ডিজিটেল ৰাজহুৱা আন্তঃগাঁথনি, কৃত্ৰিম বুদ্ধিমত্তা আৰু শাসনৰ বাবে তথ্যৰ ওপৰত ঘোষণা – জি-২০ ট্ৰ’ইকা (ভাৰত, ব্ৰাজিল আৰু দক্ষিণ আফ্ৰিকা)ৰ দ্বাৰা যুটীয়া বিজ্ঞপ্তি, কেইবাখনো জি-২০ দেশ, অতিথি দেশ আৰু আন্তঃৰাষ্ট্ৰীয় সংগঠনৰ দ্বাৰা সমৰ্থিত

শতিকা সলনি হোৱাৰে পৰা ন্যূনতম ৩ শতাংশ গোলকীয় বিকাশৰ ধাৰাৰ গড় মহামাৰীৰ আৰম্ভণি পৰ্যন্ত প্ৰায় ৪ শতাংশ আছিল। একে সময়তে প্ৰযুক্তিৰ গতি তীব্ৰগতিত চলি আছে আৰু যদি সমানভাৱে প্ৰয়োগ কৰা হয় ই আমাক বিকাশ বৃদ্ধি, বৈষম্য হ্ৰাস কৰা আৰু বহনক্ষম উন্নয়নৰ লক্ষ্য (এছডিজি) প্ৰাপ্ত কৰাৰ ব্যৱধান দূৰ কৰাৰ দিশত এক বৃহৎ পদক্ষেপ লোৱাৰ ঐতিহাসিক সুযোগ প্ৰদান কৰে।

এছ ডি জিৰ দিশত অগ্ৰগতি ত্বৰান্বিত কৰাৰ বাবে সামগ্ৰিক ডিজিটেল পৰিৱৰ্তনৰ প্ৰয়োজন। কেইবাখনো জি-২০ দেশৰ অভিজ্ঞতাই প্ৰদৰ্শন কৰিছে যে কৃত্ৰিম বুদ্ধিমত্তাৰ (এআই) দ্বাৰা বৃদ্ধি কৰা সু-পৰিকল্পিত ডিজিটেল ৰাজহুৱা আন্তঃগাঁথনি (ডিপিআই)য়ে বিকাশৰ বাবে তথ্য ব্যৱহাৰ কৰা, নতুন নিয়োগৰ সৃষ্টি কৰা আৰু উন্নত স্বাস্থ্য তথা শিক্ষাৰ ফলাফল প্ৰদান কৰাত সফলতা অৰ্জন কৰিব পাৰে। জি-২০ দেশসমূহৰ দ্বাৰা নাগৰিকসকলৰ জীৱনক আমূল পৰিবৰ্তন কৰাৰ সম্ভাৱনা আছে, যাৰ দ্বাৰা জীৱন্ত গণতান্ত্ৰিক নীতিৰ ওপৰত তেওঁলোকৰ বিশ্বাস পুনৰ নৱীকৰণ কৰা হ’ব। এই সন্দৰ্ভত, আমি ভৱিষ্যতৰ ৰাষ্ট্ৰসংঘৰ সন্মিলনত গ্লোবেল ডিজিটেল কম্পেক্ট গ্ৰহণৰ কথা স্মৰণ কৰিছো। আমি ২০২৪ চনত ইজিপ্তৰ কাইৰোত অনুষ্ঠিত হোৱা গোলকীয় ডিপিআই সন্মিলনকো স্বাগতম জনাইছো।

নিয়োগ সৃষ্টিৰ সৈতে বিকাশৰ লাভালাভ কেৱল তেতিয়াহে মুক্ত কৰিব পাৰি, যেতিয়া প্ৰযুক্তিগত প্ৰণালীবোৰে প্ৰতিজন নাগৰিকৰ ওপৰত গুৰুত্ব দিয়ে, যাৰ ফলত ক্ষুদ্ৰ আৰু বৃহৎ ব্যৱসায়বোৰে পৰিয়াল তথা চুবুৰীয়াৰ জীৱিকা উন্নত কৰিবলৈ তেওঁলোকৰ সৈতে সংযোগ স্থাপন কৰিব পাৰে। এনেকুৱা প্ৰণালীবোৰৰ অন্তৰ্ভুক্তিকৰণ, বিকাশমুখী, সুৰক্ষিত আৰু ব্যক্তিৰ গোপনীয়তাক সন্মান কৰাৰ বাবে প্ৰস্তুত কৰিলে এনে হয়। বজাৰত মুক্ত, মডুলাৰ, আন্তঃকাৰ্যক্ষম আৰু পৰিমাপযোগ্য উমৈহতীয়া আৰ্হিৰ নীতি অনুসৰণ কৰা প্ৰণালীবোৰ ব্যক্তিগত খণ্ডই ই-কমাৰ্চ, স্বাস্থ্য, শিক্ষা আৰু বিত্তৰ দৰে বিভিন্ন খণ্ডত সেৱা আগবঢ়াই প্ৰযুক্তিগত প্ৰণালী আৰু পৰস্পৰৰ সৈতে সংযোগ কৰিবলৈ সক্ষম কৰে। সময়ৰ লগে লগে জনসংখ্যা বৃদ্ধি হোৱাৰ ফলত আৰু যেতিয়া ৰাষ্ট্ৰীয় প্ৰয়োজনীয়তা সলনি হয়, প্ৰণালীবোৰ নিৰ্বিঘ্নে খাপ খায়।

সময়ৰ লগে লগে প্ৰযুক্তিৰ এক নিৰৱচ্ছিন্ন পৰিবৰ্তনৰ কাৰণে বজাৰ অংশগ্ৰহণকাৰীসকলৰ বাবে সমস্তৰৰ কৰ্মভূমি সৃষ্টি কৰিবলৈ আৰু ডিজিটেল ৰাজহুৱা আন্তঃগাঁথনি, কৃত্ৰিম বুদ্ধিমত্তা তথা বিকাশৰ বাবে তথ্য সংৰক্ষণ আৰু প্ৰসাৰৰ বাবে এক প্ৰযুক্তিগত নিৰপেক্ষ দৃষ্টিভংগী অনুসৰণ কৰা প্ৰয়োজন। এই পদ্ধতি অধিক প্ৰতিযোগিতা আৰু উদ্ভাৱনক সমৰ্থন কৰাৰ বাবে আৰু ব্যাপক অৰ্থনৈতিক বিকাশক উৎসাহিত কৰা তথা ডিজিটেল অৰ্থনীতিত অসমতা হ্ৰাস কৰাৰ বাবে অনুকূল।

এই নিযুক্তিৰ মূল চাবিকাঠি হৈছে তথ্য সুৰক্ষা আৰু ব্যৱস্থাপনা, গোপনীয়তা আৰু সুৰক্ষাৰ মোকাবিলা কৰাৰ অৰ্থে তথ্য প্ৰশাসনৰ ন্যায্য আৰু ন্যায়সংগত নীতি স্থাপন কৰা, বজাৰ অংশগ্ৰহণকাৰীসকলক বৌদ্ধিক সম্পত্তিৰ অধিকাৰ আৰু তেওঁলোকৰ গোপনীয় তথ্যৰ সুৰক্ষা প্ৰদান কৰা।

বিশ্বাস হৈছে বেছিভাগ সমৃদ্ধ গণতন্ত্ৰ আৰু প্ৰযুক্তিগত প্ৰণালীৰ বাবে আধাৰশিলা। এই প্ৰণালীবোৰৰ ওপৰত জনসাধাৰণৰ বিশ্বাস গঢ়ি তুলিবলৈ স্বচ্ছতা, নাগৰিকৰ অধিকাৰক সন্মান কৰাৰ বাবে উপযুক্ত সুৰক্ষা আৰু তেওঁলোকৰ শাসনত নিৰপেক্ষতাৰ প্ৰয়োজন। এই কাৰণে বিভিন্ন প্ৰতিনিধিত্বমূলক ডাটা ছেটৰ ওপৰত প্ৰশিক্ষণপ্ৰাপ্ত ফাউণ্ডেচন আৰু ফ্ৰণ্টিয়াৰ, কৃত্ৰিম বুদ্ধিমত্তা মডেলবোৰৰ ভাষা আৰু সংস্কৃতিৰ বৈচিত্ৰ্যৰ বিষয়ে জ্ঞাত হ’বলৈ অত্যাৱশ্যকীয়, যাতে সেইবোৰে সমগ্ৰ বিশ্বৰ বিভিন্ন সমাজক লাভান্বিত কৰে।