ಚಲನಚಿತ್ರಗಳ ವಿಮರ್ಶೆ: ವಿಮರ್ಶೆಯಿಂದ ಸಿನಿಮಾ ಓದುವವರೆಗೆ’ – ಐ.ಎಫ್.ಎಫ್.ಐ. 2024ರಲ್ಲಿ ಮಾಧ್ಯಮ ಪ್ರತಿನಿಧಿಗಳಿಗೆ ಚಲನಚಿತ್ರ ಮೆಚ್ಚುಗೆಯ ಕುರಿತು ತರಬೇತಿ ನೀಡಲಾಯಿತು

ಪತ್ರಿಕಾ ಮಾಹಿತಿ ಬ್ಯೂರೋ (ಪಿಐಬಿ), ವಾರ್ತಾ ಮತ್ತು ಪ್ರಸಾರ ಸಚಿವಾಲಯ, ಪುಣೆಯ ಫಿಲ್ಮ್ ಅಂಡ್ ಟೆಲಿವಿಷನ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ (ಎಫ್.ಟಿ.ಐ.ಐ.) ಸಹಯೋಗದೊಂದಿಗೆ ಮಾಧ್ಯಮ ಪ್ರತಿನಿಧಿಗಳಿಗಾಗಿ ‘ಚಲನಚಿತ್ರಗಳನ್ನು ವಿಮರ್ಶೆ ಮಾಡುವುದು: ಸಿನಿಮಾವನ್ನು ವಿಮರ್ಶಿಸುವುದರಿಂದ ಸಿನಿಮಾ ಓದುವವರೆಗೆ’ ಎನ್ನುವ ಆಕರ್ಷಕ ಚಲನಚಿತ್ರ ಮೆಚ್ಚುಗೆಯ ಕೋರ್ಸ್ ಅನ್ನು ಗೋವಾದಲ್ಲಿ 55ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ (ಐ.ಎಫ್.ಎಫ್.ಐ.) ಜೊತೆಯಲ್ಲಿ ಆಯೋಜಿಸಿದೆ. ಇದು ಚಲನಚಿತ್ರಗಳ ಕಲೆ ಮತ್ತು ಕರಕುಶಲತೆಯ ವಿವಿಧ ಅಂಶಗಳನ್ನು ಅನ್ವೇಷಿಸುವ ಮತ್ತು ಚಲನಚಿತ್ರಗಳನ್ನು ಸರಿಯಾಗಿ ಓದಲು ಕಲಿಯುವ ಪ್ರಾಮುಖ್ಯತೆಯ ಮೇಲೆ ಕೇಂದ್ರೀಕರಿಸಿದೆ. ಐ.ಎಫ್.ಎಫ್.ಐ. ಮಾಧ್ಯಮ ಪ್ರತಿನಿಧಿಗಳಿಗಾಗಿ ಪ್ರತ್ಯೇಕವಾಗಿ ಈ ಕೋರ್ಸ್ ಅನ್ನು ಆಯೋಜಿಸಲಾಗಿತ್ತು. ಈ ಕೋರ್ಸ್ ಅನ್ನು ಪುಣೆಯ ಎಫ್.ಟಿ.ಐ.ಐ.ನಿಂದ ಡಾ. ಇಂದ್ರನೀಲ್ ಭಟ್ಟಾಚಾರ್ಯ, ಪ್ರೊ. ಆಮ್ಲನ್ ಚಕ್ರವರ್ತಿ ಮತ್ತು ಪ್ರೊ. ಮಾಲಿನಿ ದೇಸಾಯಿ ಮುಂತಾದ ಉದ್ಯಮ ತಜ್ಞರು ಮುನ್ನಡೆಸಿದರು.

ಪ್ರಾಧ್ಯಾಪಕ ಡಾ.ಇಂದ್ರನೀಲ್ ಭಟ್ಟಾಚಾರ್ಯ ಅವರು ‘ಚಲನಚಿತ್ರ ವಿಶ್ಲೇಷಣೆಯ ತತ್ವಗಳು’ ಕುರಿತು ಭಾಗವಹಿಸಿದವರಿಗೆ ಪರಿಚಯಿಸಿದರು. ಇದರ ನಂತರ ಪ್ರೊಫೆಸರ್ ಅಮ್ಲನ್ ಚಕ್ರವರ್ತಿ ನೇತೃತ್ವದಲ್ಲಿ ‘ಕಲಾತ್ಮಕ ಸಾಧನವಾಗಿ ಸಂಕಲನ’ ಕುರಿತು ಅಧಿವೇಶನ ನಡೆಯಿತು. ಮತ್ತೊಂದು ಆಕರ್ಷಕ ಅಧಿವೇಶನದಲ್ಲಿ, ಪ್ರೊ. ಮಾಲಿನಿ ದೇಸಾಯಿ ‘ನಾಟಕೀಯ ಸಾಧನವಾಗಿ ಬೆಳಕು’ ಮಹತ್ವದ ಕುರಿತು ಮಾಹಿತಿ ನೀಡಿದರು.

ಪ್ರೊಫೆಸರ್ ಆಮ್ಲನ್ ಚಕ್ರವರ್ತಿ ಅವರು ಚಲನಚಿತ್ರ ಮೆಚ್ಚುಗೆಯ ಪ್ರಾಮುಖ್ಯತೆಯನ್ನು ಎತ್ತಿ ತೋರಿಸುತ್ತಾ, “ಚಲನಚಿತ್ರ ಮೆಚ್ಚುಗೆಯು ಕೇವಲ ಅದನ್ನು ಪ್ರಶಂಸಿಸುವುದಲ್ಲ, ಆದರೆ ಚಲನಚಿತ್ರವನ್ನು ಅರ್ಥಮಾಡಿಕೊಳ್ಳುವುದು. ಪ್ರತಿ ಚಲನಚಿತ್ರವು ತನ್ನ ಪ್ರೇಕ್ಷಕರನ್ನು ಮೆಚ್ಚಿಸಲು ವಿನ್ಯಾಸಗೊಳಿಸಲಾಗಿದೆ. ಕೆಲವು ಚಲನಚಿತ್ರಗಳು ನಿಮ್ಮೊಂದಿಗೆ ಇರುತ್ತವೆ ಮತ್ತು ಏಕೆ ಎಂದು ನೀವು ಕೇಳಬೇಕಾಗಿದೆ.” ಅವರು ಆಸ್ಕರ್ 2025 ರ ಭಾರತದ ಅಧಿಕೃತ ಪ್ರವೇಶವಾದ ಮಿಸ್ಸಿಂಗ್ ಲೇಡೀಸ್ ಮೂಲಕ ಚಲನಚಿತ್ರಗಳಲ್ಲಿ ಅಡಗಿರುವ ಆಳವಾದ ಸಾಮಾಜಿಕ ಅರ್ಥಗಳನ್ನು ವಿವರಿಸಿದರು.

ನಂತರ ಪ್ರೊಫೆಸರ್ ಭಟ್ಟಾಚಾರ್ಯ ಅವರು ಕಿರುಚಿತ್ರಗಳ ವಿಶ್ಲೇಷಣೆಯ ಮೇಲೆ ಕೇಂದ್ರೀಕರಿಸಿದ ವಿಶೇಷ ಅಧಿವೇಶನವನ್ನು ನಡೆಸಿದರು, ಭಾಗವಹಿಸುವವರಿಗೆ ಕಿರು-ರೂಪದ ಸಿನಿಮಾದ ರಚನೆ ಮತ್ತು ಕಥೆ ಹೇಳುವ ತಂತ್ರಗಳ ಬಗ್ಗೆ ಹೆಚ್ಚು ಮೌಲ್ಯಯುತ ಒಳನೋಟವನ್ನು ಹಂಚಿಕೊಂಡರು.

ಎನ್.ಎಫ್.ಡಿ.ಸಿ.ಯ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ಪೃತುಲ್ ಕುಮಾರ್ ಅವರು ಸಕ್ರಿಯವಾಗಿ ಭಾಗವಹಿಸಿದ್ದಕ್ಕಾಗಿ ಮಾಧ್ಯಮಗಳಿಗೆ ಧನ್ಯವಾದ ಅರ್ಪಿಸಿದರು ಮತ್ತು ಚಲನಚಿತ್ರಗಳನ್ನು ಪ್ರಚಾರ ಮಾಡುವಲ್ಲಿ ಮಾಧ್ಯಮಗಳು ವಹಿಸುವ ಮಹತ್ವದ ಪಾತ್ರವನ್ನು ಒತ್ತಿ ಹೇಳಿದರು. ಚಲನಚಿತ್ರಗಳನ್ನು ಅರ್ಥಮಾಡಿಕೊಳ್ಳುವ ಪ್ರಾಮುಖ್ಯತೆಯ ಕುರಿತು ಮಾತನಾಡಿದ ಅವರು, “ಚಲನಚಿತ್ರಗಳ ಪ್ರಪಂಚದ ಬಗ್ಗೆ ಆಳವಾಗಿ ಅಧ್ಯಯನ ಮಾಡಲು ಚಲನಚಿತ್ರ ಮೆಚ್ಚುಗೆಯ ಕೋರ್ಸ್ ನಿಜವಾಗಿಯೂ ಸಹಾಯ ಮಾಡುತ್ತದೆ, ಇದು ಮಾಧ್ಯಮವನ್ನು ಅರ್ಥಮಾಡಿಕೊಳ್ಳಲು ಮತ್ತು ಬರೆಯಲು ಮಾಧ್ಯಮವನ್ನು ಸಹಾಯ ಮಾಡುತ್ತದೆ.” ಎಂದು ಹೇಳಿದರು.

ಭಾಗವಹಿಸುವವರನ್ನು ಉದ್ದೇಶಿಸಿ ಮಾತನಾಡಿದ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಪಶ್ಚಿಮ ವಲಯದ ಮಹಾನಿರ್ದೇಶಕಿ ಶ್ರೀಮತಿ ಸ್ಮಿತಾ ವತ್ಸ್ ಶರ್ಮಾ, “ಮಾಧ್ಯಮವು ಪ್ರಮುಖ ಪಾತ್ರ ವಹಿಸುವುದರಿಂದ ಗೋವಾ ಮತ್ತು ದೇಶಾದ್ಯಂತ ಪ್ರತಿನಿಧಿಗಳು ಸೇರಿದಂತೆ ಭಾರತದಾದ್ಯಂತದ ಮಾಧ್ಯಮಗಳಿಗೆ ಈ ಕೋರ್ಸ್ ಲಭ್ಯವಿತ್ತು. ಸಿನಿಮಾಗಳ ಆಚರಣೆಯಲ್ಲಿ ಪಾತ್ರವಹಿಸುತ್ತದೆ ಮತ್ತು ಚಲನಚಿತ್ರಗಳನ್ನು ದೇಶದ ಮತ್ತು ಪ್ರಪಂಚದ ಮೂಲೆ ಮೂಲೆಗೆ ಕೊಂಡೊಯ್ಯುತ್ತದೆ ಮತ್ತು ಆದ್ದರಿಂದ ನಮ್ಮ ಮಾಧ್ಯಮ ವೃತ್ತಿಪರರ ಅನುಕೂಲಕ್ಕಾಗಿ ಐ.ಎಫ್.ಎಫ್.ಐ  ಸಮಯದಲ್ಲಿ ಈ ಕೋರ್ಸ್ ಅನ್ನು ನಿಗದಿಪಡಿಸಲಾಗಿದೆ. ಈ ಕೋರ್ಸ್ ಸಾಧ್ಯವಾಗಿಸುವಲ್ಲಿ ಎಫ್.ಟಿ.ಐ.ಐ. ಸಂಸ್ಥೆಯ  ಅಮೂಲ್ಯ ಬೆಂಬಲಕ್ಕಾಗಿ ಅವರು ಧನ್ಯವಾದ ಅರ್ಪಿಸಿದರು.

ಪಿಐಬಿ ಮುಂಬೈನ ಜಂಟಿ ನಿರ್ದೇಶಕರಾದ ಶ್ರೀ ಸೈಯದ್ ರಬೀಹಾಶ್ಮಿ, ಚಲನಚಿತ್ರಗಳನ್ನು ಆಚರಿಸುವುದು ಮಾತ್ರವಲ್ಲದೆ ಅವುಗಳ ಸಂಕೀರ್ಣ ವಿವರಗಳನ್ನು ಪರಿಶೀಲಿಸುವ ಅಗತ್ಯವನ್ನು ಒತ್ತಿ ಹೇಳಿದರು.

ಇಂತಹ ಉಪಕ್ರಮಗಳ ಪ್ರಾಮುಖ್ಯತೆಯ ಕುರಿತು ಮಾತನಾಡಿದ ಪ್ರೊಫೆಸರ್ ಮಾಲಿನಿ ದೇಸಾಯಿ ಅವರು “ಸಿನಿಮಾದ ಕಲ್ಪನೆಗಳನ್ನು ಹಂಚಿಕೊಳ್ಳುವಲ್ಲಿ ಮತ್ತು ಚಲನಚಿತ್ರದ ಕಲೆಯನ್ನು ಜಗತ್ತಿಗೆ ಅರ್ಥಮಾಡಿಕೊಳ್ಳುವಲ್ಲಿ ಮಾಧ್ಯಮವು ಬಹಳ ಮುಖ್ಯವಾದ ಪಾತ್ರವನ್ನು ವಹಿಸುತ್ತದೆ ಮಾಧ್ಯಮ ಮತ್ತು ಚಲನಚಿತ್ರ ನಿರ್ಮಾಪಕರ ನಡುವಿನ ಈ ಸಂವಾದ ಪರಸ್ಪರರ ದೃಷ್ಟಿಕೋನದ ಬಗ್ಗೆ ನಮ್ಮ ತಿಳುವಳಿಕೆಯನ್ನು ಹೆಚ್ಚು ಉತ್ಕೃಷ್ಟಗೊಳಿಸಿದ್ದಾರೆ ಎಂದು ಹೇಳಿದರು.

1999 ರಿಂದ ಐ.ಎಫ್.ಎಫ್.ಐ. ಬಗ್ಗೆ ವರದಿ ಮಾಡುತ್ತಿರುವ ಸ್ಕ್ರೀನ್ ಗ್ರಾಫಿಯಾದ ಶ್ರೀಮತಿ ಹರ್ಷಿತಾ ಅವರು ಈ ಉಪಕ್ರಮವನ್ನು ಶ್ಲಾಘಿಸುತ್ತಾ, “ಇದು ಚಲನಚಿತ್ರ ಪತ್ರಕರ್ತರಿಗೆ ಶಿಕ್ಷಣ ನೀಡಲು ಸಚಿವಾಲಯದ ಉತ್ತಮ ಉಪಕ್ರಮವಾಗಿದೆ. ಇದು ಚಲನಚಿತ್ರಗಳ ಬಗ್ಗೆ ಅವರ ಜ್ಞಾನವನ್ನು ವಿಸ್ತರಿಸುತ್ತದೆ. ಮುಂದಿನ ಆವೃತ್ತಿಗಳಲ್ಲಿಯೂ ಈ ಕೋರ್ಸ್ ಪುನರಾವರ್ತನೆಯಾಗುತ್ತದೆ ಎಂದು ನಾನು ಭಾವಿಸುತ್ತೇನೆ.” ಎಂದು ಹೇಳಿದರು.

ನಾಲ್ಕು ದಶಕಗಳಿಂದ ಐ.ಎಫ್.ಎಫ್.ಐ.ನಲ್ಲಿ ಭಾಗವಹಿಸುತ್ತಿರುವ ಹಿರಿಯ ಪತ್ರಕರ್ತ ಶ್ರೀ ಸತ್ಯೇಂದ್ರ ಮೋಹನ್ ಅವರು, “ನಾನು 1983 ರಿಂದ ಐ.ಎಫ್.ಎಫ್.ಐ.ನಲ್ಲಿ ಭಾಗವಹಿಸುತ್ತಿದ್ದೇನೆ. ಈ ಅಧಿವೇಶನವು ಬಹಳ ತಿಳಿವಳಿಕೆ ಮತ್ತು ಬೋಧಪ್ರದವಾಗಿತ್ತು. ಇದು ಪತ್ರಕರ್ತರಿಗೆ ಹೆಚ್ಚು ಆಳವಾದ ಮಟ್ಟದಲ್ಲಿ ಚಲನಚಿತ್ರಗಳನ್ನು ಪ್ರಶಂಸಿಸಲು ಸಹಾಯ ಮಾಡುತ್ತದೆ ಮತ್ತು 55ನೇ ಐ.ಎಫ್.ಎಫ್.ಐನ ಮಹತ್ವವನ್ನು ಹೆಚ್ಚಿಸುತ್ತದೆ.”  ಎಂದು ಹೇಳಿದರು.

ಸಮಾರೋಪ ಸಮಾರಂಭದೊಂದಿಗೆ ಕಾರ್ಯಕ್ರಮವು ಮುಕ್ತಾಯವಾಯಿತು. ಅಧಿವೇಶನದಲ್ಲಿ ಭಾಗವಹಿಸಿದ್ದ 30 ಕ್ಕೂ ಹೆಚ್ಚು ಮಾಧ್ಯಮ ಪ್ರತಿನಿಧಿಗಳಿಗೆ ಪ್ರಮಾಣಪತ್ರಗಳನ್ನು ವಿತರಿಸಲಾಯಿತು. ಚಲನಚಿತ್ರ ಮೆಚ್ಚುಗೆ ಬಗ್ಗೆ ಮತ್ತಷ್ಟು ಅರ್ಥಮಾಡಿಕೊಳ್ಳುವಲ್ಲಿ ಆಯೋಜಕರ  ಪ್ರಯತ್ನಗಳನ್ನು ಶ್ಲಾಘಿಸಿದರು.