பதினெட்டாவது மக்களவையின் ஆறாவது அமர்வு நிறைவடைந்தது

2025 டிசம்பர் 1 அன்று தொடங்கிய பதினெட்டாவது மக்களவையின் ஆறாவது அமர்வு இன்று நிறைவடைந்தது.

இது தொடர்பாக, மக்களவைத் தலைவர் திரு. ஓம் பிர்லா, இந்த அமர்வு 15 நாட்கள் நடைபெற்றதாகத் தெரிவித்தார். இந்த அமர்வின் மொத்தப் பணி நேரம் 92 மணி நேரம் 25 நிமிடங்கள் ஆகும்.

இந்த அமர்வின் போது அவையின் உற்பத்தித்திறன் 111 சதவீதமாக இருந்தது என்று திரு. பிர்லா தெரிவித்தார்.

இந்த அமர்வின் போது 10 மசோதாக்கள் அறிமுகப்படுத்தப்பட்டன, 8 மசோதாக்கள் நிறைவேற்றப்பட்டன.

டிசம்பர் 15 அன்று, விவாதத்திற்குப் பிறகு, 2025-26 ஆம் ஆண்டிற்கான துணை மானியக் கோரிக்கைகள் – முதல் தொகுதி மீது வாக்கெடுப்பு நடத்தப்பட்டது.

 டிசம்பர் 8 அன்று, தேசிய பாடலான  “வந்தே மாதரம்” பாடலின் 150 ஆண்டுகள் நிறைவைக் கொண்டாடும் வகையில் பிரதமர் ஒரு விவாதத்தைத் தொடங்கி வைத்தார். இந்த அமர்வின் போது, அவையில் 11 மணி நேரம் 32 நிமிடங்கள் இந்தத் தலைப்பு குறித்து விவாதிக்கப்பட்டது, இதில் 65 உறுப்பினர்கள் பங்கேற்றனர். இதேபோல், “தேர்தல் சீர்திருத்தங்கள்” குறித்த விவாதம் டிசம்பர் 9 , 10 ஆகிய தேதிகளில் சுமார் 13 மணி நேரம் நடைபெற்றது, இதில் 63 உறுப்பினர்கள் பங்கேற்றனர்.

பூஜ்ஜிய நேரத்தின் போது உறுப்பினர்களால் மொத்தம் 408 அவசரப் பொது முக்கியத்துவம் வாய்ந்த விஷயங்கள் எழுப்பப்பட்டன, மேலும் விதி 377-இன் கீழ் மொத்தம் 372 விஷயங்கள்  எடுத்துக்கொள்ளப்பட்டன. 5 டிசம்பர் 11 அன்று, 150 உறுப்பினர்கள் அவையில் பூஜ்ஜிய நேரத்தின் போது தங்கள் கோரிக்கைகளை எழுப்பினர்.

இந்தக் கூட்டத்தொடரின் போது, மொத்தம் 2,116 ஆவணங்கள் அவையில் பட்டியலிடப்பட்டன. பல்வேறு துறைகளுடன் தொடர்புடைய நாடாளுமன்ற நிலைக்குழுக்களின் மொத்தம் 41 அறிக்கைகள் அவையில் சமர்ப்பிக்கப்பட்டன.

தனிநபர் மசோதாக்களைப் பொறுத்தவரை, இந்தக் கூட்டத்தொடரில், பல்வேறு தலைப்புகளில் 137 தனிநபர் மசோதாக்கள்  டிசம்பர் 5 அன்று அறிமுகப்படுத்தப்பட்டன.