இந்தியாவில் பள்ளிக் கல்வியின் தரம், முன்னேறி வருகிறது – திரு தர்மேந்திர பிரதான்

கடந்த பத்தாண்டுகளில், இந்த அரசின் தலைமையின் கீழ் இந்தியாவின் பள்ளிக் கல்வி முன்னெப்போதும் இல்லாத வளர்ச்சியையும் மாற்றத்தையும் கண்டுள்ளது. பள்ளி உள்கட்டமைப்பு மற்றும் டிஜிட்டல் உள்ளடக்கம் ஆகியவற்றில் ஏற்பட்டுள்ள முன்னேற்றம் முதல் பெண் சக்திக்கு அதிகாரமளித்தல்,இந்திய மொழிகளை ஊக்குவித்தல் என்பதுவரை, ஒவ்வொரு முயற்சியும் தரம், சமத்துவம் மற்றும் முழுமையான வளர்ச்சிக்கான உறுதிப்பாட்டால் மேற்கொள்ளப்படுகிறது என்று திரு தர்மேந்திர பிரதான் புதுதில்லியில் இன்று செய்தியாளர் கூட்டத்தில் தெரிவித்தார். நமது பள்ளிகள் கற்றல் மையங்களாக மட்டுமின்றி, நாட்டில் உள்ள ஒவ்வொரு குழந்தைக்கும் வாய்ப்பு, திறன் மற்றும் அதிகாரமளித்தல் ஆகியவற்றை வழங்கும் இடமாகவும் உள்ளது என்று திரு பிரதான் கூறினார்.

அரசின் முயற்சிகள், பள்ளி உள்கட்டமைப்பில் குறிப்பிடத்தக்க முன்னேற்றங்களுக்கு வழிவகுத்துள்ளன:

மின்சாரப் பயன்பாடு 53 சதவீதத்திலிருந்து 91.8 சதவீதமாக அதிகரித்துள்ளது.

கணினிகளுக்கான அணுகல் 24.1%-லிருந்து 57.2% ஆகவும், இணைய வசதிகள் பயன்பாடு 7.3%-லிருந்து 53.9% ஆகவும் அதிகரித்துள்ளன.

குடிநீர் கிடைப்பது 83.2% முதல் 98.3% ஆகவும், கை கழுவுதல் வசதிகள் 43.1%-லிருந்து 94.7% ஆகவும் உயர்ந்துள்ளன.

விளையாட்டு மைதானங்கள் 66.9 சதவீதத்தில் இருந்து 82.4 சதவீதமாக உயர்ந்துள்ளது.

நூலக வசதிகள் 76.4%-லிருந்து 89% ஆக விரிவடைந்துள்ளன.

மழைநீர் சேகரிப்பு வசதிகள் 4.2 சதவீதத்தில் இருந்து 28.4 சதவீதமாக உயர்ந்துள்ளன.

2013-14 ஆம் ஆண்டில் ரூ.10,780 ஆக இருந்த ஒரு குழந்தைக்கான செலவு 130%-க்கும் அதிகமாக அதிகரித்துள்ளது. இது 2021-22 ஆம் ஆண்டில் ரூ.25,043 ஆக உயர்ந்துள்ளது.

ஒன்று மற்றும் இரண்டாம் வகுப்புகளுக்கான பாடப்புத்தகங்கள் தற்போது 23 இந்திய மொழிகளில் கிடைக்கின்றன.

தீக்ஷா தளத்தில் 126 இந்திய மொழிகள் மற்றும் 7 வெளிநாட்டு மொழிகளில் பன்மொழி மின்-உள்ளடக்கம் உருவாக்கப்பட்டுள்ளது.

பிரத்யேக கல்வி சேனல்கள் தொடங்கப்பட்டுள்ளன:

29 ஜூலை 2024 அன்று தமிழ் மொழி சேனல் ஒன்று தொடங்கப்பட்டது.

வயது வந்தோர் கல்விக்கான உல்லாஸ்(ULLAS) சேனல் 8 செப்டம்பர் 2024 அன்று துவங்கப்பட்டது.

பத்தாம் வகுப்பில் அதிக மதிப்பெண் பெறும் மாணவர்களின் எண்ணிக்கை 64% அதிகரித்துள்ளது.

பன்னிரெண்டாம் வகுப்பில் சிறப்பாக செயல்படும் மாணவர்களின் எண்ணிக்கை 66% அதிகரித்துள்ளது.

கல்வியில் பெண்கள் ஒரு உந்து சக்தியாக உருவெடுத்துள்ளனர்:

2014 முதல் பெண் ஆசிரியர்களின் எண்ணிக்கை 30% க்கும் அதிகமாக அதிகரித்துள்ளது.

2014 மற்றும் 2024 க்கு இடையில் ஆட்சேர்ப்பு செய்யப்பட்ட ஆசிரியர்களில் 61% க்கும் அதிகமானோர் பெண்கள்.

பெண் ஆசிரியர்கள் இப்போது ஆண் ஆசிரியர்களை விட கணிசமாக உள்ளனர்.

நவோதயா பள்ளிகளில் கிராமப்புற மாணவர்களின் பிரதிநிதித்துவம் 2014-ல் 78% ஆக இருந்தது 2024-ல் 90% ஆக அதிகரித்துள்ளது.

27% ஓபிசி இடஒதுக்கீடு 2021-ல் அறிமுகப்படுத்தப்பட்டது. இதன் பிரதிநிதித்துவம் நவோதயா பள்ளிகளில் 38.83% மற்றும் கேந்திர வித்யாலயா பள்ளிகளில்  29.33% ஐயும் எட்டியுள்ளது து.

கேந்திரிய மற்றும் நவோதயா பள்ளிகளின் எண்ணிக்கை 1,701 லிருந்து 1,943 பள்ளிகளாக உயர்ந்துள்ளது.

நீட் தேர்வில் 45 ஆயிரத்துக்கும் மேற்பட்ட மாணவர்கள் தேர்ச்சி பெற்றனர்.

10,000-க்கும் மேற்பட்ட மாணவர்கள் ஐஐடி ஜேஇஇ முதன்மை தேர்வுகளில் தேர்ச்சி பெற்றனர். 2,000+ மாணவர்கள் ஐஐடி க்களில் சேர்க்கை பெற்றனர்.

சிபிஎஸ்இ பாடத்திட்ட அனுமதி பெற்ற பள்ளிகளின் எண்ணிக்கை இரு மடங்காக அதிகரித்துள்ளது, 2014 இல் 14,974 ஆக இருந்து 2024 இல் 30,415 ஆக அதிகரித்துள்ளது.

தொழிற்கல்வி கணிசமாக விரிவுபடுத்தப்பட்டுள்ளது:

தொழிற்கல்வி வழங்கும் பள்ளிகள் 2014 இல் 960 ஆக இருந்து 2024 இல் 29,342 ஆக உயர்ந்துள்ளன.

திறன் கல்வியில் மாணவர் சேர்க்கை 2014-ல் 58,720 ஆக இருந்தது, 2024-ல் 30.8 லட்சத்திற்கும் அதிகமாக உயர்ந்துள்ளது.

பள்ளி நிர்வாகத்தில் டிஜிட்டல் சீர்திருத்தங்களை அரசு கொண்டு வந்துள்ளது:

சேர்க்கை, இடமாற்றம் மற்றும் சிபிஎஸ்இ இணைப்பு செயல்முறைகள் இப்போது முழுமையாக ஆன்லைனில் உள்ளன.

கேந்திர வித்யாலயா, நவோதயா மற்றும் சிபிஎஸ்இ  ஆகியவை 100% இ-அலுவலக தளங்களில் இயங்குகின்றன.

15 வகுப்புகளில் 7 வகுப்புகளுக்கு புதிய பாடப்புத்தகங்கள் கிடைக்க ஏற்பாடு செய்யப்பட்டுள்ளது, அடுத்த கல்வியாண்டில் மேலும் 4 வகுப்புகளுக்கு பாடப்புத்தகங்கள் வெளிவருகின்றன.

என்.சி.இ.ஆர்.டி.யின் வருடாந்திர பாடநூல் அச்சிடுதல் தேவையை பூர்த்தி செய்ய 5 கோடியிலிருந்து 15 கோடியாக புத்தகங்கள் அச்சிடுவது விரிவடைந்துள்ளது.

அனைத்து பட்டியலிடப்பட்ட இந்திய மொழிகளிலும் பாடப்புத்தகங்கள் தயாரிக்கப்பட்டு ஆன்லைன் தளங்கள் மூலம் கிடைக்கின்றன.

பிரதமர் ஊட்டச்சத்து திட்டத்துக்கான மத்திய அரசின் முதலீடு கணிசமாக வளர்ந்துள்ளது:

2014-2024 வரை ரூ.1.04 லட்சம் கோடிக்கு மேல் ஒதுக்கப்பட்டது, இது முந்தைய தசாப்தத்தில் ரூ.71,525 கோடியாக இருந்தது.

ஆரம்ப மற்றும் பால்வாடிகா வகுப்புகளுக்கு உணவுக்கான பொருள் செலவு ஒரு மாணவருக்கு ரூ .5.45 லிருந்து ரூ .6.19 ஆக 13.7% உயர்த்தப்பட்டது. 01.12.24 முதல் நடுநிலை வகுப்புகளுக்கு ரூ.8.17லிருந்து ரூ.9.29 ஆக உயர்த்தப்பட்டுள்ளது.

இந்த உயர்வின் காரணமாக 24-25 நிதியாண்டில் ரூ.425.62 கோடி கூடுதல் செலவை மத்திய அரசு ஏற்கும்.