પ્રજાસત્તાક દિવસ પરેડ 2025ના શ્રેષ્ઠ માર્ચિંગ ટુકડીઓ અને ટેબ્લોના પરિણામો જાહેર

પ્રજાસત્તાક દિવસ પરેડ 2025ના શ્રેષ્ઠ માર્ચિંગ ટુકડીઓ અને ટેબ્લોના પરિણામો જાહેર કરવામાં આવ્યા છે. સેવાઓ અને કેન્દ્રીય સશસ્ત્ર પોલીસ દળો (CAPF)/અન્ય સહાયક દળો અને કેન્દ્ર સરકારના વિવિધ રાજ્યો/કેન્દ્રશાસિત પ્રદેશો (UT) અને મંત્રાલયો/વિભાગોના ટેબ્લોના માર્ચિંગ ટુકડીઓના પ્રદર્શનનું મૂલ્યાંકન કરવા માટે ન્યાયાધીશોની ત્રણ પેનલની રચના કરવામાં આવી હતી. પેનલોએ નીચેના પરિણામો જાહેર કર્યા છે:

• સેવાઓમાં શ્રેષ્ઠ માર્ચિંગ ટુકડી – જમ્મુ અને કાશ્મીર રાઇફલ્સ ટુકડી
• CAPF/અન્ય સહાયક દળોમાં શ્રેષ્ઠ માર્ચિંગ ટુકડી – દિલ્હી પોલીસ માર્ચિંગ ટુકડી

ટોચના ત્રણ ટેબ્લો (રાજ્યો/કેન્દ્રશાસિત પ્રદેશો)

• પ્રથમ – ઉત્તર પ્રદેશ (મહાકુંભ 2025 – સ્વર્ણિમ ભારત: વિરાસત અને વિકાસ)
• દ્વિતીય – ત્રિપુરા (શાશ્વત શ્રદ્ધા: ત્રિપુરામાં 14 દેવતાઓની પૂજા – ખર્ચી પૂજા)
• તૃતીય – આંધ્રપ્રદેશ (એટિકોપ્પાકા બોમ્માલુ – ઇકો-ફ્રેન્ડલી લાકડાના રમકડાં)

કેન્દ્રીય મંત્રાલયો/વિભાગોની શ્રેષ્ઠ ઝાંખી

• આદિજાતિ બાબતોનું મંત્રાલય (જનજાતિય ગૌરવ વર્ષ)

વિશેષ પુરસ્કાર:

i. કેન્દ્રીય જાહેર બાંધકામ વિભાગ (ભારતના બંધારણના 75 વર્ષ)

ii. ‘જયતિ જય મમ: ભારતમ’ નૃત્ય જૂથ

આ ઉપરાંત 26 થી 28 જાન્યુઆરી, 2025 દરમિયાન MyGov પોર્ટલ પર નાગરિકો માટે ‘લોકપ્રિય પસંદગી શ્રેણી’ તરીકે તેમના મનપસંદ ઝાંખી અને માર્ચિંગ ટુકડીઓને મત આપવા માટે એક ઓનલાઈન મતદાન હાથ ધરવામાં આવ્યું હતું. પરિણામો નીચે મુજબ છે:

સેવાઓમાં શ્રેષ્ઠ માર્ચિંગ ટુકડી – સિગ્નલ ટુકડી

• CAPF/અન્ય સહાયક દળોમાં શ્રેષ્ઠ માર્ચિંગ ટુકડી – CRPF માર્ચિંગ ટુકડી

ટોચના ત્રણ ટેબ્લો (રાજ્યો/કેન્દ્રશાસિત પ્રદેશો)

• પ્રથમ – ગુજરાત (સ્વર્ણિમ ભારત: વિરાટ ઔર વિકાસ)
• દ્વિતીય – ઉત્તર પ્રદેશ (મહાકુંભ 2025 – સ્વર્ણિમ ભારત: વિરાસત ઔર વિકાસ)
• તૃતીય – ઉત્તરાખંડ (ઉત્તરાખંડ: સાંસ્કૃતિક વારસો અને સાહસિક રમતો)

કેન્દ્રીય મંત્રાલયો/વિભાગો તરફથી શ્રેષ્ઠ ટેબ્લો

• મહિલા અને બાળ વિકાસ મંત્રાલય (મંત્રાલયની વ્યાપક યોજનાઓ હેઠળ પોષિત મહિલાઓ અને બાળકોની બહુપક્ષીય યાત્રા)