2024-25 च्या दुसऱ्या तिमाहीसाठी (जुलै-सप्टेंबर) सकल देशांतर्गत उत्पादनाच्या अंदाजांसंदर्भात प्रसिद्धी पत्रक

सांख्यिकी आणि कार्यक्रम अंमलबजावणी मंत्रालयाच्या  राष्ट्रीय सांख्यिकी कार्यालयाच्या  (एनएसओ),  प्रसिद्धी पत्रकात, आर्थिक वर्ष 2024 -25 च्या जुलै-सप्टेंबर या दुसऱ्या  तिमाहीसाठी सकल देशांतर्गत उत्पादनाचे त्याच्या खर्चाच्या स्थिरांक (2011-12) आणि वर्तमान दर या दोन्ही घटकांसह त्रैमासिक अंदाज जारी करत आहे.

वर्ष दर वर्ष टक्केवारीतील बदलांसह आर्थिक व्यवहारांच्या आधारे आणि आर्थिक वर्ष 2022-23, 2023-24 आणि 2024-25 साठी स्थिरांक आणि वर्तमान दर या दोन्ही घटकांसह सकल मूल्यवर्धितांचे तिमाही आणि अर्ध-वार्षिक(एप्रिल-सप्टेंबर) अंदाज परिशिष्ट अ च्या 1 ते 8 निवेदनात दिले आहेत.

ठळक वैशिष्ट्ये:

• वास्तविक जीडीपी आर्थिक वर्ष 2023-24 च्या दुसऱ्या तिमाही मधील 8.1% वाढीच्या दरापेक्षा 2024-25 च्या दुसऱ्या तिमाही मध्ये 5.4% ने वाढण्याचा अंदाज आहे. आर्थिक वर्ष 2024-25 च्या दुसऱ्या तिमाहीत उत्पादन (2.2%) आणि खाणकाम आणि उत्खनन (-0.1%) क्षेत्रांमध्ये मंदगतीची वाढ दिसून आली असली तरी, पहिल्या सहामाहीत (एप्रिल-सप्टेंबर) मध्ये वास्तविक जीव्हीए ने 6.2% वाढ नोंदवली आहे.
• वास्तविक जीव्हीए मागील आर्थिक वर्षाच्या दुसऱ्या तिमाहीमधील 7.7% वृद्धीदराच्या तुलनेत 2024-25 च्या दुसऱ्या तिमाहीत 5.6% वाढला आहे.
• आर्थिक वर्ष 2024-25 च्या दुसऱ्या तिमाहीत 3.5% वाढीचा दर नोंदवून कृषी आणि संलग्न क्षेत्राने पुन्हा उसळी घेतली आहे.

Fig. 1: 2021-22 या आर्थिक वर्षाची पहिली तिमाही ते 2024-25 या आर्थिक वर्षाची दुसरी तिमाही मधील वर्ष दर वर्ष वृद्धी दरांसह स्थिरांकी दरांवर  तिमाही जीडीपी आणि जीव्हीए अंदाज