க்யூஎஸ் (QS) உலக பல்கலைக்கழக தரவரிசை: ஆசியா 2025 என்பது ஆசிய கண்டம் முழுவதும் உள்ள உயர்கல்வியின் திறனைப் பிரதிபலிக்கிறது. கல்வி, ஆராய்ச்சி, புதுமை, சர்வதேசமயமாக்கல் ஆகியவற்றில் சிறந்து விளங்கும் சிறந்த நிறுவனங்களை இது பட்டியலிடுகிறது. இந்த ஆண்டு தரவரிசை ஆசிய பல்கலைக்கழகங்களிடையே வளர்ந்து வரும் போட்டியையும் உலகளாவிய கல்வித் தரங்களை மேம்படுத்துவதற்கான பிராந்தியத்தின் உறுதிப்பாட்டையும் வெளிப்படுத்துகிறது. க்யூஎஸ் உலக  தரவரிசை – ஆசியா 2025-ன் முதல் 50  முதல் இடங்களுக்குள் இந்தியாவின் 2 நிறுவனங்களும், முதல் 100 இடங்களில் முதல் இந்தியா ஏழு நிறுவனங்களும் இடம்பெற்றுள்ளன.  தில்லி இந்திய தொழில்நுட்ப நிறுவனம்  44வது இடத்தில் உள்ளது. பெட்ரோலியம் – எரிசக்தி ஆய்வுகள் பல்கலைக்கழகம் (யுபிஇஎஸ்) இந்திய நிறுவனங்களிடையே மிக முக்கியமான முன்னேற்றத்தை அடைந்துள்ளது. இது 70 இடங்கள் முன்னேறி 148 வது இடத்தைப் பிடித்துள்ளது. க்யூஎஸ் உலக பல்கலைக்கழக ஆசிய தரவரிசையின் முக்கிய அம்சங்கள்: இந்த தரவரிசை கிழக்கு, தெற்கு, தென்கிழக்கு மற்றும் மத்திய ஆசியாவில் உள்ள 25 நாடுகளை உள்ளடக்கிய 984 நிறுவனங்களை மதிப்பிடுகிறது. ‘க்யூஎஸ் உலக பல்கலைக்கழக தரவரிசை: ஆசியா 2025’  என்பது, நிறுவன செயல்திறன் குறித்து செயல்திறன் ஒப்பீடுகளைச் செய்கிறது. சமீபத்திய தரவரிசையில் அதிக எண்ணிக்கையிலான நிறுவனங்களுடன் இந்தியா தனித்து நிற்கிறது. முதல் 50-ல் இடம்பெற்ற நிறுவனங்கள்: இந்தியாவில் ஐஐடி தில்லி (44வது இடம்) மற்றும் ஐஐடி மும்பை (48வது இடம்) இது தவிர  ஐஐடி – சென்னை (56), ஐஐடி காரக்பூர் (60), இந்திய அறிவியல் நிறுவனம் (62), ஐஐடி கான்பூர் (67), தில்லி பல்கலைக்கழகம் (81) ஆகிய நிறுவனங்கள் இந்தியாவின் வலுவான கல்வி நிலையை வெளிப்படுத்துகின்றன.

கடற்படையின் திங்க் -2024 (THINQ 2024) என்ற வினாடி வினா போட்டியின் இறுதிப் போட்டியை இந்திய கடற்படை 2024 நவம்பர் 08 அன்று நடத்தியது. இந்தியாவின் கடல்சார் பாரம்பரியத்துக்கான அர்ப்பணிப்பின் அடையாளமான எழிமலாவில் உள்ள இந்திய கடற்படை அகாடமியின் அழகிய நாளந்தா பிளாக்கில் இறுதிச் சுற்று நடைபெற்றது.  பள்ளி மாணவர்கள், கடற்படை வீரர்கள், அவர்களின் குடும்பத்தினர், முன்னாள் வீரர்கள், சிறப்பு விருந்தினர்கள், பயிற்சியாளர்கள் போட்டியைக் கண்டுகளித்தனர்.  பங்கேற்ற அணிகள் பார்வையாளர்களை இருக்கைகளின் விளிம்பில் உட்கார வைத்திருந்தன. திங்க் 2024 கோப்பைக்கான கடுமையான போட்டியில் தொடர்ந்து ஜெய்ப்பூர் ஜெயஸ்ரீ பெரிவால் உயர்நிலைப் பள்ளி முதலிடத்தையும், சென்னை பி.வி.பவன் வித்யாஸ்ரமம் இரண்டாம் இடத்தையும் பிடித்தன. கடற்படைத் தளபதி அட்மிரல் தினேஷ் கே திரிபாதி மற்றும் உயர் அதிகாரிகள் இதில் பங்கேற்றனர். திங்க் 2024 இந்தியாவின் பிரகாசமான இளம் மனங்களின்  திறமையை வெளிப்படுத்தியது.  போட்டி மனப்பான்மையை வளர்ப்பதாகவும், கடற்படை வாழ்க்கை முறையை ஊக்குவிப்பதாகவும் இது அமைந்தது.

இந்திய உணவுக் கழகம் அதன் அலுவலகங்களிலும் கிடங்குகளிலும் தூய்மையை மேம்படுத்துவதற்கும், நிர்வாகத்தை மேம்படுத்துவதற்கும், பணியிட இட அனுபவத்தை மேம்படுத்துவதற்கும் 2024 செப்டம்பர் 16 அன்று தொடங்கப்பட்ட சிறப்பு இயக்கம் 4.0-வை வெற்றிகரமாக முடித்துள்ளது.  இந்த நாடு தழுவிய இயக்கத்தில், மண்டல, பிராந்திய, கோட்ட மட்டங்களில் உள்ள இந்திய உணவுக் கழக அலுவலகங்களிலிருந்தும், இந்திய உணவுக் கழக கிடங்குகளிலிருந்தும் விரிவான பங்கேற்பு காணப்பட்டது. சிறப்பு பிரச்சாரம் 4.0-ன் முக்கிய சிறப்பம்சங்கள்: *மொத்தம் 102,253 காகிதக் கோப்புகள் மதிப்பாய்வு செய்யப்பட்டன. *38,207 மின்-கோப்புகள் மதிப்பாய்வு செய்யப்பட்டு 5,000 மின்-கோப்புகள் மீதான பணிகள் முடிக்கப்பட்டன. பல்வேறு இந்திய உணவுக் கழக இடங்களில் மொத்தம் 858 தூய்மை இயக்கங்கள் நடத்தப்பட்டன. கழிவிகளை அகற்றுவதன் மூலமும், 19,743 சதுர அடி அலுவலக இடத்தை விடுவித்து ரூ.1,71,722 வருவாய் ஈட்டப்பட்டது. சிறப்பு இயக்கம் 4.0 முடிவடையும் போது, இந்திய உணவுக் கழகமான எஃப்.சி.ஐ, சுத்தமான, பசுமையான, நன்கு ஒழுங்கமைக்கப்பட்ட பணியிடச் சூழலை மீண்டும் உறுதிப்படுத்தியது.

உள்நாட்டுத் தயாரிப்புகளுக்கான இந்தியாவின் தொலைத்தொடர்பு தொழில்நுட்பச் சூழலில் குறிப்பிடத்தக்க முன்னேற்றமாக இந்திய அரசின் தொலைத்தொடர்புத் துறையின் கீழ் உள்ள ஒரு முன்னணி ஆராய்ச்சி மற்றும் மேம்பாட்டு நிறுவனமான சி-டாட், லீனியரைஸ்டு ஆம்ப்ளிபையர் டெக்னாலஜி சர்வீசஸ் நிறுவனத்துடன் ஒரு ஒப்பந்தத்தில் கையெழுத்திட்டுள்ளது. மத்திய அரசின் தொலைத் தொடர்புத் துறையின் தொலைத்தொடர்பு தொழில்நுட்ப மேம்பாட்டு நிதி (டி.எஃப்) திட்டத்தின் கீழ் இந்த ஒப்பந்தம் கையெழுத்தானது. இந்த திட்டம் தொலைத்தொடர்பு தொழில்நுட்பங்களின் வடிவமைப்பு, மேம்பாடு, வணிகமயமாக்கல் ஆகியவற்றுகு நிதி ஆதரவை வழங்குகிறது. இந்தியாவின் டிஜிட்டல் இடைவெளியைக் குறைப்பதில் முக்கிய பங்கு வகிக்கும் மலிவு பிராட்பேண்ட், மொபைல் சேவைகளை செயல்படுத்துவதற்கான இந்திய அரசின் பணியின் ஒரு மைல்கல்லாக இது உள்ளது. இந்த ஒப்பந்தம் கையெழுத்திடும் விழாவில் சி-டாட் இயக்குநர் டாக்டர் பங்கஜ் குமார் தலேலா, லினியரைஸ்டு ஆம்ப்ளிஃபையர் டெக்னாலஜி அண்ட் சர்வீசஸ் பிரைவேட் லிமிடெட் இயக்குநர்கள் திரு விவேக் சர்மா மற்றும் பேராசிரியர் கருண் ராவத் ஆகியோர் கலந்து கொண்டனர்.

வட்டல் தாம் ஆலயத்தின் 200-வது ஆண்டு நிறைவை நினைவுகூரும் வகையிலும் ஸ்ரீ சுவாமிநாராயண் சம்பிரதாயத்தில் அதன் முக்கிய பங்கை கௌரவிக்கும் வகையிலும் ஒரு சிறப்பு அஞ்சல் தலை வெளியிடப்பட்டது. உலகம் முழுவதும் பரவியுள்ள ஸ்ரீ ஸ்வாமிநாராயண் சம்பிரதாயத்தின் ஆன்மீக தலைமை இடமாக இந்தக் கோயில் விளங்குகிறது. சத்குரு ஸ்ரீ பிரம்மானந்த் சுவாமி, சத்குரு ஸ்ரீ அக்ஷாரானந்த சுவாமி ஆகியோரால் இந்த கோயில் கட்டப்பட்டது. இந்த கோயில் தாமரை வடிவில் கட்டப்பட்டுள்ளது. இது அனைத்து மதத்தினரிடையேயான நல்லிணக்க உணர்வின் அடையாளமாக உள்ளது. கடவுள்கள், தேவியர்கள் ஆகியோரின் கடந்த கால அவதாரங்களின் சித்தரிப்புகளும் இதில் அடங்கும். இந்த ஆலயம் தொடர்பான அஞ்சல் தலை இன்று (09.11.2024) குஜராத்தின் கேடா மாவட்டத்தில் உள்ள வட்டலில் வெளியிடப்பட்டது. நிகழ்ச்சியில் குஜராத் முதலமைச்சர் திரு பூபேந்திரபாய் படேல், ஆச்சார்யா மஹராஜ் 1008 ஸ்ரீ ராகேஷ் பிரசாத் ஜி, டாக்டர் ஸ்ரீ சாந்த்வல்லபசுவாமி, வத்தலாதம் மந்திரின் தலைமை நிர்வாகி கோத்தாரி, வதோதரா போஸ்ட் மாஸ்டர் ஜெனரல் தினேஷ்குமார் சர்மா உள்ளிட்டோர் பங்கேற்றனர். ஸ்ரீ ஸ்ரீ ஜெய்ராஜ் டி.ஜி வடிவமைத்த சிறப்பு அஞ்சல்தலை, வட்டல்தாம் கோயிலின் அற்புதமான பாரம்பரிய கட்டிடக்கலையை வெளிப்படுத்துகிறது. இந்த கோயில் ஒன்பது தங்க குவிமாடங்களைக் கொண்ட தாமரை வடிவத்தில் உள்ளது. இந்த அஞ்சல்தலை வட்டலின் வளமான பாரம்பரியத்தையும், எண்ணற்ற பக்தர்களின் வாழ்க்கையில் அதன் குறிப்பிடத்தக்க தாக்கத்தையும் குறிக்கிறது. வடல்தாம் த்விஷதாப்தி மஹோத்சவத்தில் இந்த தபால் தலையை வெளியிடுவதில் அஞ்சல் துறை பெருமிதம் கொள்கிறது.

நிலக்கரி அமைச்சகத்தின் சமீபத்திய புள்ளிவிவரங்களின்படி, 2024 நவம்பர் 08, நிலவரப்படி, தனிப்பயன் மற்றும் வணிக சுரங்கங்களிலிருந்து இந்தியாவின் நிலக்கரி உற்பத்தி 100 மில்லியன் டன்களை (MT) தாண்டியுள்ளது, இது பிரதமர் நரேந்திர மோடியின் வளர்ச்சி அடைந்த மற்றும் தற்சார்பு பாரதம் என்ற தொலைநோக்குப் பார்வையை நோக்கிய நாட்டின் பயணத்தில் ஒரு குறிப்பிடத்தக்க மைல்கல்லைக் குறிக்கிறது. இந்த அளவு முந்தைய நிதியாண்டை விட கிட்டத்தட்ட 100 நாட்கள் முன்னதாகவே எட்டப்பட்டுள்ளது 2024-25-ம் ஆண்டில் 170 மில்லியன் டன்களுக்கும் அதிகமான உற்பத்தி இலக்கை அடைவதில் நிலக்கரி அமைச்சகம் நம்பிக்கை கொண்டுள்ளது. இந்த சாதனை நிலக்கரித் துறையில் இந்தியாவின் வளர்ந்து வரும் திறன்களை நிரூபிக்கிறது. அத்துடன் எரிசக்தி சுதந்திரம் மற்றும் பொருளாதார வளர்ச்சியை நோக்கிய நாட்டின் முன்னேற்றத்தில் குறிப்பிடத்தக்க வளர்ச்சயைப் பிரதிபலிக்கிறது. சுற்றுச்சூழலுக்கு ஏற்ற சுரங்க நடைமுறைகளை உறுதி செய்யும் அதே வேளையில், வளர்ச்சியை பராமரிப்பதில் நிலக்கரி அமைச்சகம் தொடர்ந்து கவனம் செலுத்துகிறது.

2024, அக்டோபர் 2  முதல் 31  வரை அரசின் சிறப்பு இயக்கம்  4.0-ல் மருந்துகள் துறை தீவிரமாக பங்கேற்றது. துறையின் அமைப்புகளான தேசிய மருந்து விலை நிர்ணய ஆணையம்; அகமதாபாத், எஸ்.ஏ.எஸ் நகர், ரேபரேலி, ஹாஜிப்பூர், கொல்கத்தா, குவஹாத்தி, ஹைதராபாத் ஆகிய இடங்களில்  உள்ள தேசிய மருந்துக்  கல்வி மற்றும் ஆராய்ச்சி நிறுவனங்கள்; இந்திய மருந்து மற்றும் மருத்துவ சாதனங்கள் பணியகம்; கொல்கத்தாவில் உள்ள பெங்கால் வேதிப்பொருள்கள் மற்றும் மருந்து நிறுவனம் ; புனேயில் உள்ள இந்துஸ்தான் ஆன்டிபயாடிக்ஸ் லிமிடெட் மற்றும் பெங்களூரில் உள்ள கர்நாடகா ஆன்டிபயாடிக்ஸ் & பார்மாசூட்டிகல்ஸ் லிமிடெட் ஆகிய வற்றில் இந்த இயக்கம் நடைபெற்றது. பிரச்சாரத்தின் ஆயத்த கட்டத்தின் போது நிர்ணயிக்கப்பட்ட இலக்குகளில் சிலவற்றை இத்துறை  வெற்றிகரமாக அடைய முடிந்தது. சிலவற்றில் இலக்கை விஞ்சியது. நிலுவையில் உள்ள எம்.பி குறிப்புகள், மாநில அரசு குறிப்புகள் 100% பைசல் செய்யப்பட்டுள்ளன. செப்டம்பர் 30 வரை நிலுவையில் இருந்த 21 பொதுமக்கள் குறை தீர்க்கும் மேல்முறையீடுகளுக்கும், 25 பொது மக்கள் குறை தீர்க்கும் மனுக்களுக்கும் தீர்வு காணப்பட்டுள்ளன. பிரதமர் அலுவலகக் குறிப்பு இந்திய மருத்துவக் கெளன்சில் குறிப்பு ஆகியவற்றில் நிலுவை இல்லை. நாடு முழுவதும் 11,046 துப்புரவு மையங்கள் அமைக்க இலக்கு நிர்ணயிக்கப்பட்டதில் அக்டோபர் 31 வரை 11,127 இடங்களை சுத்தம் செய்ததன் மூலம் இத்துறை இலக்கை விஞ்சியது. இதில்  இந்திய மருந்து மற்றும் மருத்துவ சாதனங்கள் பணியகத்தின் முன்முயற்சியுடனும் நெருக்கமான ஆதரவுடனும் சுத்தம் செய்யப்பட்ட 11,000 மக்கள் மருந்தக மையங்களும் அடங்கும். இது அனைவரிடமும் தூய்மையான, சுகாதாரமான சுற்றுச்சூழலின் முக்கியத்துவம் குறித்த விழிப்புணர்வை ஏற்படுத்த உதவியது சிறப்பு இயக்கத்தின் போது 5667 நேரடிக் கோப்புகள் ஆய்வு செய்யப்பட்டன. அவற்றில் 1544 கோப்புகள் நீக்கப்பட்டன. மின்னணு சுத்தம் முறையின் கீழ், 4671 ‘தொகுக்கப்பட்ட’ மின்-கோப்புகள் ஆய்வு செய்யப்பட்டு, எதிர்கால தேவைக்காக அவற்றைத் தக்கவைக்க முடிவெடுக்கப்பட்டது. 26 மின் கோப்புகள் மூடப்பட்டன. இந்த இயக்கத்தின் போது கழிவுகளை அகற்றியதன் மூலம் ரூ.42,673 வருவாய் ஈட்டப்பட்டது.

உத்தராகண்ட் மாநிலத்தின் வெள்ளி விழா ஆண்டு இன்று தொடங்குகிறது. அதாவது, உத்தரகண்ட் அதன் 25 வது ஆண்டில் நுழைகிறது. நாம் முன்னோக்கிப் பார்க்கும்போது, உத்தராகண்டின் பிரகாசமான மற்றும் வளமான எதிர்காலத்தை உருவாக்க உறுதிபூண்டு, அடுத்த 25 ஆண்டுகளுக்கான பயணத்தை நாம் தொடங்க வேண்டும். இதில் ஒரு மகிழ்ச்சிகரமான தற்செயல் நிகழ்வு உள்ளது: நமது முன்னேற்றம் தேசிய வளர்ச்சிக்காக அர்ப்பணிக்கப்பட்ட 25 ஆண்டுகால குறிப்பிடத்தக்க காலகட்டமான பாரதத்தின் அமிர்த  காலத்துடன் ஒத்துப்போகிறது. இந்த சங்கமம், வளர்ச்சியடைந்த இந்தியாவின் ஒரு பகுதியாக வளர்ச்சியடைந்த உத்தராகண்ட் என்ற தொலைநோக்குப் பார்வையை எடுத்துக்காட்டுகிறது. இந்த சகாப்தத்தில் நமது பகிரப்பட்ட விருப்பங்கள் நனவாகின்றன. வரும் 25 ஆண்டுகளுக்கான இலக்குகளை மையமாகக் கொண்டு உத்தராகண்ட் மக்கள் மாநிலம் முழுவதும் பல்வேறு நிகழ்ச்சிகளுக்கு ஏற்பாடு செய்து வருவது எனக்கு மகிழ்ச்சி அளிக்கிறது. இந்த நிகழ்வுகள் மூலம், உத்தராகண்டின் பெருமை கொண்டாடப்படும். வளர்ந்த உத்தராகண்ட் என்ற பார்வை ஒவ்வொரு குடியிருப்பாளரிடமும் எதிரொலிக்கும். இந்த முக்கியமான தருணத்தில், இந்த முக்கியமான தீர்மானத்திற்காக, உங்கள் அனைவருக்கும் எனது மனமார்ந்த நல்வாழ்த்துகளைத் தெரிவித்துக் கொள்கிறேன். இரண்டு நாட்கள் முன்பாக, வெளிநாடுவாழ் இந்தியத் தலைவர் உத்தராகண்ட் சம்மேளனமும் வெற்றிகரமாக நடைபெற்றது. மாநிலத்தின் வளர்ச்சிப் பயணத்தில் புலம்பெயர்ந்த நமது உத்தராகண்ட்  மக்கள் தொடர்ந்து குறிப்பிடத்தக்க பங்காற்றுவார்கள் என்று நான் நம்புகிறேன். நண்பர்களே, உத்தராகண்ட் மக்கள் தங்கள் நம்பிக்கைகளை, விருப்பங்களை உணர, ஒரு தனி மாநிலத்திற்காக நீண்டகாலம் கடினமாக போராட வேண்டியிருந்தது. அடல் அவர்களின்  மதிப்பிற்குரிய தலைமையின் கீழ், பிஜேபி தலைமையிலான தேசிய ஜனநாயகக் கூட்டணி அரசு மத்தியில் ஆட்சிக்கு வந்தபோது இந்தப் போராட்டம் வெற்றியில் முடிந்தது. உத்தராகண்டின் படைப்புக்கு உத்வேகம் அளித்த கனவு படிப்படியாக உயிர்பெறுவதைக் காண்பது எனக்கு மகிழ்ச்சியை அளிக்கிறது. தேவபூமி உத்தராகண்ட் எப்போதும் நம் அனைவர் மீதும் பிஜேபியின் மீதும் அளவற்ற அன்பையும் பாசத்தையும் பொழிந்துள்ளது. இதற்குப் பதிலாக, தேவபூமிக்கு சேவை செய்வதில் நமது அர்ப்பணிப்பால் உந்தப்பட்டு, உத்தராகண்டின் இடைவிடாத வளர்ச்சிக்கு பிஜேபி உறுதிபூண்டுள்ளது. நண்பர்களே, சில நாட்களுக்கு முன்புதான் கேதார்நாத் ஆலயத்தின் கதவுகள் மூடப்பட்டன. பல ஆண்டுகளுக்கு முன்பு, பாபா கேதார்நாத் ஆலயத்திற்கு சென்று, அவரது காலடியில் அமர்ந்த பிறகு, இந்த தசாப்தம் உத்தராகண்டிற்கு சொந்தமானதாக இருக்கும் என்று நான் நம்பிக்கையுடன் அறிவித்தேன். அரசு எனது நம்பிக்கைக்கு ஏற்ப அமைந்துள்ளது. கடந்த ஆண்டுகளில் நான் சொல்வது சரி என்பதை நிரூபித்துள்ளது. இன்று, உத்தராகண்ட் வளர்ச்சியில் புதிய சாதனைகளைப் படைத்து வருகிறது. கடந்த ஆண்டு நீடித்த வளர்ச்சி இலக்குகள் குறியீட்டில் உத்தராகண்ட் முதலிடத்தைப் பிடித்துள்ளது. எளிதாக வணிகம் செய்வதில் சாதனையாளராகவும், ஸ்டார்ட்அப் தரவரிசையில் ஒரு தலைவராகவும் அங்கீகரிக்கப்பட்டுள்ளது. கடந்த ஒன்றரை ஆண்டுகளில், உத்தராகண்டின் வளர்ச்சி விகிதம் 1.25 மடங்கு அதிகரித்துள்ளது, அதே நேரத்தில் ஜிஎஸ்டி வசூல் 14% அதிகரித்துள்ளது. 2014-ம் ஆண்டில், உத்தராகண்டின் தனிநபர் வருவாய் ஆண்டுக்கு  ரூ .1.25 லட்சமாக இருந்தது, இது இப்போது ரூ .2.60 லட்சமாக உயர்ந்துள்ளது. இதேபோல், 2014-ம் ஆண்டில், மாநிலத்தின் மொத்த உள்நாட்டு உற்பத்தி (ஜிடிபி)  ரூ .1.5 லட்சம் கோடியாக இருந்தது, இப்போது அது ஏறத்தாழ இரட்டிப்பாகி ரூ .3.5 லட்சம் கோடியாக உள்ளது. இந்தப் புள்ளிவிவரங்கள் உத்தராகண்ட்  இளைஞர்களுக்கு புதிய வாய்ப்புகளை உருவாக்குவதையும், மாநிலத்தின் தொழில்துறை வளர்ச்சி அதிகரிப்பதையும் பிரதிபலிக்கின்றன. அரசின் முயற்சிகள் காரணமாக, உத்தராகண்ட் மக்களுக்கு, குறிப்பாக நமது தாய்மார்கள், சகோதரிகள் மற்றும் மகள்களின் வாழ்க்கை எளிதாகி வருகிறது. 2014-க்கு முன், உத்தராகண்டில் வீடுகளுக்கு குழாய் நீர் கிடைப்பது 5%-க்கும் குறைவாக இருந்தது. இன்று, அந்த எண்ணிக்கை 96%-க்கும் அதிகமாக உள்ளது. இதில்  முழுமையை அடைவதற்கான பாதையில் நாங்கள் இருக்கிறோம். இதேபோல், 2014-க்கு முன், பிரதமர் கிராம சாலைகள் திட்டத்தின் கீழ் மாநிலத்தில் 6,000 கி.மீ கிராமப்புற சாலைகள் மட்டுமே அமைக்கப்பட்டன. தற்போது, இச்சாலைகளின் மொத்த நீளம் 20,000 கிலோ மீட்டரைத் தாண்டியுள்ளது. மலைகளில் சாலைகள் அமைப்பதில் உள்ள சவால்களையும் அவை எவ்வளவு அவசியம் என்பதையும் நான் நன்கு அறிவேன். பல்லாயிரக்கணக்கான கழிப்பறைகளைக் கட்டுவதன் மூலமும், ஒவ்வொரு வீட்டிற்கும் மின்சாரம் வழங்குவதன் மூலமும், உஜ்வாலா திட்டத்தின் கீழ் எண்ணற்ற குடும்பங்களுக்கு எரிவாயு இணைப்புகளை விநியோகிப்பதன் மூலமும், ஆயுஷ்மான் திட்டத்தின் மூலம் இலவச மருத்துவ சிகிச்சையை வழங்குவதன் மூலமும், அனைத்து வயதினருக்கும், பின்னணி கொண்ட மக்களுக்கும் எங்கள் அரசு ஒரு கூட்டாளராக செயல்படுகிறது. நண்பர்களே, இரட்டை என்ஜின் அரசின் நன்மைகளை உத்தராகண்டில் நாம் தெளிவாகக் காண முடியும். மத்திய அரசிடமிருந்து உத்தரகாண்ட் பெறும் நிதி உதவி கிட்டத்தட்ட இரட்டிப்பாகியுள்ளது. இந்த நிர்வாக மாதிரியின் கீழ், எய்ம்ஸ் துணை மையம் மாநிலத்திற்கு பரிசாக வழங்கப்பட்டுள்ளது. இந்தக் காலகட்டத்தில், டேராடூன் நாட்டின் முதல் ட்ரோன் பயன்பாட்டு ஆராய்ச்சி மையத்தின் தாயகமாகவும் மாறியுள்ளது. உதம் சிங் நகரில் ஸ்மார்ட் தொழில்துறை நகரியத்தை நிறுவுவதற்கான திட்டங்கள் உள்ளன. இன்று, உத்தராகண்ட்  முழுவதும் ரூ .2 லட்சம் கோடி மதிப்பிலான மத்திய அரசின் திட்டங்கள் செயல்படுத்தப்படுகின்றன. போக்குவரத்து இணைப்பை மேம்படுத்துவதை நோக்கமாகக் கொண்ட திட்டங்கள் வேகமாக முன்னேறி வருகின்றன. ரிஷிகேஷ்-கர்ணபிரயாக் ரயில் திட்டம் 2026-க்குள் நிறைவடையும் பாதையில் உள்ளது, மேலும் உத்தராகண்டில் உள்ள 11 ரயில் நிலையங்கள் அமிர்த நிலையங்களாக மேம்படுத்தப்பட்டு வருகின்றன. டேராடூன்-தில்லி விரைவுப்பாதை திட்டம்  முடிந்ததும், இரு நகரங்களுக்கும் இடையிலான பயணம் இரண்டரை மணி நேரம் மட்டுமே ஆகும். சாராம்சத்தில், உத்தராகண்டில் ஒரு பெரிய வளர்ச்சி முயற்சி நடந்து வருகிறது, இது இந்த தேவபூமியின் பெருமையை மேம்படுத்துகிறது மற்றும் மலைகளில் இருந்து இடம்பெயர்வதை கணிசமாகக் குறைக்கிறது. நண்பர்களே, வளர்ச்சியை முன்னெடுத்துச் செல்லும் அதே வேளையில், பாரம்பரியத்தை பாதுகாக்கவும் எங்கள் அரசு உறுதிபூண்டுள்ளது. தேவபூமியின் வளமான கலாச்சாரத்தை கௌரவிக்கும் வகையில் கேதார்நாத் தாமின் அற்புதமான, ஆன்மீக புனரமைப்பு நடந்து வருகிறது. பத்ரிநாத் ஆலய வளாக மேம்பாட்டுப்  பணிகள் வேகமாக நடந்து வருகின்றன. மானஸ் கண்ட் மந்திர் மாலா இயக்கத்தின்  முதல் கட்டத்தில், 16 பழமையான கோவில் பகுதிகள் புத்துயிர் பெறுகின்றன. அனைத்து பருவநிலைகளிலும் உள்ள சாலை, சார் தாம் யாத்திரையை மேலும் அணுகக்கூடியதாக ஆக்கியுள்ளது. பர்வத்மாலா திட்டத்தின் மூலம், தண்டுவடப் பாதைகள்  மத மற்றும் சுற்றுலா தலங்களை இணைக்கின்றன. மானா கிராமத்திற்கு நான் சென்றதை நினைவு கூர்கிறேன், அங்கு எல்லையில் நமது சகோதர சகோதரிகளின் அளவற்ற அன்பை அனுபவித்தேன். துடிப்பான கிராமத் திட்டம் மனாவில் இருந்தே தொடங்கப்பட்டது, எங்கள் அரசு எல்லையோர கிராமங்களை நாட்டின் கடைசி கிராமமாக கருதாமல், நாட்டின் முதல் கிராமமாக கருதுகிறது. இன்று உத்தராகண்டில் சுமார் 50 கிராமங்கள் இந்த முயற்சியின் கீழ் மேம்படுத்தப்பட்டு வருகின்றன. இந்த முயற்சிகள் உத்தராகண்டில் சுற்றுலா வாய்ப்புகளுக்கு புதிய உத்வேகத்தை அளித்துள்ளன. சுற்றுலா வளரும்போது, மாநில இளைஞர்களுக்கு அதிக வேலை வாய்ப்புகள் உருவாகின்றன. சில வாரங்களுக்கு முன்பு, இந்த ஆண்டு ஏறத்தாழ 6 கோடி சுற்றுலாப் பயணிகள் மற்றும் யாத்ரீகர்கள் உத்தராகண்டுக்கு வருகை தந்ததாக தெரிவிக்கப்பட்டது. 2014-ம் ஆண்டுக்கு முன்பு, சார் தாம் யாத்ரீகர்களின் சாதனை எண்ணிக்கை 24 லட்சம்; கடந்த ஆண்டு 54 லட்சத்துக்கும் அதிகமான யாத்ரீகர்கள் சார் தாம் யாத்திரையை மேற்கொண்டனர். இது உணவுவிடுதி  மற்றும் தங்குமிட உரிமையாளர்கள் முதல் டாக்ஸி ஓட்டுநர்கள் மற்றும் ஜவுளி வணிகர்கள் வரை அனைவருக்கும் பயனளித்துள்ளது. கடந்த ஆண்டுகளில், 5,000 க்கும் மேற்பட்ட தங்குமிடங்கள் பதிவு செய்யப்பட்டுள்ளன. நண்பர்களே, இன்று, உத்தராகண்ட் முடிவுகளை எடுத்து வருகிறது. கொள்கைகளை செயல்படுத்தி வருகிறது. இது தேசத்திற்கு ஒரு முன்மாதிரியாக அமைகிறது. ஒரு முழுமையான ஆய்வுக்குப் பின், உத்தராகண்ட் பொது சிவில் சட்டத்தை அமல்படுத்தியது, இதை நான் மதச்சார்பற்ற சிவில் கோட் என்று குறிப்பிடுகிறேன். முழு நாடும் இப்போது பொது சிவில் சட்டம் பற்றி விவாதித்து அதன் முக்கியத்துவத்தை அங்கீகரித்து வருகிறது. உத்தராகண்ட் மாநில இளைஞர்களின் எதிர்காலத்தைப் பாதுகாக்க மோசடி தடுப்புச் சட்டத்தையும் உத்தராகண்ட் அரசு நிறைவேற்றியது. மோசடி கும்பல்களுக்கு எதிராக கடுமையான நடவடிக்கை எடுக்கப்பட்டுள்ளது. வேலைக்கு ஆட்சேர்ப்பு இப்போது முழுமையான வெளிப்படைத்தன்மையுடனும் சரியான நேரத்திலும் நடத்தப்படுகிறது. இந்த துறைகளில் உத்தராகண்ட் மாநிலத்தின் வெற்றிகள் மற்ற மாநிலங்களுக்கு முன்மாதிரியாக மாறி வருகின்றன. நண்பர்களே, இன்று நவம்பர் 9 ஆம் தேதி, சக்தியின் சின்னமான ஒன்பதாம் எண் கொண்ட மங்களகரமான தேதி. இந்த சிறப்பு நாளில், ஒன்பது கோரிக்கைகளை நான் முன்வைக்க விரும்புகிறேன் – உத்தரகண்ட் மக்களுக்கு ஐந்து கோரிக்கைகள், மாநிலத்திற்கு வருகை தரும் சுற்றுலாப் பயணிகள் மற்றும் யாத்ரீகர்களுக்கு நான்கு. நண்பர்களே, உத்தராகண்டின் பேச்சுவழக்குகளான கார்வாலி, குமாவோனி மற்றும் ஜான்சாரி போன்றவை நம்பமுடியாத அளவிற்கு வளமானவை. அவற்றைப் பாதுகாப்பது முக்கியம். மாநிலத்தின் கலாச்சார அடையாளத்தை பராமரிக்க எதிர்கால சந்ததியினருக்கு இந்த பேச்சுவழக்குகளை உத்தராகண்ட் மக்கள் கற்பிக்க வேண்டும் என்பதே எனது முதல் வேண்டுகோள். உத்தராகண்ட் இயற்கை மற்றும் சுற்றுச்சூழலுக்கான ஆழ்ந்த மரியாதைக்கு நன்கு அறியப்பட்டதாகும். இது கௌரா தேவியின் நிலம், இங்குள்ள ஒவ்வொரு பெண்ணும் மா நந்தாவின் வெளிப்பாடு. இயற்கையைப் பாதுகாப்பது மிக முக்கியம், எனவே எனது இரண்டாவது வேண்டுகோள், தாய்மார்களின் பெயரில் மரக்கன்றுகளை நடும் “தாயின் பெயரில் ஒரு மரக்கன்று” இயக்கத்தை ஆதரிக்க வேண்டும். இந்த இயக்கம் நாடு முழுவதும் வேகம் பெற்று வருகிறது, உத்தராகண்டின் தீவிர பங்கேற்பு பருவநிலை மாற்றத்தை எதிர்த்துப் போராட நமக்கு உதவும். ‘நௌல் தாரா’வை வழிபடும் மரபு நிலைநிறுத்தப்பட வேண்டும். எனது மூன்றாவது வேண்டுகோள் என்னவென்றால், நீங்கள் அனைவரும் நதிகள் மற்றும் நாவுலை பாதுகாக்க வேண்டும், நீர் தூய்மைக்கான முயற்சிகளுக்கு ஆதரவு அளிக்க வேண்டும் என்பதாகும். எனது நான்காவது வேண்டுகோள் என்னவென்றால், உங்கள் கிராமங்களுக்கு தவறாமல் சென்று உங்கள் வேர்களுடன் இணைந்திருக்க வேண்டும், குறிப்பாக ஓய்வுக்குப் பிறகு, பிணைப்பை வலுவாக வைத்திருக்க வேண்டும். திவாரி வீடுகள் என்று அழைக்கப்படும் பழைய கிராம வீடுகளைப் பாதுகாக்க வேண்டும் என்பது எனது ஐந்தாவது கோரிக்கை. அவற்றைக் கைவிடாதீர்கள்; அதற்கு பதிலாக, வருமானத்தை ஈட்டுவதற்காக அவற்றை தங்குமிடங்களாக மாற்றுங்கள். நண்பர்களே, உத்தராகண்டில் சுற்றுலா வேகமாக வளர்ந்து வருகிறது, நாடு மற்றும் உலகம் முழுவதிலுமிருந்து பார்வையாளர்கள் வருகிறார்கள். எல்லா சுற்றுலாப் பயணிகளுக்கும் எனக்கு நான்கு கோரிக்கைகள் உள்ளன. முதலாவதாக, நீங்கள் கம்பீரமான இமயமலைக்குச் செல்லும்போது, தூய்மைக்கு முன்னுரிமை அளித்து, ஒற்றை பயன்பாட்டு பிளாஸ்டிக்கைத் தவிர்ப்பதை உறுதி செய்யுங்கள். இரண்டாவதாக, உங்கள் பயண பட்ஜெட்டில் குறைந்தது 5% உள்நாட்டில் தயாரிக்கப்பட்ட தயாரிப்புகளுக்கு செலவழிப்பதன் மூலம் “உள்ளூர் பொருட்களுக்கு ஆதரவு” என்ற மந்திரத்தைத் தழுவுங்கள். மூன்றாவதாக, மலைகளில் போக்குவரத்து விதிகளை கடைபிடியுங்கள், ஏனெனில் பாதுகாப்பு மிக முக்கியமானது. நான்காவதாக, மத வழிபாட்டுத் தலங்களுக்குச் செல்வதற்கு முன் அவற்றின் பழக்கவழக்கங்கள் மற்றும் விதிமுறைகளைப் பற்றி அறிந்து கொண்டு ஆடைப் பழக்கத்தைக்  கடைப்பிடியுங்கள். இந்த விஷயத்தில் உங்களுக்கு உதவுவதில் உத்தராகண்ட் மக்கள் மகிழ்ச்சியடைவார்கள். உத்தராகண்ட் மக்களுக்கான  ஐந்து கோரிக்கைகளும், பார்வையாளர்களுக்கு நான் விடுத்த நான்கு வேண்டுகோள்களும் தேவபூமியின் அடையாளத்தை கணிசமாக வலுப்படுத்தி அதன் வளர்ச்சிக்கு பங்களிக்கும். நண்பர்களே, உத்தராகண்ட் மாநிலத்தை விரைவான வளர்ச்சிப் பாதையில் நாம் முன்னெடுத்துச் செல்ல வேண்டும். நாட்டின் இலக்குகளை அடைவதில் நமது உத்தராகண்ட் தொடர்ந்து முக்கிய பங்காற்றும் என்று நான் நம்புகிறேன். உத்தராகண்ட் உருவானதன் வெள்ளி விழாவில், நான் மீண்டும் ஒரு முறை அனைவருக்கும் எனது நல்வாழ்த்துகளைத் தெரிவித்துக் கொள்கிறேன். பாபா கேதார் உங்கள் அனைவருக்கும் செழிப்பை ஆசீர்வதிக்கட்டும். மிக்க நன்றி!

“ஆராய்ச்சியும் புதிய கண்டுபிடிப்புகளும் வளர்ச்சியடைந்த நாடு என்ற இலக்கை அடைவதற்கு முக்கியமானவை. உண்மையில், ஆராய்ச்சியிலும் புதிய கண்டுபிடிப்புகளிலும்  நாம் எவ்வளவு உயர்ந்த நிலையில் இருக்கிறோம் என்பதுதான் உலக சமுதாயத்திற்கு நமது வலிமையை வரையறுக்கும். எனவே  கல்வி நிறுவனங்கள் தங்கள் திறனை “கண்டுபிடிப்பு மற்றும் ஆராய்ச்சியின் உலைக்களங்களாக” பயன்படுத்திக் கொள்ள வேண்டும் என்று குடியரசு துணைத்தலைவர் திரு ஜக்தீப் தன்கர் கூறியுள்ளார். கார்ப்பரேட் நிறுவனங்கள் கணிசமான பங்களிப்புகள் மூலம் இந்த இயக்கத்திற்கு ஆதரவளிக்க வேண்டும் என்றும் அழைப்பு விடுத்தார். “வர்த்தகம், தொழில், வணிகம் மற்றும் வர்த்தக சங்கங்கள் தாராளமான நிதி பங்களிப்புகள் மூலம் ஆராய்ச்சியையும் புதிய கண்டுபிடிப்புகளையும் தூண்டுவதற்கு முன்வர வேண்டும்” என்று அவர் கேட்டுக்கொண்டார். புதுதில்லியில் இன்று தேசிய தொழில்நுட்பக் கழகத்தின் (என்.ஐ.டி) 4-வது பட்டமளிப்பு விழாவில் உரையாற்றிய குடியரசு துணைத்தலைவர், கல்விச் சூழலை வலுப்படுத்துவதில் முன்னாள் மாணவர்களின் முக்கிய பங்கு குறித்து பேசினார். “ஒரு நிறுவனத்தின் முன்னாள் மாணவர்கள் பல வழிகளில் அதன் உயிர்நாடி. அவர்கள் நிறுவனத்தின் தூதர்கள். உங்கள் நிறுவனத்திற்கு திருப்பிச் செலுத்துவதற்கான சிறந்த வழி பழைய மாணவர் சங்கத்தின் செயலில் உறுப்பினராக இருப்பதே என்பது உலகளாவிய ரீதியிலும் தேசிய அளவிலும் அங்கீகரிக்கப்பட்ட நடைமுறையாகும். வருடாந்திர பங்களிப்புகளை வழங்கும் முன்னாள் மாணவர் நிதியம் இருக்க வேண்டும் என்று நான் அழுத்தமாக வலியுறுத்துகிறேன். உலக அளவில் சில சிறந்த நிறுவனங்கள் மேல்நோக்கிய வளர்ச்சியில் உள்ளன. ஏனெனில் இந்த நிறுவனங்கள் முன்னாள் மாணவர்களின் ஆற்றலால் தூண்டப்படுகின்றன. கல்வியைப் பெறுவதற்காக இந்த நிறுவனத்தில் அடியெடுத்து வைக்கும் அனைவரின் சிறந்த எதிர்காலத்திற்காக உங்கள் முன்னாள் மாணவர்களின் ஆற்றலை நீங்கள் பாதுகாத்து ஒருங்கிணைக்க வேண்டும்” என்று அவர் கூறினார். “கல்வி என்பது வணிகம் அல்ல. கல்வி என்பது சமுதாய சேவை. கல்வி உங்கள் கடமை. நீங்கள் சேவை செய்ய வேண்டும். சமூகத்திற்கு திருப்பிச் செலுத்துவது உங்கள் கடமை, அது தெய்வீகக் கட்டளை. சமூகத்திற்கு திருப்பிச் செலுத்துவதற்கான சிறந்த வழி கல்வியில் முதலீடு செய்வதாகும். கல்வியில் முதலீடு என்பது மனித வளத்திற்கான முதலீடு, நமது நிகழ்காலத்திற்கான முதலீடு, நமது எதிர்காலத்திற்கான முதலீடு. கல்வியின் மூலமே பல்லாயிரம் நூற்றாண்டுகளின் பெருமைமிகு கடந்த காலத்தை நாம் கண்டடைகிறோம்” என்று திரு  தன்கர் குறிப்பிட்டார். இந்தியாவின் வரலாற்று மற்றும் ஜனநாயக வலிமையைப் பிரதிபலிக்கும் வகையில் பேசிய குடியரசு துணைதலைவர், “பழமையான, மிகப்பெரிய, செயல்பாட்டு ஜனநாயகமான பாரதம், உலகில் மிக சக்திவாய்ந்ததாக இருக்க வேண்டும். அது நமது கனவாக இருக்க முடியாது. அது மீட்கப்பட்ட கனவாக இருக்க வேண்டும்; சக்திவாய்ந்த பாரதம் உலக நல்லிணக்கம், அமைதி மற்றும் மகிழ்ச்சிக்கான உத்தரவாதமாக இருக்கும். ஏனென்றால் நாம் பல நூற்றாண்டுகளாக நமது சிந்தனையை வளர்த்து வருகிறோம். அதை நாம் கடைப்பிடிக்கிறோம். வசுதைவ குடும்பகம் – ஒரே பூமி, ஒரே குடும்பம், ஒரே எதிர்காலம்.” தேசியவாதத்திற்கான அசைக்க முடியாத அர்ப்பணிப்புக்கு அழைப்பு விடுத்த திரு தன்கர், “பாகுபாடு அல்லது பிற நலன்களை விட தேச நலனுக்கு முன்னுரிமை இருக்க வேண்டும்” என்றார். பொருளாதார தேசியவாதத்தின் அவசியத்தையும் அவர் எடுத்துரைத்தார், “பொருளாதார தேசியவாதம் வணிகத்திற்கு மேலாதிக்க அக்கறையாக இருக்க வேண்டும். எவ்வளவு நியாயமானதாக இருந்தாலும், அளவு அல்லது நிதி அளவு எவ்வளவு பெரியதாக இருந்தாலும், பொருளாதார தேசியவாதத்தை சமரசம் செய்வதற்கு எந்த காரணமும் இல்லை.” இளைஞர்கள் நல்வாழ்வுடன் வெற்றியைத் தொடர வேண்டும், சவால்களை வளர்ச்சி வாய்ப்புகளாக எதிர்கொள்ள வேண்டும், உயர்ந்த நோக்கத்தை நிறைவேற்ற வேண்டும் என்று வலியுறுத்திய திரு ஜக்தீப் தன்கர் “ஒவ்வொரு பின்னடைவும் ஒரு வலுவான, அதிக தாக்கத்தை ஏற்படுத்தும் மறுபிரவேசத்திற்கு உங்களைத் தயார்படுத்துகிறது என்பதை நினைவில் கொள்ளுங்கள்,” என்று கூறி தனது உரையை நிறைவு செய்தார. அச்சமற்ற அணுகுமுறையை ஊக்குவித்து, இந்திய முன்னேற்றத்தின் எதிர்கால நிர்வாகிகளுடன் இணைவதற்கான வாய்ப்புக்கு நன்றி தெரிவித்தார். இயக்குநர் மற்றும் செனட் தலைவர் பேராசிரியர் அஜய் குமார் சர்மா,  நிர்வாகிகள் வாரியத் தலைவர் திரு சி.கே. பிர்லா மற்றும் பிரமுகர்கள் இந்த நிகழ்ச்சியில் கலந்து கொண்டனர்.

കേന്ദ്ര വാർത്താവിതരണ പ്രക്ഷേപണ മന്ത്രാലയത്തിന് കീഴിൽ പ്രവർത്തിക്കുന്ന സെൻട്രൽ ബ്യൂറോ ഓഫ് കമ്മ്യൂണിക്കേഷൻ എറണാകുളം യൂണിറ്റിന്റെ ആഭിമുഖ്യത്തിൽ കേന്ദ്ര ഗവൺമെന്റ് പദ്ധതികളെക്കുറിച്ച് അങ്കമാലിയിൽ 5 ദിവസം നീണ്ടുനിൽക്കുന്ന പ്രദർശന- ബോധവൽക്കരണ പരിപാടി സംഘടിപ്പി സംഘടിപ്പിക്കുമെന്ന്  സെൻട്രൽ ബ്യൂറോ ഓഫ് കമ്മ്യൂണിക്കേഷൻ കേരള-ലക്ഷദ്വീപ് മേഖലാ അഡിഷണൽ ഡയറക്ടർ ജനറൽ  ശ്രീ വി. പളനിച്ചാമി പത്രസമ്മേളനത്തിൽ അറിയിച്ചു. നവംബർ 11 മുതൽ 15 വരെ കൾച്ചറൽ സൊസൈറ്റി ഓഫ് അങ്കമാലി (സി.എസ്.എ) ഹാളിലാണ് …