ரோட் டு கேம் ஜாம் மூலம் இந்தியாவின் துடிப்பான கேம் டெவலப்பர் சமூகத்தின் ஒரு பகுதியாக இருங்கள் & வேவ்ஸின் இந்தியாவின் பிரகாசமான கேம் டெவலப்பர் குழுவாக மாறுங்கள்

இந்திய கேம் டெவலப்பர் சங்கம் , அதன் முதன்மை நிகழ்வான இந்தியா கேம் டெவலப்பர் மாநாடு மூலம், கேஜென் உடன் இணைந்து “ரோட் டூ  கேம் ஜாம்”-க்கு ஏற்பாடு செய்துள்ளது. மத்திய அரசின் உலக ஆடியோ விஷுவல் பொழுதுபோக்கு உச்சி மாநாட்டின் ஒரு நடவடிக்கையான இந்தியாவில் படைப்போம் சவால் சீசன் 1 இன் கீழ் உள்ள சவால்களில் இந்த முயற்சியும் ஒன்றாகும். அதிநவீன கண்டுபிடிப்பு மற்றும் படைப்பாற்றலைக் காண்பிப்பதன் மூலம் கேமிங் துறையின் எதிர்காலத்தை வடிவமைக்க இந்தியாவின் விளையாட்டு டெவலப்பர்களுக்கு அதிகாரம் அளிப்பதை இது நோக்கமாகக் கொண்டுள்ளது.

ரோட் டூ  கேம் ஜாம் என்ற அற்புதமான முயற்சியில் சேர விளையாட்டு டெவலப்பர்களுக்கு மற்றொரு வாய்ப்பை வழங்குகிறது. 2025, பிப்ரவரி 1 வரை பதிவுகள் திறந்திருப்பதால், ஆர்வமுள்ள டெவலப்பர்கள் இப்போது விளையாட்டு வடிவமைப்பில் தங்கள் திறமையையும் படைப்பாற்றலையும் வெளிப்படுத்தலாம். புதிய சமர்ப்பிப்பு காலக்கெடு 2025,  பிப்ரவரி 16  ஆகும். முடிவுகள் 2025, மார்ச் 16 அன்று அறிவிக்கப்பட உள்ளன.

முதல் சுற்றை நீங்கள் தவறவிட்டால், உங்கள் விளையாட்டு உருவாக்கும் திறன்களை நிரூபிக்க இப்போது சரியான நேரம். இந்தியாவின் விளையாட்டு மேம்பாட்டு சமூகத்தில் புதுமை மற்றும் சிறப்பை வளர்க்கும்  தேசிய தளத்தின் ஒரு பகுதியாக இருக்கும் இந்த வாய்ப்பை தவறவிடாதீர்கள்.

அறிமுகப்படுத்தப்பட்டதிலிருந்து, ரோட் டூ கேம் ஜாம் நம்பமுடியாத மைல்கற்களை அடைந்துள்ளது:

5,496 விளையாட்டு மேம்பாட்டு ஆர்வலர்கள் திட்டத்தில் பதிவு செய்தனர்.

இந்தியா முழுவதும் 1,622 தனித்துவமான கல்லூரிகளை பிரதிநிதித்துவப்படுத்துகிறது.

28 மாநிலங்கள் மற்றும் 8 யூனியன் பிரதேசங்களைச் சேர்ந்த 446 நகரங்களில் இருந்து பங்கேற்பாளர்கள் வந்திருந்தனர்.

பல்வேறு கல்லூரிகளில் இருந்து 120 குழுக்கள் ஏற்கனவே அமைக்கப்பட்டு தீவிரமாக பங்கேற்று வருகின்றன.

கேம் ஜாமிற்கான கருப்பொருள்கள் டிசம்பர் 20, 2024 அன்று வெளியிடப்பட்டன

கருப்பொருள்கள்:

எல்லாம் சிதறி விழுகிறது

ஒன்றாக ஒட்டிக்கொண்டு

கவனமாக கையாளவும்

கண்ணுக்கு தெரியாத இணைப்புகள்

மௌனத்தின் ஓசை

இந்திய கேம் டெவலப்பர் சங்கம், கேஜென் ஆகியவை விளையாட்டு மேம்பாட்டு சமூகத்திற்கு கல்வி கற்பதற்கும் அதிகாரம் அளிப்பதற்கும் பல பயனுள்ள நடவடிக்கைகளைத் தொடங்கியுள்ளன.