மகாகும்பமேளாவில் மத்திய மக்கள் தொடர்பகத்தின் கண்காட்சியை தலைமை இயக்குநர் ஆய்வு செய்தார்

மத்திய தகவல் மற்றும் ஒலிபரப்பு அமைச்சகத்தின் மத்திய மக்கள்  தொடர்பகத்தின் (சிபிசி) தலைமை இயக்குநர் திரு யோகேஷ் குமார் பவேஜா, பிரயாக்ராஜின் மஹாகும்பில் அமைக்கப்பட்டுள்ள ‘ஜன்பகிதாரி சே ஜன்கல்யான்’ எனும் மல்டிமீடியா கண்காட்சியைப் பார்வையிட்டார். இந்த கண்காட்சியில் கடந்த 10 ஆண்டுகளில் இந்திய அரசின் திட்டங்கள், கொள்கைகள், திட்டங்கள் மற்றும் சாதனைகள் காட்சிப்படுத்தப்பட்டுள்ளன.

கண்காட்சியைப் பார்வையிட்ட பிறகு, தலைமை இயக்குநர் , இந்தக் கண்காட்சி இந்திய அரசின் திட்டங்கள் மற்றும் சாதனைகளை திறம்பட முன்வைக்கிறது என்றார். புதிய தொழில்நுட்பங்களைப் பயன்படுத்தி உருவாக்கப்பட்ட இந்த மல்டிமீடியா கண்காட்சியானது பல்வேறு திட்டங்களைப் பற்றிய சிறந்த தகவல்களை பொதுமக்களுக்கு வழங்குகிறது. அரசின் முயற்சிகள் மற்றும் முன்முயற்சிகளைப் பற்றி மக்களுக்குத் தெரிவிப்பதே கண்காட்சியின் நோக்கமாகும், எனவே அவர்கள் இந்தக் கொள்கைகள், திட்டங்கள் மற்றும் திட்டங்களிலிருந்து பயனடையலாம் என்றும் அவர் கூறினார்.

மஹாகும்பமேளாவில் தகவல் மற்றும் ஒலிபரப்பு அமைச்சகம் மேற்கொண்டு வரும் பணிகளை தலைமை இயக்குநர் ஆய்வு செய்தார், மேலும் சிபிசி மற்றும் பிஐபி அதிகாரிகளுடன் ஆய்வுக் கூட்டத்தை நடத்தினார். திறம்பட ஒருங்கிணைக்கவும், தகவல் தொடர்பு மற்றும் விளம்பர நடவடிக்கைகளை திறம்பட நிர்வகிக்கவும் அவர் அறிவுறுத்தினார்.

தேசிய ஒருமைப்பாட்டிற்கான அரசின் முக்கிய திட்டங்கள், கொள்கைகள் மற்றும் முயற்சிகள் பற்றி பக்தர்கள் மற்றும் பார்வையாளர்களுக்கு தெரிவிக்க இந்த டிஜிட்டல் கண்காட்சி ஒரு புதுமையான தளமாக உள்ளது. ஜனவரி 13 முதல் பிப்ரவரி 26 வரை நடைபெறும் இக்கண்காட்சியானது, ‘ஒற்றுமையே சமுதாயத்தின் பலம்’ என்ற கருப்பொருளின் அடிப்படையில், ‘ஒரே நாடு, ஒரே வரி’, ‘ஒரே நாடு, ஒரே மின்சக்தி’ போன்ற அரசின் முன்முயற்சிகளை வெளிப்படுத்துகிறது. கூடுதலாக, கண்காட்சியானது தொழில்முனைவோர், சுயதொழில் மற்றும் பொருளாதார வலுவூட்டல் தொடர்பான திட்டங்களை எடுத்துக்காட்டுகிறது,