ओआरएन व्हेंचर्सची भारतातील 100 शहरांमध्ये विस्तार करण्याची योजना जाहीर; नव्या पिढीतील प्रवास उद्योजकांना सक्षम करण्याचा संकल्प

स्थानिक उद्योजकांना ओआरएन च्या जागतिक प्रवास व्यवसायाशी, अत्याधुनिक तंत्रज्ञानाशी आणि आंतरराष्ट्रीय पर्यटन पोर्टफोलिओशी जोडण्यासाठी देशव्यापी फ्रँचायझी विस्ताराची योजना

पुणे, ऑक्टोबर 2026: तंत्रज्ञानाच्या माध्यमातून जागतिक पर्यटन सेवा उपलब्ध करून देणाऱ्या ओआरएन व्हेंचर्स या कंपनीने भारतातील 100 शहरांमध्ये आपले फ्रँचायझी नेटवर्क विस्तारण्याची योजना जाहीर केली आहे. या विस्ताराच्या माध्यमातून प्रवास क्षेत्रातील उद्योजकांसाठी नव्या संधी निर्माण करणे, तसेच देशभरातील ग्राहकांसाठी आंतरराष्ट्रीय पर्यटन अधिक सुलभ आणि सहज उपलब्ध करून देणे, हे कंपनीचे उद्दिष्ट आहे.

स्थानिक उद्योजकतेची ताकद, आंतरराष्ट्रीय स्तरावरील कार्यक्षम सेवा, अत्याधुनिक तंत्रज्ञान आणि विविध प्रकारच्या पर्यटन अनुभवांचा सर्वसमावेशक पोर्टफोलिओ यांचा समन्वय साधणारे जागतिक स्तरावर जोडलेले पर्यटन व्यासपीठ उभारण्याच्या ओआरएन च्या दृष्टिकोनाचा हा विस्तार एक महत्त्वाचा भाग आहे.

भारतीय ग्राहकांसाठी आंतरराष्ट्रीय प्रवास अधिकाधिक सुलभ होत असताना, पारंपरिक पर्यटन पॅकेजेसपुरती मर्यादित न राहता वैयक्तिक आवडीनिवडींनुसार तयार केलेल्या, सोयीस्कर आणि अनोखे अनुभव देणाऱ्या सहलींकडे ग्राहकांचा कल वाढत आहे. ओआरएन आपल्या जागतिक पर्यटन परिसंस्थेच्या पाठबळावर स्थानिक पर्यटन व्यवसायांना विविध प्रकारच्या आंतरराष्ट्रीय सहलींची व्यापक श्रेणी ग्राहकांना उपलब्ध करून देण्यास सक्षम बनवून या संधीचा लाभ घेण्याचे उद्दिष्ट ठेवत आहे.

ओआरएन च्या व्यवसाय मॉडेलचे एक प्रमुख वैशिष्ट्य म्हणजे आंतरराष्ट्रीय पर्यटनाशी संबंधित विविध सेवांचे एकत्रीकरण. यामध्ये प्रवासाची वाहतूक साधने, निवास व्यवस्था, पर्यटनस्थळांवरील सेवा, विविध अनुभवाधारित उपक्रम आणि ग्राहक सहाय्य यांचा समावेश आहे. या सर्व सुविधा एकाच व्यासपीठावर उपलब्ध करून देत, सुट्ट्यांचे नियोजन आणि त्यांची अंमलबजावणी अधिक सुलभ करणे, तसेच ग्राहकांना अधिक सोयीस्कर, विश्वासार्ह आणि किफायतशीर पर्यटन अनुभव प्रदान करणे, हे ओआरएन चे उद्दिष्ट आहे.

कंपनीच्या पर्यटन सेवांच्या पोर्टफोलिओमध्ये ग्रुप हॉलिडेज, ग्राहकांच्या आवडीनिवडीनुसार तयार केलेले प्रवासाचे नियोजन, कॉर्पोरेट प्रवास आणि खासगी स्वरूपातील आंतरराष्ट्रीय सहलींसाठीची प्रायव्हेट बाय ओआरएन ही विशेष सेवा यांचा समावेश आहे. प्रायव्हेट बाय ओआरएन या सेवेद्वारे पर्यटकांना स्वतःच्या खासगी, चालकासह उपलब्ध करून दिलेल्या वाहनातून विविध पर्यटनस्थळांना भेट देता येते. निवास व्यवस्था, प्रेक्षणीय स्थळांची सफर, प्रवासाचे नियोजन आणि पर्यटनस्थळांवरील समन्वय यांसह संपूर्ण सहलीचा अनुभव अधिक सुकर करण्याची जबाबदारी ओआरएन सांभाळते.

फ्रँचायझी मॉडेलच्या माध्यमातून ओआरएन आपल्या आंतरराष्ट्रीय पर्यटन सेवांची व्याप्ती देशभरातील उद्योजकांपर्यंत पोहोचवण्याचा प्रयत्न करत आहे. यामुळे उद्योजकांना ग्राहकांशी मजबूत संबंध प्रस्थापित करणे, स्थानिक बाजारपेठेचा विस्तार करणे आणि व्यवसायाची वाढ साधणे यावर लक्ष केंद्रित करता येईल. त्याचवेळी, ओआरएन च्या जागतिक पर्यटन सेवा, तंत्रज्ञान आणि कार्यप्रणालीविषयक सहाय्याचा लाभ घेऊन त्यांना आपला व्यवसाय अधिक प्रभावीपणे विकसित करता येईल.

ओआरएन व्हेंचर्सचे संस्थापक आणि मुख्य कार्यकारी अधिकारी विनय गुप्ता म्हणाले, “भारतामध्ये उद्योजकतेसाठी अत्यंत अनुकूल आणि विलक्षण क्षमता असलेली परिसंस्था आहे. स्थानिक पातळीवरील मजबूत संबंध आणि जागतिक स्तरावरील क्षमता यांचा समन्वय साधल्यास आंतरराष्ट्रीय पर्यटन क्षेत्राच्या विकासाचा पुढील टप्पा अधिक वेगाने गाठता येईल, असा आम्हाला विश्वास आहे.

ओआरएन मध्ये आम्ही असे व्यासपीठ तयार करत आहोत, ज्यामुळे देशभरातील उद्योजकांना स्वतःची व्यवस्था उभारण्याची गरज न पडता आंतरराष्ट्रीय पर्यटन पॅकेजेस, तंत्रज्ञान आणि पर्यटनस्थळांवरील सेवांचा लाभ घेता येईल.

ग्राहकांना आंतरराष्ट्रीय सहलींचे नियोजन सोपे, सोयीस्कर आणि विश्वासार्ह पद्धतीने करता यावे, तसेच आमच्या फ्रँचायझी भागीदारांना स्वतःचा व्यवसाय वाढवता यावा, हे आमचे उद्दिष्ट आहे.

स्थानिक उद्योजकांना केंद्रस्थानी ठेवून जागतिक पर्यटन क्षेत्राशी जोडलेली व्यवस्था निर्माण करण्याच्या आमच्या ध्येयातील 100 शहरांमध्ये विस्तार करण्याचे पाऊल अत्यंत महत्त्वाचे आहे.”

ओआरएन च्या प्रस्तावित विस्तारामध्ये मोठ्या महानगरांसोबतच वेगाने विकसित होणाऱ्या शहरांवरही लक्ष केंद्रित केले जाणार आहे. या शहरांमध्ये वाढत्या आकांक्षा, आंतरराष्ट्रीय प्रवासाची वाढती मागणी आणि स्थानिक उद्योजकतेमुळे व्यवसायाच्या मोठ्या संधी उपलब्ध होत आहेत.

जागतिक स्तरावरील कार्यप्रणाली, तंत्रज्ञानावर आधारित सेवा आणि स्थानिक फ्रँचायझीचे मजबूत जाळे यांच्या एकत्रित मदतीने आंतरराष्ट्रीय सहलींच्या सेवा मोठ्या प्रमाणावर आणि अधिक प्रभावीपणे ग्राहकांपर्यंत पोहोचवता येतील, असा कंपनीला विश्वास आहे.

देशभरातील उद्योजकांना आपल्या आंतरराष्ट्रीय पर्यटन सेवांशी जोडून, ओआरएन देशभरात आपले जाळे विस्तारण्याचा प्रयत्न करत आहे. यामुळे ग्राहकांना जागतिक स्तरावरील पर्यटन सेवा अधिक जवळून आणि सहज उपलब्ध होतील. तसेच, उद्योजकांना स्वतःचा व्यवसाय सुरू करण्याच्या आणि तो वाढवण्याच्या नव्या संधी मिळतील.

Featured Article