Matribhumisamachar
કેન્દ્રીય ગૃહ અને સહકારિતા મંત્રી શ્રી અમિત શાહની અધ્યક્ષતામાં એક ઉચ્ચ સ્તરીય સમિતિએ વિવિધ રાજ્યો માટે આપત્તિ શમન અને ક્ષમતા નિર્માણ પ્રોજેક્ટ માટે રૂ. 1115.67 કરોડ મંજૂર કર્યા છે. નાણા મંત્રી, કૃષિ મંત્રી અને નીતિ આયોગના ઉપાધ્યક્ષની બનેલી સમિતિએ નેશનલ ડિઝાસ્ટર મિટિગેશન ફંડ (NDMF) અને નેશનલ ડિઝાસ્ટર રિસ્પોન્સ ફંડ (NDRF)ની ફંડિંગ વિન્ડોમાંથી 15 રાજ્યોમાં ભૂસ્ખલનનું જોખમ ઘટાડવા માટેની દરખાસ્તની તૈયારી અને ભંડોળની સમીક્ષા કરી છે.
ઉચ્ચ સ્તરીય સમિતિએ કુલ 15 રાજ્યો (અરુણાચલ પ્રદેશ, આસામ, હિમાચલ પ્રદેશ, મણિપુર, મેઘાલય, મિઝોરમ, નાગાલેન્ડ, સિક્કિમ, ત્રિપુરા, ઉત્તરાખંડ, કર્ણાટક, કેરળ, મહારાષ્ટ્ર, તમિલનાડુ, પશ્ચિમ બંગાળ)માં કુલ રૂ. 1000 કરોડના ખર્ચે નેશનલ લેન્ડસ્લાઈડ રિસ્ક રિડક્શન પ્રોજેક્ટને મંજૂરી આપી છે. સમિતિએ ઉત્તરાખંડ માટે રૂ. 139 કરોડ, હિમાચલ પ્રદેશ માટે રૂ. 139 કરોડ, ઉત્તર-પૂર્વના 8 રાજ્યો માટે રૂ. 378 કરોડ, મહારાષ્ટ્ર માટે રૂ. 100 કરોડ, કર્ણાટક માટે રૂ. 72 કરોડ, કેરળ માટે રૂ. 72 કરોડ, તમિલનાડુ માટે 50 કરોડ રૂપિયા અને પશ્ચિમ બંગાળ માટે 50 કરોડ રૂપિયા મંજૂર કર્યા છે.
ઉચ્ચ સ્તરીય સમિતિએ તમામ રાજ્યો/ કેન્દ્રશાસિત પ્રદેશોમાં નાગરિક સંરક્ષણની તાલીમ અને ક્ષમતા નિર્માણ માટે કુલ રૂ. 115.67 કરોડના ખર્ચ સાથે અન્ય એક પ્રોજેક્ટને પણ મંજૂરી આપી છે. અગાઉ, સમિતિએ NDMF પાસેથી 4 રાજ્યોમાં રૂ. 150 કરોડના કુલ ખર્ચ સાથે સાત શહેરોમાં કુલ રૂ. 3075.65 કરોડના ખર્ચ સાથે અર્બન ફ્લડ રિસ્ક મિટિગેશન પ્રોજેક્ટ અને GLOF રિસ્ક મેનેજમેન્ટને મંજૂરી આપી હતી.
પ્રધાનમંત્રી શ્રી નરેન્દ્ર મોદીના ડિઝાસ્ટર રિઝિલિયન્ટ ઇન્ડિયાના વિઝનને સાકાર કરવા માટે, કેન્દ્રીય ગૃહ મંત્રી શ્રી અમિત શાહના માર્ગદર્શન હેઠળ ગૃહ મંત્રાલયે દેશમાં આપત્તિઓનું અસરકારક સંચાલન સુનિશ્ચિત કરવા માટે ઘણી પહેલ કરી છે. ભારતમાં ડિઝાસ્ટર રિસ્ક રિડક્શન સિસ્ટમને મજબૂત કરીને આપત્તિ દરમિયાન કોઈ પણ મોટી જાનહાની અને જાન-માલની ખોટ અટકાવવા માટે અનેક પગલાં લેવામાં આવ્યા છે.
પ્રધાનમંત્રી શ્રી નરેન્દ્ર મોદીના નેતૃત્વમાં અને કેન્દ્રીય ગૃહ મંત્રી શ્રી અમિત શાહના માર્ગદર્શન હેઠળ, આ વર્ષે રાજ્યોને 21,476 કરોડ રૂપિયાથી વધુની રકમ પહેલેથી જ જારી કરવામાં આવી છે. જેમાં સ્ટેટ ડિઝાસ્ટર રિસ્પોન્સ ફંડ (SDRF)માંથી 26 રાજ્યોને રૂ. 14,878.40 કરોડ, નેશનલ ડિઝાસ્ટર રિસ્પોન્સ ફંડ (NDRF)માંથી 15 રાજ્યોને રૂ. 4,637.66 કરોડ, જેમાં 11 રાજ્યોને સ્ટેટ ડિઝાસ્ટર મિટિગેશન ફંડ (SDMF) તરફથી રૂ. 1,385.45 કરોડ અને નેશનલ ડિઝાસ્ટર મિટિગેશન ફંડ (NDMF) તરફથી 6 રાજ્યોને રૂ. 574.93 કરોડનો સમાવેશ થાય છે.
