Monday, November 23 2026 | 03:38:59 AM
Breaking News

मलाबार ग्रुपच्या ३४ व्या स्थापना दिनानिमित्त सांगलीत स्वच्छता अभियानाचे आयोजन

Connect us on:

सांगली : मलाबार ग्रुपच्या ३४ व्या स्थापना दिनानिमित्त देशभरात आयोजित करण्यात आलेल्या स्वच्छता अभियानांतर्गत मलाबार गोल्ड एंड डायमंड्सच्या सांगली शोरूमच्या वतीने छत्रपती शिवाजी महाराज स्टेडियम आणि आमराई उद्यान येथे स्वच्छता मोहीम राबविण्यात आली. महानगरपालिका व नगरपालिका यांच्या सहकार्याने या उपक्रमाचे आयोजन करण्यात आले होते.

या अभियानात मलाबार गोल्ड एंड डायमंड्सच्या व्यवस्थापनातील वरिष्ठ अधिकारी, शोरूम प्रमुख, कर्मचारी तसेच स्वच्छता कर्मचाऱ्यांनी उत्स्फूर्त सहभाग नोंदवला. सर्वांनी एकत्रितपणे स्वच्छता मोहिमेत सहभागी होत परिसर स्वच्छ ठेवण्याचा संदेश दिला.

पर्यावरण, सामाजिक बांधिलकी आणि सुशासन (ESG) या तत्त्वांना प्रोत्साहन देण्याच्या उद्देशाने ग्रुपच्या वतीने या महाअभियानाचे आयोजन करण्यात आले होते. देशभरातील मलाबार ग्रुपच्या ९,००० हून अधिक कर्मचाऱ्यांनी या स्वच्छता अभियानात सहभाग घेतला.

यावेळी मलाबार ग्रुपचे अध्यक्ष एम. पी. अहमद म्हणाले, “पर्यावरणाप्रती जबाबदारी, सामाजिक बांधिलकी, पारदर्शकता आणि नैतिक व्यावसायिक प्रशासन या मूल्यांचा आपल्या व्यावसायिक कार्यपद्धतीत समावेश करून ESG तत्त्वांना अधिक बळकटी देण्यासाठी कंपनी कटिबद्ध आहे. पर्यावरण संवर्धनाच्या उपक्रमांतर्गत येत्या वर्षभरात देशभरात सुमारे १ लाख वृक्षांची लागवड करण्याचे ग्रुपचे उद्दिष्ट आहे.”

व्यावसायिक कार्यासोबतच मलाबार ग्रुप समाजाच्या सर्वांगीण विकासासाठी आणि विविध घटकांच्या जीवनमानात सकारात्मक बदल घडवून आणण्यासाठी सातत्याने सामाजिक उपक्रम राबवत आहे. यामध्ये ‘हंगर फ्री वर्ल्ड’ हा भूकमुक्ती उपक्रम, वंचित मुलांसाठी मायक्रो लर्निंग सेंटर्स, मुलींसाठी शिष्यवृत्ती योजना तसेच ज्येष्ठ महिलांसाठी ‘ग्रँडमा होम्स’ यांसारख्या महत्त्वपूर्ण उपक्रमांचा समावेश आहे. या उपक्रमांमधून सामाजिक उत्तरदायित्व आणि शाश्वत विकासाप्रती मलाबार ग्रुपची असलेली बांधिलकी अधोरेखित होते.

मलाबार गोल्ड एंड डायमंड्सविषयी
मलाबार गोल्ड एंड डायमंड्सची स्थापना १९९३ मध्ये झाली असून, ही कंपनी मलाबार ग्रुपची प्रमुख कंपनी आहे. मलाबार ग्रुप हा भारतातील एक अग्रगण्य आणि विविध क्षेत्रांत कार्यरत असलेला व्यावसायिक समूह आहे. ९.४१ अब्ज अमेरिकी डॉलर्सच्या वार्षिक उलाढालीसह मलाबार गोल्ड एंड डायमंड्स ही जागतिक स्तरावरील चौथ्या क्रमांकाची सर्वात मोठी ज्वेलरी रिटेल कंपनी आहे.

सध्या कंपनीची १४ देशांमध्ये ४५० हून अधिक शोरूम्सचे विस्तृत रिटेल नेटवर्क आहे. भारत, मध्य पूर्व, दक्षिण पूर्व आणि पूर्व आशिया, अमेरिका, ब्रिटन, कॅनडा, ऑस्ट्रेलिया आणि न्यूझीलंड या देशांमध्ये कंपनीची कार्यालये, डिझाइन सेंटर्स, घाऊक विक्री केंद्रे आणि उत्पादन सुविधा कार्यरत आहेत. ३,५०० हून अधिक भागधारकांच्या मालकीच्या या ग्रुपमध्ये २६ हून अधिक देशांतील ३०,००० पेक्षा जास्त व्यावसायिक कार्यरत असून, त्यांच्या योगदानातून ग्रुपच्या सातत्यपूर्ण प्रगतीला चालना मिळत आहे.

Featured Article

About Matribhumi Samachar

Check Also

मन बनवा आणि त्वरित कर्ज मिळवा: ॲक्सिस बँकेकडून कार आणि दुचाकी ग्राहकांसाठी अवघ्या 30 मिनिटांत कर्ज वितरणाची सुविधा सुरू

नागपूर, नोव्हेंबर 2026: भारतातील आघाडीच्या खासगी क्षेत्रातील बँकांपैकी एक असलेल्या ॲक्सिस बँकेने कार आणि दुचाकी …