ઇન્ડિયા પોસ્ટ પેમેન્ટ્સ બેંકે ઉજવ્યો 9મો સ્થાપના દિવસ, ડિજિટલ અને કેશલેસ બેંકિંગને છેવાડાના વિસ્તારો સુધી પહોંચાડી રહી છે—પોસ્ટમાસ્ટર જનરલ કૃષ્ણ કુમાર યાદવ

વિશ્વના સૌથી મોટા ડોરસ્ટેપ બેંકિંગ નેટવર્ક તરીકે ઇન્ડિયા પોસ્ટ પેમેન્ટ્સ બેંકે ‘છેવાડા સુધી સેવા’ને નાણાકીય સમાવેશની નવી ઓળખ બનાવી—પોસ્ટમાસ્ટર જનરલ કૃષ્ણ કુમાર યાદવ

ભારતમાં 13.25 કરોડ ગ્રાહકો, 77% ગ્રામ્ય ખાતાઓ અને 48.8% મહિલા ગ્રાહકો—ડિજિટલ તથા ડોરસ્ટેપ બેંકિંગ દ્વારા કરોડો ભારતીયોને સશક્ત બનાવી રહી છે ઇન્ડિયા પોસ્ટ પેમેન્ટ્સ બેંક

ડાક વિભાગના ઉપક્રમ રૂપે સ્થાપિત ઇન્ડિયા પોસ્ટ પેમેન્ટ્સ બેન્કે તેના 9મા સ્થાપના દિવસના અવસરે દેશમાં ડિજિટલ બેંકિંગ, ડોરસ્ટેપ બેંકિંગ અને નાણાકીય સમાવેશની તેની નોંધપાત્ર સફરને ઉજાગર કરી હતી. આ પ્રસંગે અમદાવાદ ખાતે આયોજિત કાર્યક્રમમાં ઉત્તર ગુજરાત ક્ષેત્રના પોસ્ટમાસ્ટર જનરલ શ્રી કૃષ્ણ કુમાર યાદવે કેક કાપીને કાર્યક્રમનો શુભારંભ કર્યો હતો. પ્રધાનમંત્રી શ્રી નરેન્દ્રભાઈ મોદીજીના નેતૃત્વમાં ‘અંત્યોદય’ના સંકલ્પને સાકાર કરતા ઇન્ડિયા પોસ્ટ પેમેન્ટ્સ બેંકે ‘છેલ્લા છેવાડા સુધી સેવા’ની પરિકલ્પનાને નવી ઊંચાઈઓ આપી છે. વર્ષ 2018-19માં ભારતમાં અંદાજે 56 લાખ ગ્રાહકો સાથે પોતાની સફર શરૂ કરનાર ઇન્ડિયા પોસ્ટ પેમેન્ટ્સ બેંક આજે 13.25 કરોડ ગ્રાહકો સાથે જોડાઈ ચૂકી છે. ગુજરાત સર્કલમાં 45.50 લાખ આઈપીપીબી ખાતાઓ કાર્યરત છે. આઈપીપીબી કરોડો ભારતીયોના જીવનમાં એક વિશ્વસનીય સાથી બનીને તેમને પોતાના નાણાંનું સંચાલન કરવા, પોતાના હકની રકમ મેળવવા અને આત્મવિશ્વાસ સાથે પોતાના સપનાઓ તરફ આગળ વધવા માટે સશક્ત બનાવી રહી છે.

પોસ્ટમાસ્ટર જનરલ શ્રી કૃષ્ણ કુમાર યાદવે જણાવ્યું કે વિશ્વના સૌથી મોટા ડોરસ્ટેપ બેંકિંગ નેટવર્ક તરીકે આઈપીપીબીએ ટપાલ વિભાગના વિશાળ નેટવર્ક અને ડિજિટલ ટેકનોલોજીની શક્તિને જોડીને દેશના કરોડો નાગરિકોને, ખાસ કરીને ગ્રામીણ અને દૂરદૂરના વિસ્તારોમાં વસતા લોકોને, બેંકિંગ અને નાણાકીય સેવાઓની મુખ્યધારા સાથે જોડવામાં મહત્વપૂર્ણ ભૂમિકા ભજવી છે. વર્ષ 2018-19માં ભારતમાં લગભગ 56 લાખ ગ્રાહકો સાથે પોતાની સફર શરૂ કરનાર ઇન્ડિયા પોસ્ટ પેમેન્ટ્સ બેંક આજે 13.25 કરોડ ગ્રાહકો સાથે જોડાઈ ચૂકી છે. તેમાં લગભગ 77 ટકા ખાતાઓ ગ્રામીણ ભારતમાં છે, જ્યારે આઈપીપીબીના કુલ ગ્રાહકોમાં 48.8 ટકા મહિલાઓ છે, જે મહિલા સશક્તિકરણમાં પણ તેની મહત્વપૂર્ણ ભૂમિકાને ઉજાગર કરે છે. પોસ્ટમાસ્ટર જનરલ શ્રી કૃષ્ણ કુમાર યાદવે જણાવ્યું હતું કે દેશની લગભગ 10 ટકા બેંકિંગ માટે પાત્ર વસ્તી આઈપીપીબી સાથે જોડાયેલી છે, જ્યારે લગભગ 12 ટકા ડીબીટી લાભાર્થીઓ તેના માધ્યમથી સરકારી યોજનાઓનો લાભ મેળવી રહ્યા છે. ડિજિટલ બેંકિંગના ક્ષેત્રમાં પણ આઈપીપીબી સતત નવા સીમાચિહ્નો સ્થાપિત કરી રહી છે. યુપીઆઈ ઓટો-પેના ક્ષેત્રમાં ઇન્ડિયા પોસ્ટ પેમેન્ટ્સ બેંક દેશમાં ચોથા ક્રમે છે, જ્યારે યુપીઆઈ મારફતે કરવામાં આવતા બાહ્ય વ્યવહારોની સંખ્યાના આધારે તે દેશની નવમી સૌથી મોટી બેંક છે.

ગુજરાત સર્કલના આઈપીપીબીના આસિસ્ટન્ટ જનરલ મેનેજર શ્રી સંદીપ કુમારે જણાવ્યું હતું કે વ્યક્તિઓને સશક્ત બનાવવાથી લઈને તેમની રોજિંદી નાણાકીય જરૂરિયાતોને પૂર્ણ કરવામાં સક્ષમ બનાવવા સુધી, આઈપીપીબી કરોડો ભારતીયો સુધી સમાવેશી, સુલભ અને સુવિધાજનક બેંકિંગને વધુ નજીક પહોંચાડવાના પોતાના સંકલ્પને સતત આગળ વધારી રહી છે. ગુજરાત સર્કલમાં 45.50 લાખ આઈપીપીબી ખાતાઓ કાર્યરત છે, જેમાંથી 26 લાખ ખાતાઓમાં આધાર સીડિંગ કરવામાં આવી છે.

આઈપીપીબીના ચીફ મેનેજર શ્રી અભિજિત જીભકાટે જણાવ્યું કે ઉત્તર ગુજરાત પરિક્ષેત્રમાં હાલમાં 9.62 લાખથી વધુ આઈપીપીબી ખાતાઓનું સંચાલન કરવામાં આવી રહ્યું છે. ઉત્તર ગુજરાતમાં આઈપીપીબી દ્વારા અત્યાર સુધીમાં 3.13 લાખથી વધુ લોકોનું સામાન્ય સુરક્ષા વીમા હેઠળ આવરી લેવામાં આવ્યા છે, જ્યારે 7.52 લાખથી વધુ લોકોએ ઘરબેઠાં મોબાઇલ અપડેશનની સુવિધાનો લાભ લીધો છે. ઉપરાંત, 83 હજારથી વધુ બાળકોનું સીઈએલસી અંતર્ગત ઘરબેઠાં આધાર નોંધણી કરવામાં આવી છે. 1.80 લાખથી વધુ લોકોને કુલ રૂ. 53 કરોડથી વધુનું ડીબીટી ચુકવણી કરવામાં આવી છે તથા અત્યાર સુધીમાં અંદાજે 79 હજાર ડિજિટલ જીવન પ્રમાણપત્ર જનરેટ કરવામાં આવ્યા છે. હાલમાં આશરે 2.18 લાખ ગ્રાહકો મોબાઇલ બેંકિંગનો ઉપયોગ કરી રહ્યા છે, જ્યારે લગભગ 92 હજાર ગ્રાહકો વર્ચ્યુઅલ ડેબિટ કાર્ડ દ્વારા ઓનલાઇન લેવડદેવડ કરી રહ્યા છે. આ ઉપરાંત, આશરે 1.25 લાખ પોસ્ટ ઓફિસ સેવિંગ્સ બેંકના ગ્રાહકોએ નિરંતર અને સરળ લેવડદેવડની સુવિધા માટે પોતાના ખાતાઓને આઈપીપીબી સાથે લિંક કર્યા છે. જ્યારે અંદાજે 5.10 લાખ ગ્રાહકોએ ડીબીટી મેળવવા માટે પોતાના આધારને આઈપીપીબી ખાતા સાથે જોડ્યા છે અને પોસ્ટમેન મારફતે ઘરઆંગણે રકમ ઉપાડવાની સુવિધાનો લાભ મેળવી રહ્યા છે.

આ પ્રસંગે સહાયક નિદેશક શ્રી રિતુલ ગાંધી, આઈપીપીબીના આસિસ્ટન્ટ જનરલ મેનેજર શ્રી સંદીપ કુમાર, ચીફ મેનેજર શ્રી અભિજિત જીભકાટે, સિનિયર મેનેજર સુશ્રી પ્રિયંકા કુમારી, સહાયક ડાક અધિક્ષકશ્રી જીનેશ પટેલ, શ્રી રમેશ પટેલ, શ્રી રોનક શાહ, ડાક નિરીક્ષક સુશ્રી પાયલ પટેલ, શ્રી ભાવિન પ્રજાપતિ, શ્રી સિદ્ધાર્થ રાવલ, શ્રી સંતોષ કુમાર સહિતના અધિકારીઓ, કર્મચારીઓ તેમજ આઈપીપીબીના ગ્રાહકો ઉપસ્થિત રહ્યા.