Matribhumi Samachar Tamil
உயிரினங்களில் உண்மையான புரத உறிஞ்சுதலைப் பின்பற்றுவதற்காக அறை வெப்பநிலை கரைசலில் இருந்து ஹைட்ரோஃபிலிக் மற்றும் ஹைட்ரோபோபிக் சிலிக்கான் மேற்பரப்பில் லைசோசைம் புரத மூலக்கூறுகளின் இரட்டை அடுக்குகளை ஓர் ஆராய்ச்சி குழு நிலைப்படுத்தியது. இது உட்செருகப்பட்ட உள்ளுறுப்புகள் மற்றும் உயிரிப் பொருட்களில் அயனி-சமன்பாடு புரத உறிஞ்சுதல்களின் உண்மையான உயிரியல் செயல்முறைகளைப் பிரதிபலிக்க உதவும்.
லைசோசைம் என்பது ஒரு வகை புரதமாகும், இது நான்கு டைசல் பைடு பிணைப்புகளைக் கொண்டுள்ளது. மனிதக் கண்ணீர், வியர்வை, பால் மற்றும் உமிழ்நீரில் இது காணப்படுகிறது. மறுபுறம், அயனிகள் உயிருள்ள உடலின் ஒருங்கிணைந்த பகுதியாகும். அவை மின்வேதியியல் ஆற்றலை ஒழுங்குபடுத்துதல், திரவ-எலக்ட்ரோலைட் சமநிலை, கூடுதல் செல்லுலார் அமில-கார சமநிலை, தசை சுருக்கம் மற்றும் பல உயிரியல் செயல்முறைகளில் ஈடுபட்டுள்ளன.
இந்தச் சூழலில், ஒரு உயிருள்ள உடலுக்குள் உறுப்புகளை அறிமுகப்படுத்துவது சந்தேகத்திற்கு இடமின்றி அயனி-சமநிலை புரதம்-மேற்பரப்பு தொடர்புகளுக்கு வழிவகுக்கும்.
அறிவியல் மற்றும் தொழில்நுட்பத் துறையின் கீழ் வடகிழக்கு இந்தியாவின் தன்னாட்சி நிறுவனமான குவஹாத்தியில் உள்ள அறிவியல் மற்றும் தொழில்நுட்ப மேம்பட்ட ஆய்வு நிறுவனத்தின் விஞ்ஞானிகள் குழு, அயனிகள் இருப்புடன் லைசோசைம் இரட்டை அடுக்குகளை உருவாக்கும் பணியை மேற்கொண்டது. இது அயனி-சமநிலை லைசோசைம் உறிஞ்சுதலுக்கு வழிவகுத்தது, இது ஒரு உண்மையான, உயிருள்ள உடலில் புரதங்களின் உயிரியல் உறிஞ்சுதலைப் பிரதிபலிக்கும்.
