Tag Archives: IIT Gandhinagar

વધતા પૂર અને અનિયમિત હવામાનના સંદર્ભમાં, દુનિયાભરના શહેરો એક સરળ ઉકેલ તરફ વળી રહ્યા છે: દિવાલ બાંધવી. સ્પેઇનથી લઈને સુરત સુધી, અડધા અધૂરા તટબંધો અથવા બાંધ (એમ્બેન્કમેન્ટ) સિસ્ટમો નદી કે દરિયાકાંઠાના પૂરને રોકવા માટેનો મુખ્ય ઉપાય બની ગઈ છે.આવાં માળખાં પાટા વિસ્તારો અને શહેરી વિસ્તારમાં પાણી રોકવા માટે રચવામાં આવે …

ઇન્ડિયન ઇન્સ્ટિટ્યૂટ ઑફ ટેક્નોલોજી ગાંધીનગર (આઇઆઇટીજીએન) એ 2 ઓગસ્ટ, 2025ના રોજ જસુભાઈ મેમોરિયલ ઓડિટોરીયમમાં ત્રીજો સ્થાપના દિવસ ઉજવીને તેની સ્થાપનાના 17 વર્ષ પૂર્ણ થાને યાદગાર બનાવ્યો હતો. આ ઉજવણીમાં વિદ્યાર્થી, ફેકલ્ટી, ભૂતપૂર્વ વિદ્યાર્થીઓ અને અગ્રણીઓ એકઠા થયા અને આઇઆઇટીજીએનની શૈક્ષણિક શ્રેષ્ઠતા, સંશોધનક્ષમતા અને સમુદાય માટેના યોગદાનની યાત્રાને યાદ કરી. આ કાર્યક્રમમાં મુખ્ય અતિથિ તરીકે આંતરરાષ્ટ્રીય નાણાકીય સેવાઓ કેન્દ્રો પ્રાધિકરણ (IFSCA)ના અધ્યક્ષ …

ઈન્ડિયન ઈન્સ્ટિટ્યૂટ ઓફ ટેકનોલોજી ગાંધીનગર (IITGN) એ 2025 ની બેચના નવીન પ્રવેશિત BTech વિદ્યાર્થીઓ માટે 21 જુલાઈ, 2025ના રોજ તેના મુખ્ય ફાઉન્ડેશન પ્રોગ્રામ (FP) નો પ્રારંભ કર્યો. સંસ્થાનો આ અગ્રણી ઉપક્રમ ચાર અઠવાડિયાનો વ્યાપક કાર્યક્રમ છે, જે 21 જુલાઈથી 15 ઑગસ્ટ, 2025 સુધી ચાલશે, જેનો હેતુ વિદ્યાર્થીઓની માત્ર શૈક્ષણિક યાત્રા જ નહીં પરંતુ વ્યક્તિગત વિકાસને પણ આકાર આપવાનો છે. ફાઉન્ડેશન પ્રોગ્રામ IITGNની આ ઊંડી પ્રતિબદ્ધતાનું પ્રતિબિંબ છે કે તે માત્ર ટેકનિકલી કુશળ જ નહીં પરંતુ સામાજિક રીતે જાગૃત, નૈતિક મૂલ્યોમાં સ્થિર, શારીરિક રીતે સક્રિય અને સર્જનાત્મક રીતે પ્રેરિત એવા સર્વગુણસંપન્ન વ્યક્તિઓનું ઘડતર કરે. આ વર્ષે કાર્યક્રમનું ઉદ્ઘાટન વોલ્વો ગ્રુપ, ઈન્ડિયાના પ્રેસિડેન્ટ અને મેનેજિંગ ડિરેક્ટર શ્રી કમલ બાલીના મુખ્ય અતિથિ તરીકેના હસ્તે થયું. શ્રી બાલીએ જણાવ્યું, “ફાઉન્ડેશન પ્રોગ્રામ IITGN દ્વારા શરૂ કરાયેલ એક ઉત્તમ પહેલ છે. મારા માટે, આ માત્ર આગામી ચાર વર્ષ માટેનો ફાઉન્ડેશન પ્રોગ્રામ નથી, આ એક વિકસિત ભારત માટેનો પાયો છે. આ આપણા દેશના ભવિષ્યના નિર્માણનો પાયો છે. તમે એક VUCA (Volatile, Uncertain, Complex, Ambiguous) (અસ્થિર, અનિશ્ચિત, જટિલ, અને દ્વિઅર્થિય) દુનિયામાં પ્રવેશી રહ્યા છો. તેના માટે તૈયાર રહો. હંમેશા શ્રેષ્ઠ પ્રદર્શન કરો. ભારતમાં, તમે યોગ્ય જગ્યા પર, યોગ્ય લોકો વચ્ચે છો. તમે એવા સમયમાં મોટા થઈ રહ્યા છો જ્યારે ભારત ઊંચાઈ પર જઈ રહ્યું છે. સતત શીખતા રહો.” તેમણે નેતૃત્વના સત્યતા તથા વિશ્વસનીયતાને ભાવિ નેતાઓ માટેના મુખ્ય આધારસ્તંભ ગણાવ્યા અને સહકારની ભાવનાને વધાવવા માટે વિદ્યાર્થીઓને પ્રોત્સાહિત કર્યા. મૂલ્યો અને નૈતિકતા, સર્જનાત્મકતા, ટીમ વર્ક, સામાજિક જાગૃતિ અને શારીરિક પ્રવૃત્તિઓ અને રમતગમત—આ પાંચ મુખ્ય સ્તંભો પર આધારિત આ કાર્યક્રમ, સંયુક્ત પ્રવેશ પરીક્ષા (JEE) માટેની કઠોર શૈક્ષણિક તૈયારી પછી વિદ્યાર્થીઓને એક તાજગીભર્યો વિરામ આપે છે. આ ચાર અઠવાડિયામાં વિદ્યાર્થીઓ સંગીત, નૃત્ય, રમતગમત, કલા, સામુદાયિક પહોંચ અને હેન્ડ્સ-ઑન ક્રિએટિવ વર્કશોપ સહિત વિવિધ રસપ્રદ પ્રવૃત્તિઓમાં ભાગ લેશે. આ અનુભવો દ્વારા IITGN પોતાના વિદ્યાર્થીઓમાં ખુલ્લુ મન, સહાનુભૂતિ, નેતૃત્વ અને શોધખોળની ભાવના વિકસાવવા માંગે છે. આ કાર્યક્રમમાં વિચારસરણીના નેતાઓ, ઉદ્યોગ નિષ્ણાતો અને નવીનતા લાવનારાઓના પ્રેરણાત્મક સંબોધનો પણ સામેલ છે, જેથી વિદ્યાર્થીઓ વિવિધ ક્ષેત્રોના પ્રતિષ્ઠિત વ્યક્તિત્વો સાથે સંપર્ક સાધી શકે અને તેમની પાસેથી શીખી શકે. પ્રોફેસર રજત મૂનાએ સંસ્થાના ઈતિહાસમાં સૌથી મોટા પ્રવેશમાંના એક તરીકે વિવિધ ડિગ્રી અને વિષયોમાં 900 થી વધુ નવા વિદ્યાર્થીઓનું સ્વાગત કર્યું. નવા વિદ્યાર્થીઓને સંબોધતા તેમણે જણાવ્યું, “તમારી રેન્ક તમને નિર્ધારિત ન કરે. હવે જે મહત્વનું છે તે છે કે આગામી થોડાં વર્ષોમાં તમે વ્યક્તિ તરીકે કેટલા વિકાસ પામો છો. ઉત્સુક રહો, ખુલ્લા રહો અને યાદ રાખો, શીખવાનું ક્યારેય બંધ થતું નથી.”

IIT ગાંધીનગર (IITGN)એ 28મી જૂન 2025ના રોજ તેની મુખ્ય દ્વિમાસિક ઇન્ડસ્ટ્રી મીટ, ORBITનો શુભારંભ કર્યો, જેમાં માઇક્રો, સ્મોલ અને મિડિયમ એન્ટરપ્રાઇઝીસ (MSMEs), સ્ટાર્ટઅપ્સ, મલ્ટિનેશનલ કંપનીઓ અને IITGNના હિતધારકો એકત્રિત થયા હતા. આ કાર્યક્રમનો ઉદ્દેશ વ્યૂહાત્મક સહકાર, ઉદ્યોગની જરૂરિયાતોની સમજ અને ઉચ્ચ વૃદ્ધિ ધરાવતા ક્ષેત્રોમાં ટેક્નોલોજી વિકાસને આગળ વધારવાનો હતો. ORBIT (Outreach, Research, Breakthrough, Innovation, and Technology)ના પ્રથમ સંસ્કરણમાં બાયોમેડિકલ એન્જિનિયરિંગ ક્ષેત્રમાં ઉદ્યોગ-શૈક્ષણિક સહયોગના માર્ગો, ફંડિંગ મિકેનિઝમ અને નિયમન સંબંધિત પડકારો પર ચર્ચા કરવામાં આવી. ઉપરાંત, પરીક્ષણ, ઉત્પાદન, ઈન્ફ્રાસ્ટ્રક્ચર એક્સેસ અને ટકાઉ ભાગીદારીમાં પડકારોનો સામનો કરવા માટે પ્રોત્સાહન, નીતિ ઘડવાની પ્રક્રિયા, અને સંરચનાત્મક પરિવર્તનની જરૂરિયાત પર પણ ચર્ચા કરવામાં આવી. પ્રતિનિધિઓનું સ્વાગત કરતા, પ્રોફેસર અમિત પ્રશાંત, ડીન, સંશોધન અને વિકાસ, એ “શૈક્ષણિક સંસ્થાનો અને ઉદ્યોગો વચ્ચેના સમય અને સંકલનના અંતરને દૂર કરવા” તેમજ વિશ્વાસના આધાર પર ભાગીદારી સ્થાપિત કરવાની જરૂરિયાત પર ભાર મૂક્યો. IITGNના ફેકલ્ટીઑ, સંસ્થાના રિસર્ચ પાર્ક, ઇનોવેશન એન્ડ એન્ટરપ્રેન્યોરશિપ સેન્ટર, ઇન્ડસ્ટ્રી કનેક્ટ અને કેરિયર ડેવલપમેન્ટ સેલના હિતધારકો, MSMEs, ફાર્મા કંપનીઓ, અને સ્ટાર્ટઅપ્સના પ્રતિનિધિઓ આ સંવાદમાં જોડાયા હતા. આ ચર્ચાઓ દરમિયાન, ઉત્પાદનીકરણ, પેટન્ટિંગ અને અનુવાદી પ્રવૃત્તિઓને વેગ આપવા માટે નીતિ અને સૂચિત પ્રક્રિયાઓની જરૂરિયાત અંગે ચર્ચા કરવામાં આવી. ઉપરાંત, Zydus Lifesciences, Cadila Pharmaceuticals, Biotech Vision Care, Axio Biosolutions, IOTA Diagnostic, Salvo India, Spotdot Bioinnovations અને અન્ય દ્વારા અનેક સમસ્યા નિવેદનો રજૂ કરવામાં આવ્યા. ગુજરાત સરકાર દ્વારા આપવામાં આવતી તક અંગે વાત કરતાં, ડો. આનંદ એન. ભાડલકર, ડિરેક્ટર, સાવલી ટેક્નોલોજી એન્ડ બિઝનેસ ઇન્ક્યુબેટર (STBI)એ આરોગ્ય અને જીવન વિજ્ઞાન ક્ષેત્રની પ્રારંભિક સ્ટાર્ટઅપ્સને વ્યાપક સપોર્ટ આપવાની સંસ્થાની ભૂમિકા પર ભાર મૂક્યો. તેમણે જણાવ્યું કે STBI ફંડિંગ સંસ્થાઓ સાથે ગ્રાન્ટ પ્રસ્તાવ તૈયાર કરે છે, IITGN જેવા શૈક્ષણિક ભાગીદારો સાથે સંયુક્ત પ્રોજેક્ટ અને સહ-ઇન્ક્યુબેશન શરૂ કરે છે, તેમજ સ્ટાર્ટઅપ્સને ઇન્ક્યુબેશન સ્પેસ, પરીક્ષણ સુવિધાઓ, માર્ગદર્શન અને IP અને લાઈસન્સિંગ સપોર્ટ પૂરો પાડે છે. આ પ્રસંગમાં IITGNના તાજેતરના ‘ઔદ્યોગિક ક્ષેત્ર માટે તૈયાર કરવા માટે’ રચાયેલા અભ્યાસક્રમો, જેમ કે અંતિમ વર્ષના અંડરગ્રેજ્યુએટ્સ માટે છ મહિનાનો ક્રેડિટેડ ઇન્ટર્નશિપ અને નવતર પ્રૌદ્યોગિકી ક્ષેત્રોમાં વિવિધ એક્ઝિક્યુટિવ માસ્ટર્સ ડિગ્રી કાર્યક્રમો પણ પ્રકાશિત કરવામાં આવ્યા. કૉન્ક્લેવનું સમાપન રિસર્ચ પાર્કની મુલાકાત સાથે થયું. “ORBIT કાર્યક્રમે પુષ્ટિ કરી કે, બાયોમેડિકલ એન્જિનિયરિંગમાં નવીનતા ત્યારે જ વિકસે છે જ્યારે શૈક્ષણિક અને ઉદ્યોગીક ક્ષેત્રના હિતધારકો સમાન ભાગીદારી સાથે જોડાય છે” એમ પ્રોફેસર સૌમ્યદીપ સેટ, IITGN ઇન્ડસ્ટ્રી કનેક્ટ ના પ્રભારીએ જણાવ્યું. આવી ભાગીદારીઓ, ભારતના સંશોધનોને દૈનિક જીવનમાં સાંકળી લેવા માટેની ઇકોસિસ્ટમ વિકસાવવામાં મદદરૂપ થશે, આર્થિક વૃદ્ધિમાં વધારો કરશે, અને દેશને વૈશ્વિક બાયોમેડિકલ ક્ષેત્રમાં નવીનતા કેન્દ્ર તરીકે સ્થાન આપશે. ORBITનું આગામી સંસ્કરણ સપ્ટેમ્બર 2025માં યોજાશે અને તેમાં ઇલેક્ટ્રિક વાહનો પર ધ્યાન કેન્દ્રિત કરવામાં આવશે.

સેન્ટ્રલ બોર્ડ ઓફ સેકન્ડરી એજ્યુકેશન (CBSE) અને આઇઆઇટી ગાંધીનગર (IIT Gandhinagar) ખાતે આવેલ સેન્ટર ફોર ક્રિએટિવ લર્નિંગ (CCL) એક વખત ફરીથી શિક્ષણના ક્ષેત્રમાં એક અદ્ભુત પહેલ સાથે લાવી રહ્યા છે, 3030 એક્લવ્ય આ ઓનલાઇન પ્રોગ્રામની ત્રીજી આવૃત્તિનું લક્ષ્ય, વિદ્યાર્થીઓ અને શિક્ષકોમાં વિજ્ઞાન અને ગણિતના પ્રત્યેની જિજ્ઞાસા અને સર્જનાત્મકતાને જાગૃત કરવાનું છે. આ પ્રોગ્રામ રોજબરોજના જીવનની ઘટનાઓને પ્રાયોગિક પ્રવૃત્તિઓ સાથે જોડીને વિજ્ઞાન અને ગણિતને રોમાંચક બનાવશે. પ્રમાણપત્ર વિકલ્પો: CBSE શિક્ષકો 10 એપિસોડ્સ અને અસાઇનમેન્ટ્સ પૂર્ણ કરીને 30-કલાકનું CPD પ્રમાણપત્ર મેળવી શકશે. વિદ્યાર્થીઓ અને અન્ય લોકો સહભાગિતા પ્રમાણપત્ર (Participation Certificate) તથા કોર્સ પૂર્ણતા પ્રમાણપત્ર (Course Completion Certificate) મેળવી શકશે. રાષ્ટ્રીય શિક્ષણ નીતિ (NEP) 2020 સાથે સંરેખિત આ શ્રેણી, શિક્ષણને નવી દિશા આપે છે જે ખ્યાલાત્મક સ્પષ્ટતા અને સર્જનાત્મક વિચારધારાને વિકસાવે છે. પ્રથમ એપિસોડની વિગતો: તારીખ: 26 જાન્યુઆરી 2025, રવિવાર સમય: સાંજે 4 વાગ્યાથી (IST) એપિસોડ શીર્ષક: કમ્પ્યુટિંગ વિથ સોપ (બંટીનો સાબુ ધીમો નથી, સુપરકમ્પ્યુટર કરતાં પણ ઝડપી છે) સાપ્તાહિક એપિસોડ્સ: 45 મિનિટની અવધીના 10 લાઇવ સત્રો, દર રવિવારે સાંજે 4 વાગ્યાથી પ્રસારિત થશે. એપિસોડ હાઇલાઇટ્સ: સાબુની ફિલ્મોની મદદથી પઝલ્સ ઉકેલો  અને મેટ્રો નેટવર્ક્સ ડિઝાઇન કરવાથી લઈને 300 વર્ષ જૂની સમસ્યાઓનો સામનો કરો. જીવવિજ્ઞાનના ખ્યાલોને સમજો સાથે બબલ્સ અને સાબુનો ઉપયોગ કરીને કોષ રચનાને નિહાળો. મનોરંજક અને વ્યવહારુ રીતે ભૂમિતિ, બીજગણિત અને સંખ્યા પેટર્નનું અન્વેષણ કરવા માટે DIY પ્રોજેક્ટ્સમાં ડાઇવ કરો. શાળાઓ આ પ્રોગ્રામમાં કેવી રીતે સક્રિય ભૂમિકા ભજવી શકે? ૧. વિદ્યાર્થીઓ અને શિક્ષકોને પ્રોત્સાહિત કરો: આ પ્રોગ્રામમાં જોડાઈને તેઓ વિજ્ઞાન અને   ગણિતની અદ્ભુત યાત્રા પર જઈ શકે છે. ૨. સંસાધનોનો ઉપયોગ કરો: મૂલ્યાંકન ફ્રેમવર્ક અને સાધનોની મદદથી પ્રોગ્રામને વધુ સહજ અને રસપ્રદ બનાવો. ૩. જાગૃતિ ફેલાવો: પોસ્ટર્સ અને WhatsApp સંદેશાઓ શેર કરીને આ પ્રોગ્રામ વિશે બધાને જાણ કરો અને તેમને જોડાવા પ્રોત્સાહિત કરો.