लोटस कार्स इंडिया, कोल्हापुरात ‘इलेट्रे’च्या सादरीकरणासह ब्रँडच्या प्रेक्षक घेऊन येत आहे एक खास अनुभव

पश्चिम, दक्षिण आणि पूर्व भारतातील विविध शहरांच्या दौऱ्याचा एक भाग म्हणून, ब्रँडच्या चाहत्यांसाठी एक खास अनुभव.

कोल्हापूर, सप्टेंबर २०२६ : लोटस कार्स इंडियाने (Lotus Cars India) देशभरात ‘ग्राहक संपर्क आणि ब्रँड एक्सपिरियन्स’ अभियान जाहीर केले आहे. या अंतर्गत त्यांची पुरस्कार विजेती इलेक्ट्रिक परफॉर्मन्स कार, ‘लोटस इलेट्रे’ (Lotus Eletre) भारतातील प्रमुख लक्झरी ऑटोमोबाईल मार्केटमधील ग्राहकांच्या भेटीला येत आहे. या पश्चिम भारत दौऱ्यातील प्रमुख टप्प्यांमध्ये आता कोल्हापूरचा समावेश आहे.

या बहु-शहरी दौऱ्याचा एक भाग म्हणून, लोटस कार्स इंडिया कोल्हापुरात २६ आणि २७ सप्टेंबर २०२६ रोजी संभाव्य ग्राहक, उद्योजक, व्यावसायिक नेते, लक्झरी जीवनशैलीचे ग्राहक आणि वाहनप्रेमींसाठी एक विशेष ‘ब्रँड अनुभव’ कार्यक्रम आयोजित करत आहे. कोल्हापूरचा हा टप्पा पश्चिम भारताच्या दौऱ्याचा एक भाग आहे, जो पुण्याहून साताऱ्यामार्गे आता कोल्हापुरात दाखल झाला आहे आणि त्यानंतर गोव्याकडे मार्गक्रमण करेल. यासोबतच दक्षिण आणि पूर्व भारताचा दौराही सुरू असून त्यात चेन्नई, त्रिशूर, कोची, कालिकत, मंगळूरू, बेंगळुरू, भुवनेश्वर, कोलकाता आणि हैदराबाद या शहरांचा समावेश आहे.

कोल्हापुरातील या कार्यक्रमात लोटसच्या सर्वात महत्त्वाच्या ‘लोटस इलेट्रे’ (Lotus Eletre) या वाहनावर मुख्य लक्ष केंद्रित केले जाईल.

लोटस कार्स इंडियाच्या संचालिका एमी अरोरा म्हणाल्या, “आमच्या चोखंदळ प्रेक्षकांसाठी सर्वोत्तम ब्रँड्स आणि अनुभव घेऊन येण्याचा आमचा नेहमीच प्रयत्न असतो. उद्योगात सर्वोच्च मानके आणि नवीन मापदंड प्रस्थापित करण्यावर आमचा विश्वास आहे. आमचा दृढ निश्चय आणि ‘ग्राहक प्रथम’ (Customer First) हे तत्त्व आम्हाला वेगळे ठरवते आणि ग्राहकांशी नाते अधिक घट्ट करण्याची प्रेरणा देते. त्याचबरोबर, संपूर्ण भारतात विक्री आणि विक्रीनंतरची सर्वंकष सेवा देत ग्राहकांना मालकीचा एक उत्तम (seamless) अनुभव देण्यासाठी आम्ही कटिबद्ध आहोत.”

लोटस इलेट्रे ही या ब्रँडची ‘ऑल-इलेक्ट्रिक हायपर-एसयूव्ही’ (all-electric hyper-SUV) आहे, जी उत्कृष्ट परफॉर्मन्स, प्रगत तंत्रज्ञान आणि दैनंदिन उपयुक्तता यांचा मेळ साधते. लोटससाठी एका नव्या पर्वाची सुरुवात करणारी ही कार या ब्रँडचा मूळ डीएनए जपते आणि लक्झरी एसयूव्हीकडून अपेक्षित असलेली सर्व वैशिष्ट्येही देते.

ग्राहक आणि ब्रँडचा अनुभव डोळ्यासमोर ठेवून आखलेल्या या कोल्हापूरच्या कार्यक्रमात, खास आमंत्रित पाहुण्यांना ‘ड्राईव्ह एक्सपिरियन्स’ (वाहन चालवण्याचा अनुभव), उत्पादनाचे वैयक्तिक सादरीकरण आणि ब्रँडची सविस्तर माहिती दिली जाईल.

केवळ वाहनांचे प्रदर्शन करण्यापलीकडे, कोल्हापुरातील हा कार्यक्रम लोटस कार्स इंडियाची देशभरात आपला विस्तार करण्याची आणि प्रमुख लक्झरी मार्केट्समधील ग्राहकांशी नाते दृढ करण्याची बांधिलकी दर्शवतो. याआधी अनेक शहरांमध्ये झालेल्या अशा रोड शोला ग्राहक आणि वाहनप्रेमींचा उत्स्फूर्त प्रतिसाद मिळाला आहे, ज्यामुळे संपूर्ण भारतात ग्राहकांशी अधिक सखोल संवाद साधण्याच्या ब्रँडच्या ध्येयाला बळकटी मिळाली आहे.

कोल्हापुरातील हे सादरीकरण लोटस कार्स इंडियाचा ‘ग्राहक-प्रथम’ दृष्टिकोन अधिक अधोरेखित करते. देशभरातील ग्राहकांना उत्तम अनुभव देण्यासाठी कंपनी आपले विक्री आणि विक्रीनंतरचे नेटवर्क सातत्याने मजबूत करत आहे.

या रोड शोच्या माध्यमातून, लोटस कार्सचे उद्दिष्ट कोल्हापुरातील संभाव्य ग्राहकांशी अर्थपूर्ण संवाद साधणे हे आहे. तसेच, त्यांची ही नवीन पिढीची इलेक्ट्रिक वाहने ब्रिटिश परफॉर्मन्सचा वारसा, प्रगत तंत्रज्ञान आणि दैनंदिन उपयुक्तता यांचा कसा उत्तम मेळ साधतात, हे ग्राहकांना दाखवून देणे हा यामागील मुख्य उद्देश आहे.

Featured Article