ஆண்டு இறுதி அறிக்கை 2024 – தொழிலாளர் மற்றும் வேலைவாய்ப்பு அமைச்சகம்

இ-ஷ்ரம் போர்ட்டல்  பதிவுகள் இந்த ஆண்டு 30 கோடியைத் தாண்டியது, இது அமைப்புசாரா தொழிலாளர்களிடையே விரைவான மற்றும் பரவலான ஏற்பைக் காட்டுகிறது. இந்த சாதனை சமூக தாக்கத்தையும், நாடு முழுவதும் உள்ள அமைப்புசாரா தொழிலாளர்களை ஆதரிப்பதற்கான அரசின் உறுதிப்பாட்டையும் எடுத்துக்காட்டுகிறது.

தொழிலாளர் மற்றும் வேலைவாய்ப்பு அமைச்சகம் 21 அக்டோபர் 2024 அன்று இ-ஷ்ரம் போர்ட்டலை “ஒரே இடத்தில் தீர்வு ” என்ற பெயரில் அறிமுகப்படுத்தியது. அமைப்புசாரா தொழிலாளர்கள் பல்வேறு சமூகத் துறை திட்டங்களை அணுகுவதற்கு இ-ஷ்ரம் போர்ட்டலில் பதிவு செய்து சமூக பாதுகாப்புத் திட்டங்களை அணுகலாம். இதுவரை அவர்கள் பெற்றுள்ள பலன்களைப் பார்க்கலாம்.

இதுவரை, பன்னிரண்டு (12) சமூகப் பாதுகாப்பு / நலத்திட்டங்கள் இ-ஷ்ரம் உடன் ஒருங்கிணைக்கப்பட்டுள்ளன / வரைபடமாக்கப்பட்டுள்ளன இது ஒரு தொடர்ச்சியான செயல்முறையாகும், இதில் மற்ற திட்டங்களும்  படிப்படியாக ஒருங்கிணைக்கப்படும். தொழிலாளர்களின் தகுதியை சரிபார்க்கவும், திட்ட செறிவூட்டலை உறுதி செய்யவும், மாநில மற்றும் மாவட்ட அளவில் சாத்தியமான பயனாளிகளை இலக்கு வைக்கவும் இ-ஷ்ரம்  தரவைப் பயன்படுத்த ஏஜென்சிகளுக்கு இந்த தளம் உதவுகிறது.

மாநிலங்கள் மற்றும் யூனியன் பிரதேசங்களுடன் இ-ஷ்ரம்  தகவல்களை பகிர்ந்து கொள்வதற்கான தரவு பகிர்வு வழிகாட்டுதல்கள் வகுக்கப்பட்டு பகிர்ந்து கொள்ளப்பட்டுள்ளன. அதன்படி, அனைத்து மாநிலங்கள் / யூனியன் பிரதேசங்கள் இ-ஷ்ரம்  பதிவு செய்தவர்களின் விவரங்களை அவர்களுடன் பகிர்ந்து கொள்வதன் மூலம் தொழிலாளர்களுக்கு இலக்கு நிர்ணயிக்கப்பட்ட விநியோகம் மற்றும் நலத்திட்டங்களை செறிவூட்டுவதற்கு இ-ஷ்ரம்  வசதி செய்து வருகிறது

தனியார் மற்றும் அரசுத் துறைகளின் வேலைகள், ஆன்லைன் மற்றும் நேரடி வேலைவாய்ப்பு கண்காட்சிகள் பற்றிய தகவல்கள், திறன் / பயிற்சித் திட்டங்கள் உள்ளிட்ட அனைத்து தொழில் தொடர்பான சேவைகளுக்கும் தேசிய வேலைவாய்ப்பு சேவை (என்சிஎஸ்)  ‘ஒரே இடத் தளமாக’ மாறியுள்ளது.

2024,  ஜனவரி 1 முதல் 2024, டிசம்பர் 15 வரை, என்சிஎஸ் போர்ட்டலில் 1,89,33,219 காலியிடங்கள் திரட்டப்பட்டன, தொடக்கத்திலிருந்து திரட்டப்பட்ட மொத்த காலியிடங்கள் 3.89 கோடியாக உள்ளன. இந்த ஆண்டு செயலில் உள்ள காலியிடங்களின் எண்ணிக்கை ஒரு குறிப்பிட்ட நாளில் 20 லட்சத்தை தாண்டியது, எந்த நேரத்திலும் என்சிஎஸ் போர்ட்டலில் சராசரியாக 15 லட்சம் வேலை வாய்ப்புகள் உள்ளன.

மொத்தம் 11,451 வெளிநாட்டு காலியிடங்கள் என்.சி.எஸ் போர்ட்டலில் வெளியுறவு அமைச்சகத்தில் பதிவு செய்யப்பட்ட முகவர்களால் வெளியிடப்பட்டன.

என்சிஎஸ் போர்ட்டல் மூலம் 8,263 வேலைவாய்ப்பு முகாம்கள் ஏற்பாடு செய்யப்பட்டன, இதில் 43,874 வேலையளிப்பவர்கள் பங்கேற்றனர், மேலும் 2,69,616 விண்ணப்பதாரர்கள் இந்த ஆண்டில் வேலைக்கு தற்காலிகமாக தேர்ந்தெடுக்கப்பட்டனர். பங்குதாரர் பதிவுகளைப் பொறுத்தவரை, 17,23,741 புதிய வேலையளிப்போர்  மற்றும் 1,38,45,887 புதிய வேலை தேடுபவர்கள் என்சிஎஸ் போர்ட்டலில் பதிவு செய்யப்பட்டுள்ளனர்.

தொழிலாளர் மற்றும் வேலைவாய்ப்பு அமைச்சகம் மாநிலங்களில் நான்கு குறியீடுகளின் கீழ் விதிகளை ஒத்திசைக்க தொடர்ந்து பணியாற்றி வருகிறது.

இந்த ஆண்டில், தொழிலாளர் குறியீடுகளின் வரம்பிற்குள் விதிகளை உருவாக்குவதற்கு மாநில / யூனியன் பிரதேச அரசுகளுக்கு உதவுவதற்காக 2024 ஆகஸ்ட் மற்றும் அக்டோபர் மாதங்களுக்கு இடையில் 6 பிராந்திய கூட்டங்கள் நடத்தப்பட்டன.

அனைத்து 36 மாநிலங்கள் / யூனியன் பிரதேசங்களும் 2025 மார்ச் 31-க்குள் வரைவு விதிகளின் ஒத்திசைவு மற்றும் முன் வெளியீட்டை முடிக்கும் என்று எதிர்பார்க்கப்படுகிறது.

சர்வதேச தொழிலாளர் அமைப்பின் உலக சமூக பாதுகாப்பு அறிக்கை 2024-26, இந்தியா தனது சமூக பாதுகாப்பு மதிப்பீட்டை இரட்டிப்பாக்கியுள்ளது என்பதைக் காட்டுகிறது. இந்தியாவின் இலக்கு நிர்ணயிக்கப்பட்ட பொது விநியோக முறை, சுமார் 800 மில்லியன் மக்களுக்கு உணவுப் பாதுகாப்பை வழங்கும் உலகின் மிகப்பெரிய சட்டப்பூர்வமாக பிணைக்கப்பட்ட சமூக உதவித் திட்டங்களில் ஒன்றாகும் என்பதை அறிக்கை எடுத்துக்காட்டுகிறது.

வேலைவாய்ப்பு மற்றும் தொழிலாளர் துறையில் இருதரப்பு ஒத்துழைப்பை மேம்படுத்தவும், இரு நாடுகளின் அமைச்சகங்களுக்கு இடையே பரஸ்பர ஆர்வமுள்ள துறைகளில் பரிமாற்றம் செய்யவும் இந்தியாவும் ஜெர்மனியும் விருப்பம் குறித்த கூட்டு பிரகடனத்தை இறுதி செய்தன.

ஊழியர் ஓய்வூதியத் திட்டத்தின் (இபிஎஸ்) ஓய்வூதியதாரர்கள்  2025 ஜனவரி முதல் இந்தியாவில் எந்த வங்கியிலும், எந்த கிளையிலிருந்தும் ஓய்வூதியம் பெற உதவும் மையப்படுத்தப்பட்ட ஓய்வூதிய பட்டுவாடா  முறைக்கான (சிபிபிஎஸ்) முன்மொழிவுக்கு தொழிலாளர் வருங்கால வைப்பு நிதி அமைப்பின் மத்திய அறங்காவலர் குழு ஒப்புதல் அளித்துள்ளது. தற்போதுள்ள ஓய்வூதிய வழங்கல் முறையிலிருந்து மாறுபட்ட இந்த முன்னுதாரண மாற்றம் 77 லட்சம் ஓய்வூதியதாரர்களுக்கு பயனளிக்கும். பகுதியளவு திரும்பப் பெறுதல்களுக்கான தானியங்கி உரிமைகோரல் தீர்வுக்கான வரம்பை தொழிலாளர் வருங்கால வைப்பு நிதி அமைப்பு  ரூ .50,000லிருந்து ரூ .1,00,000 / – ஆக உயர்த்தியுள்ளது.

தொழிலாளர் அரசு காப்பீட்டுக் கழகத்தின் (இஎஸ்ஐசி) கீழ் ரூ.3921 கோடி மதிப்பிலான 28 முக்கிய திட்டங்களை  பிரதமர் தொடங்கி வைத்து, அடிக்கல் நாட்டி, நாட்டுக்கு அர்ப்பணித்தார்.

10 புதிய தொழிலாளர் அரசு ஈட்டுறுதிக் கழக மருத்துவக் கல்லூரிகளை நிறுவ தொழிலாளர் அரசு ஈட்டுறுதிக் கழகம் கொள்கை அளவில் ஒப்புதல் அளித்துள்ளது.

நாடு முழுவதும் தரமான மருத்துவ கவனிப்பை வழங்குவதற்காக, ஆயுஷ்மான் பாரத் – பிரதமரின் மக்கள் ஆரோக்கிய திட்டத்துடன் (ஏபி-பிஎம்ஜேஏஒய்) இஎஸ்ஐசி ஒருங்கிணைந்து செயல்படுகிறது. இதன் மூலம் 14.43 கோடி இஎஸ்ஐ பயனாளிகள் மற்றும் அவர்களது குடும்பத்தினர் பயனடைவார்கள். இஎஸ்ஐ பயனாளிகள், சிகிச்சைச் செலவுகளில் நிதி உச்சவரம்பு இல்லாமல், 30,000-க்கும் மேற்பட்ட, ஆயுஷ்மான் பாரத் – பிரதமரின் மக்கள் ஆரோக்கிய திட்டத்த்தில் பட்டியலிடப்பட்ட மருத்துவமனைகளில் இரண்டாம் நிலை மற்றும் மூன்றாம் நிலை சேவைகளைப் பெற முடியும்.

வேலைவாய்ப்புடன் இணைந்த ஊக்கத்தொகை திட்டத்தை 2024-25 மத்திய பட்ஜெட்டில் அரசு அறிவித்தது. இது வேலை உருவாக்கத்தை ஊக்குவித்தல், வேலை சந்தையில் முறைப்படுத்தலை ஊக்குவித்தல், வேலைவாய்ப்பை மேம்படுத்துதல் ஆகியவற்றை நோக்கிய ஒரு முக்கிய நடவடிக்கையாகும்.

பரந்த அளவில், இத்திட்டம் பின்வருவனவற்றை உள்ளடக்கியுள்ளது:

பகுதி ஏ: இபிஎஃப்ஓ-வில் பதிவுசெய்யப்பட்ட  துறையில் முதல் முறையாக ஊழியர்களை குறிவைத்து,மூன்று தவணைகளில் ஒரு மாத ஊதியத்தை (ரூ. 15,000 வரை) வழங்குகிறது.

பகுதி பி: உற்பத்தியில் வேலை உருவாக்கத்தில் கவனம் செலுத்தும் இந்தத்  திட்ட வழிகாட்டுதல்படி, முதல் நான்கு ஆண்டுகளில் அவர்களின் இபிஎஃப்ஓ பங்களிப்புகளை திருப்பிச் செலுத்துவதன் மூலம் முதல் முறை ஊழியர்களின் கூடுதல் வேலைவாய்ப்புக்கு ஊழியர்களையும் வேலைதருவோரையும்  ஊக்குவிக்கிறது. ரூ.1 லட்சம் வரை சம்பளம் பெறும் ஊழியர்கள் விண்ணப்பிக்கலாம்.

பகுதி சி: வரம்புக்கு மேல் உள்ள ஒவ்வொரு கூடுதல் ஊழியருக்கும் மாதத்திற்கு ரூ .1 லட்சம் வரை சம்பளத்துடன் இரண்டு ஆண்டுகளுக்கு மாதத்திற்கு ரூ .3,000 வரை திருப்பிச் செலுத்துவதன் மூலம் வேலைதருவோருக்கு ஆதரவளித்தல்.

இது மேலும் இரண்டு திட்டங்களுடன், வேலை வாய்ப்புகளை உருவாக்குதல், இளைஞர்களின் திறனை மேம்படுத்துதல்  உள்ளகப் பயிற்சி விருப்பங்களை விரிவுபடுத்துவதை நோக்கமாகக் கொண்ட ஐந்து தொகுப்பு திட்டங்களின் ஒரு பகுதியாகும், மொத்தம் ரூ .2,00,000 கோடி செலவில், அடுத்த ஐந்து ஆண்டுகளில் சுமார் 4.1 கோடி இளைஞர்கள் பயனடைவார்கள் என்று எதிர்பார்க்கப்படுகிறது.

வேலைவாய்ப்புடன் இணைந்த ஊக்கத்தொகை திட்டம் பல துறைகளில் குறிப்பிடத்தக்க தாக்கத்தை ஏற்படுத்தும்,  வேலைவாய்ப்பு, சமூக பாதுகாப்பு பாதுகாப்பு மற்றும் வேலை உருவாக்கம் போன்ற பிரச்சினைகளுக்கு தீர்வு காணும் என்று எதிர்பார்க்கப்படுகிறது.