Matribhumi Samachar Tamil
கல்வி மற்றும் ஆராய்ச்சி சிறப்பிற்கான அதன் அசைக்க முடியாத அர்ப்பணிப்பை அடிக்கோடிட்டுக் காட்டும் ஒரு குறிப்பிடத்தக்க மைல்கல்லாக, புதுச்சேரி பல்கலைக்கழகம் அதன் ஐந்தாவது மதிப்பீட்டு சுழற்சியில் (2019–2024) தேசிய மதிப்பீடு மற்றும் அங்கீகார குழுவால் (NAAC) A+ தர அங்கீகாரம் பெற்றுள்ளது. இது பல்கலைக்கழகம் அதன் 40 ஆண்டுகால வரலாற்றில் பெற்ற மிக உயர்ந்த மதிப்பீடடாக இது உள்ளது. முந்தைய இரண்டு சுழற்சிகளில் வழங்கப்பட்ட A தரங்களை விஞ்சி, இந்தியாவின் சிறந்த செயல்திறன் கொண்ட மத்திய பல்கலைக்கழகங்களில் புதுச்சேரி பல்கலைக்கழகம் உறுதியான இடம்பிடித்துள்ளது.
கோவிட்-19 தொற்றுநோய் மற்றும் தேசிய கல்விக் கொள்கை (NEP) 2020 போன்ற முன்மாதிரி இல்லாத சவால்கள் மற்றும் பெரும் மாற்றங்களை ஏற்படுத்திய ஐந்தாண்டு காலப்பகுதியின் முடிவில் இந்த சமீபத்திய மறு அங்கீகாரம் மிக முக்கியத்துவம் வாய்ந்ததாகும். இவ்வாறு பல்வேறு இடையூறுகள் இருந்த போதும், புதுச்சேரி பல்கலைக்கழகம் தனித்துவமான துடிப்பையும், மீள்தன்மையையும் வெளிப்படுத்தியது. புதுப்பிக்கப்பட்ட கல்வி எழுச்சி மற்றும் எதிர்காலத்தை மையமாகக் கொண்ட தொலைநோக்குப் பார்வையுடன் இதன் வளர்ச்சி வலுவாக வெளிப்பட்டது.
இந்தப் பல்கலைக்கழகம் “பாடத்திட்ட அம்சங்கள்” என்ற அளவுகோலில் 4க்கு 3.87 மதிப்பெண்களைப் பெற்று, பாடத்திட்ட வடிவமைப்பு, கல்வி நெகிழ்வுத்தன்மை மற்றும் கற்பவர் மற்றும் சமூகத் தேவைகளுக்கு பதிலளிக்கும் தன்மை ஆகியவற்றில் அதன் முற்போக்கான அணுகுமுறையை எடுத்துக்காட்டுகிறது. ஒரு முன்னோடி நிறுவனமாக, புதுச்சேரி பல்கலைக்கழகம் தேர்வு அடிப்படையிலான கிரெடிட் முறைமைகளை முதன்முதலில் ஏற்றுக்கொண்ட நிறுவனங்களில் ஒன்றாகும் என்பது குறிப்பிடத்தக்கது, மேலும் 1992–93 ஆம் ஆண்டிலிருந்தே 5 ஆண்டு ஒருங்கிணைந்த முதுகலை பாடதிட்டத்தை அறிமுகப்படுத்தியது.
“ஆராய்ச்சி, புதுமைகள் மற்றும் விரிவாக்கம்” என்ற அளவுகோலில் பல்கலைக்கழகம் 4 இல் 3.56 மதிப்பெண்களைப் பெற்றது குறிப்பிடத்தக்கது, இது அதன் வலுவான ஆராய்ச்சி வெளியீடு, செழிப்பான சுற்றுச்சூழல் அமைப்பு, குறிப்பிடத்தக்க ஆலோசனை ஈடுபாடுகள் மற்றும் துடிப்பான ஒத்துழைப்புகளை பிரதிபலிக்கிறது. மதிப்பீட்டு காலத்தில், பல்கலைக்கழகம் 82 புரிந்துணர்வு ஒப்பந்தங்களை மேற்கொண்டு இருந்தது. இதில் 46 தேசிய மற்றும் 36 சர்வதேச கூட்டாண்மைகள் அடங்கும். இது உலகளாவிய கல்விப் பரிமாற்றம் மற்றும் ஆராய்ச்சி ஒத்துழைப்பை வளர்த்தது.
பல்கலைக்கழக சமுதாயத்தினரை வாழ்த்தி, புதுச்சேரி பல்கலைக்கழகத்தின் துணைவேந்தர் பேராசிரியர் பிரகாஷ் பாபு கூறியுள்ளதாவது:
“இந்த குறிப்பிடத்தக்க சாதனை, கல்வி, ஆராய்ச்சி, புதுமை மற்றும் முழுமையான வளர்ச்சியில் சிறந்து விளங்குவதற்கான நமது கல்வி மற்றும் நிர்வாக சமுதாயத்தின் கூட்டு முயற்சிகள், அசைக்க முடியாத மற்றும் சிறப்பான அர்ப்பணிப்புக்கு ஒரு சான்றாகும். இந்த அங்கீகாரம், தரம், சமத்துவம் மற்றும் உள்ளடக்கிய வளர்ச்சிக்கு உறுதியளித்த ஒரு முன்னணி மத்திய பல்கலைக்கழகமாக எங்கள் நிலையை இது மீண்டும் உறுதிப்படுத்துகிறது.”
ஏழு நிபுணர் உறுப்பினர்களைக் கொண்ட தேசிய மதிப்பீடு மற்றும் அங்கீகார குழு , மே 28 முதல் 30, 2025 வரை மதிப்பீட்டை நடத்தியது. அவர்களின் இறுதிக் கருத்துக்களில், குழு தேசிய கல்விக் கொள்கை செயல்படுத்தலில் பல்கலைக்கழகத்தின் தலைமையைப் பாராட்டியது, குறிப்பாக அதன் துறைகளில் 36 தேசிய கல்விக் கொள்கை அடிப்படையிலான இளங்கலைப் படிப்புகளையும், இணைக்கப்பட்ட கல்லூரிகளில் 47 பட்டப்படிப்புகளையும் தொடங்கியது. இவற்றின் மூலம் 23,500 க்கும் மேற்பட்ட மாணவர்கள் பயனடைந்தனர்.
1985 ஆம் ஆண்டு நிறுவப்பட்ட புதுச்சேரி பல்கலைக்கழகம், 15 பள்ளிகள், 41 துறைகள், 9 மையங்கள், 2 துணை வளாகங்கள், 2 தொகுதி கல்லூரிகள் மற்றும் யூனியன் பிரதேசம் மற்றும் சுற்றியுள்ள பிராந்தியங்களில் 119 இணைக்கப்பட்ட கல்லூரிகளை உள்ளடக்கிய உயர்கல்வியின் பல்துறை மையமாக வளர்ந்துள்ளது. உலகளவில் சிறந்த விஞ்ஞானிகள் பட்டியலில் இடம் பெற்ற பல பிரபலமான ஆசிரியர் உறுப்பினர்கள் இப்பல்கலைக்கழகத்தை சார்ந்தவர்கள். ஆவர் என்பது பாராட்டுக்குரியது ஆகும். இது, இந்தப் பல்கலைக்கழகத்தின் உலகளாவிய மதிப்பையும், அறிவியல் களத்தில் அதன் முக்கியத்துவத்தையும் உயர்த்துகிறது.
முன்னோக்கிப் பார்க்கும்போது, பல்கலைக்கழகம் அதன் சமூகக் கல்லூரி மாதிரியை பின்தங்கிய பகுதிகளுக்கு விரிவுபடுத்துதல், சர்வதேச கூட்டாளர்களுடன் கூட்டு மற்றும் இரட்டை பட்டப்படிப்பு திட்டங்களை வழங்குதல், தொழில்நுட்பம் சார்ந்த ஆன்லைன் மற்றும் தொலைதூரக் கற்றலை ஊக்குவித்தல் மற்றும் 2030 ஆம் ஆண்டுக்குள் நிகர-பூஜ்ஜிய உமிழ்வு வளாக நிலையை அடைதல் ஆகியவை அடங்கும்.
சிறந்து விளங்குவதற்கான புதிய ஒப்பீடாக A+ அங்கீகாரம் பெற்றிருப்பது புதுச்சேரி பல்கலைக்கழகத்தின் முக்கியமான மைல்கல்லாகும். இதன் மூலம், பல்கலைக்கழகம் தனது அடுத்த கட்ட வளர்ச்சியை தெளிவான நோக்கத்துடனும், திட்டமிட்ட முனைப்புடனும் தொடங்கியுள்ளது. இதற்கிடையில், உயர்கல்வி, புதுமை மற்றும் நிலையான வளர்ச்சியின் வழியாக இந்தியாவின் வளர்ச்சிக்கான இலக்குகளுக்கு அர்த்தமுள்ள பங்களிப்பையும் வழங்குகிறது.
