનરલ શ્રી કૃષ્ણ કુમાર યાદવે પોતાના સંબોધનમાં જણાવ્યું હતું કે સ્વતંત્રતા દિવસ માત્ર એક તહેવાર નથી, પરંતુ તે ગૌરવ, સન્માન અને રાષ્ટ્રીય ચેતનાનું પ્રતીક છે. સ્વતંત્રતા દિવસ આપણને સ્વતંત્રતાનો નવેસરથી અનુભવ કરવાની અને અધિકારો સાથે ફરજો પ્રત્યે જાગૃત થવાની તક આપે છે. નવી પેઢીને સ્વતંત્રતાના મૂલ્યને ઓળખવા અને દેશ માટે બલિદાન આપનારા મહાપુરુષોને યાદ રાખવા માટે જોડવાનું કાર્ય પણ કરવું પડશે. ટપાલ સેવાઓની ઐતિહાસિક અને સતત ભૂમિકા પર ભાર મૂકતા તેમણે કહ્યું કે ટપાલ વિભાગ નાણાકીય સમાવેશ અને ડિજિટલ ઇન્ડિયાની સાથે દેશના સામાજિક અને આર્થિક વિકાસમાં એક મજબૂત કડી તરીકે કામ કરી રહ્યું છે.
આ પ્રસંગે અમદાવાદ જીપીઓના મહિલા પોસ્ટમેનોએ સુંદર સ્વાગત નૃત્ય રજૂ કર્યું, જ્યારે શ્રીમતી આર.જે. આચાર્ય અને આર.એ. રાઉલજીએ યોગ નૃત્ય દ્વારા લોકોને સ્વસ્થ રહેવાનો સંદેશ આપ્યો. રાહુલ પ્રજાપતિ, અજય સોલંકી, ભવ્યા ગાંધી, કનિકા અગ્રવાલ, વીરપાલ વાલા વગેરેએ પણ પોતાના પ્રદર્શનથી લોકોને મંત્રમુગ્ધ કર્યા. કાર્યક્રમના અંતે, આકાશમાં ફુગ્ગા છોડીને સ્વતંત્રતા દિવસની ઉજવણી પણ કરવામાં આવી.
સ્વાગત પ્રવચન સિનિયર પોસ્ટમાસ્ટર શ્રી અલ્પેશ શાહ દ્વારા આપવામાં આવ્યું, આભારવિધિ સહાયક નિદેશક શ્રી રિતુલ ગાંધી દ્વારા કરવામાં આવી અને કાર્યક્રમનું સંચાલન શ્રીમતી નીલફ્લોરા દ્વારા કરવામાં આવ્યું. આ પ્રસંગે નિદેશક ડાક સેવા શ્રી સુરેખ રેઘુનાથેન, સહાયક પોસ્ટમાસ્ટર જનરલ શ્રી શિવમ ત્યાગી, પ્રવર અધિક્ષક શ્રી ચિરાગ મહેતા, સહાયક નિદેશક શ્રી એમ.એમ. શેખ, શ્રી વી.એમ. વહોરા, મીરલ ખમાર, નૈનેશ રાવલ, આસિસ્ટન્ટ એકાઉન્ટન્ટ શ્રી ચેતન સૈન, શ્રી રામસ્વરૂપ માંગવા, ડેપ્યુટી સુપરિન્ટેન્ડેન્ટ શ્રી એન.જી. રાઠોડ, ડેપ્યુટી મેનેજર શ્રી આર.એ. શેખ, શ્રી પરાગ વાસનિક, શ્રી એસ.એન. ઘોરી, સહાયક અધિક્ષક શ્રીમતી પ્રેયલ શાહ, શ્રી જીનેશ પટેલ, શ્રી રમેશ પટેલ, શ્રી જે.એસ. ઝીડ, શ્રી રોનક શાહ, શ્રી ભાવિન પ્રજાપતિ, ડાક નિરીક્ષક સુશ્રી પાયલ પટેલ, શ્રી યોગેન્દ્ર રાઠોડ, શ્રી વિપુલ ચડોત્રા સહિત તમામ અધિકારીઓ અને કર્મચારીઓ અને તેમના પરિવારોએ ભાગ લીધો અને સ્વતંત્રતા દિવસની ઉજવણી આનંદથી કરી.
