பாஸ்போர்ட் விண்ணப்பத்தில் புதிய சீர்திருத்தம்

பாஸ்போர்ட் விண்ணப்பத்தில் முக்கிய சீர்திருத்தத்தை வெளியுறவு அமைச்சகம் அறிமுகம் செய்துள்ளது. இதன் மூலம், வாழ்க்கைத் துணைவரின் பெயரை பாஸ்போர்ட் விண்ணப்பத்தில் சேர்க்க அல்லது நீக்க விண்ணப்பதாரர்கள் திருமணச் சான்றிதழுக்கு மாற்றாக “இணைப்பு J” எனப்படும் எளிமையான பிரமாணப் பத்திரத்தைப் பயன்படுத்த அனுமதிக்கப்படுகிறார்கள்.

இந்த முயற்சி விண்ணப்ப செயல்முறையை நெறிப்படுத்துவதையும் தாமதங்களைக் குறைப்பதையும் நோக்கமாகக் கொண்டுள்ளது. “இணைப்பு J” என்பது எளிமைப்படுத்தப்பட்ட பிரமாணப் பத்திரமாகும், இதில் விண்ணப்பதாரர்கள் தங்கள் திருமண நிலையை முறையாக அறிவித்து, பாஸ்போர்ட்டில் வாழ்க்கைத் துணைவரின் பெயரைச் சேர்க்க (அல்லது நீக்க) கூட்டாகக் கோருகின்றனர். (மாதிரி “இணைப்பு J” படிவம் இணைக்கப்பட்டுள்ளது) படிவத்தில் இரு தரப்பினரும் கையொப்பமிட்டு, சுய சான்றளிக்கப்பட்ட கூட்டு புகைப்படத்துடன் இணைக்கப்பட வேண்டும்.

இணைப்பு J இன் முக்கிய அம்சங்கள்

• தம்பதியினரின் கூட்டு, சுய சான்றளிக்கப்பட்ட புகைப்படம்

• இருவரின் முழுப் பெயர்கள், முகவரிகள் மற்றும் பிறந்த தேதிகள்

• திருமண நிலையின் தெளிவான அறிவிப்பு

• ஆதார் எண் மற்றும் வாக்காளர் ஐடி அல்லது பாஸ்போர்ட் எண்  (இருந்தால்)

மறுமணத்திற்குப் பிறகு புதிய துணைவரின் பெயரைச் சேர்க்க விண்ணப்பதாரர்கள் பின்வரும் தொடர்புடைய ஆவணங்களையும் சமர்ப்பிக்க வேண்டும்:

• விவாகரத்து ஆணை, மறுமணச் சான்றிதழ்
• முன்னாள் துணைவரின் இறப்புச் சான்றிதழ், மறுமணச் சான்றிதழ்
• புதுப்பிக்கப்பட்ட அடையாள ஆவணங்கள்

இந்த சீர்திருத்தம் இந்திய குடிமக்களுக்கான ஆவணத் தேவைகளை        எளிதாக்குவதன் மூலம் பொது சேவை வழங்கலை மேம்படுத்துவதற்கான வெளியுறவு அமைச்ச உறுதிப்பாட்டை சுட்டிக் காட்டுகிறது. தகுதியுள்ள விண்ணப்பதாரர்கள் இந்த சீர்திருத்தத்தைப் பயன்படுத்த ஊக்குவிக்கப்படுகிறார்கள்.

மேலும் தகவலுக்கும் இணைப்பு J-ஐ பதிவிறக்கம் செய்யவும், அதிகாரப்பூர்வ பாஸ்போர்ட் சேவா இணையதளத்தைப் பார்வையிடவும்.