நகரக் கூட்டுறவு வங்கிகளின் ஒருங்கிணைந்த அமைப்பு

நகரக் கூட்டுறவு வங்கிகள் சந்தித்து வரும் இடர்ப்பாடுகளைக் களைவதற்கு  ஓர் அமைப்பை நிறுவ வேண்டிய அவசியம் உணரப்பட்டது. நகரக் கூட்டுறவு வங்கிகள் துண்டு துண்டான, ஒருங்கிணைக்கப்படாத சூழலில் செயல்படுகின்றன. அவற்றின் வளர்ச்சி, நிலைத்தன்மை மற்றும் போட்டித்தன்மையை இந்த நிலைமைகள்  தடுக்கின்றன. ஒழுங்குமுறை தெளிவின்மை, செயல்பாட்டு திறமையின்மை, வளங்கள் மற்றும் நிபுணத்துவத்திற்கான மட்டுப்படுத்தப்பட்ட அணுகல் ஆகியவை பல நகரக் கூட்டுறவு வங்கிகளை நிதி உறுதியின்மை, மோசமான நிர்வாகம் மற்றும் சந்தை அழுத்தங்களுக்கு பாதிக்கப்படக்கூடியதாக ஆக்கின.

நகரக் கூட்டுறவு வங்கிகளின் இடர்ப்பாடுகளைக் களைவதற்காக தேசிய நகர்ப்புற கூட்டுறவு நிதி மற்றும் வளர்ச்சிக் கழகம் என்ற ஒருங்கிணைப்பு  அமைப்பு நிறுவப்பட்டுள்ளது. இதன் பங்குதாரர்கள்-உறுப்பினர்களாக உள்ள நகரக் கூட்டுறவு வங்கிகளுக்கு நிதி அடிப்படையிலான ஆதரவு மற்றும் நிதி அல்லாத சேவைகளை வழங்க திட்டமிடப்பட்டுள்ளது.

விதிமுறைகள் மற்றும் வழிகாட்டுதல்கள், விதிமுறைகள் மற்றும் நிபந்தனைகளின்படி நகர்ப்புற கூட்டுறவு வங்கிகளுக்கு மூலதன ஆதரவு. தற்காலிக பணப்புழக்க பொருத்தமின்மையை சமாளிக்க உதவும் வகையில் நகர்ப்புற கூட்டுறவு வங்கிகளுக்கு  தகுதி அடிப்படையில் பாதுகாக்கப்பட்ட கடன்கள்; நகர்ப்புற கூட்டுறவு வங்கிகளுக்கு  அவற்றின் கடன்களுக்கு எதிராக மறு நிதியளித்தல்; கடினமான காலங்களில் நகர்ப்புற கூட்டுறவு வங்கிகளுக்கு  உதவ அவசரகால பணப்புழக்க ஆதரவுக்கான சாளரம்; நகர்ப்புற கூட்டுறவு வங்கிகள் மற்றும் நிதி நிறுவனங்களிடமிருந்து வைப்புத்தொகைகள் மற்றும் கடன்கள்; சந்தைக் கடன்கள்; முதலீடுகள் ஆகியவை நிதி அடிப்படையிலான ஆதரவில் அடங்கும்

தேசிய நகர்ப்புற கூட்டுறவு நிதி மற்றும் வளர்ச்சிக் கழகம்  ரூ.117.95 கோடி செலுத்தப்பட்ட மூலதனத்தைத் திரட்டிய பின் 8 பிப்ரவரி 2024 அன்று ரிசர்வ் வங்கியிடமிருந்து பதிவு பெற்றுள்ளது. ரிசர்வ் வங்கி ஒப்புதலின்படி, யூ .ஓ என்பது சுய ஒழுங்குமுறை அமைப்பாக செயல்படும். அதன் செயல்பாடுகள் ரிசர்வ் வங்கியால் பரிந்துரைக்கப்பட்டபடி இருக்கும். இருப்பினும், தேசிய நகர்ப்புற கூட்டுறவு நிதி மற்றும் வளர்ச்சிக் கழகம்  ரிசர்வ் வங்கியால் பதிவு செய்யப்பட்ட நாளிலிருந்து ஒரு வருடத்திற்குள், அதாவது 7 பிப்ரவரி, 2025 வரை ரூ .300 கோடி செலுத்தப்பட்ட மூலதனத்தை அடைய வேண்டும்.

மாநிலங்களவையில் கேள்வி ஒன்றுக்கு எழுத்து மூலம் அளித்த பதிலில் கூட்டுறவுத் துறை அமைச்சர் திரு அமித் ஷா இதனைத் தெரிவித்தார்.