சென்னையின் ஆதம்பாக்கத்தில் சிஹ்சி ஃபார்மசி, ஐந்தாவது கிளை ‘மினி’ வடிவில் தொடக்கம்

சென்னை, 20 மே 2026

ஹெல்த்வாட்ச் டெலிடயக்னாஸ்டிக்ஸ் நிறுவனத்தின் ஒரு அங்கமான சிஹ்சி ஃபார்மசி, சென்னையின் ஆதம்பாக்கம் பகுதியில் புதன்கிழமையன்று(மே 20) தனது ஐந்தாவது கிளையை ‘சிஹ்சி ஃபார்மசி மினி’ என்ற பெயரில் தொடங்கியுள்ளது. இந்த புதிய கிளையை நிறுவனத்தின் இயக்குநரும் முதன்மை நிதி அதிகாரியுமான சிஏ ஜெயஸ்ரீ காண்டிபன், நிறுவனத்தின் மூத்த தலைவர்கள், பணியாளர்கள் மற்றும் நல்விரும்பிகள் முன்னிலையில் திறந்து வைத்தார். இது சென்னையில் சிஹ்சி ஃபார்மசியின் அதிவேக வளர்ச்சிப் பயணத்தில் மற்றுமொரு முக்கிய மைல்கல்லாகும்.

நிகழ்ச்சியில் பேசிய திருமதி ஜெயஸ்ரீ காண்டிபன், “ஆதம்பாக்கத்தில் தொடங்கப்பட்டுள்ள இந்த சிஹ்சி ஃபார்மசி மினி கிளை, அடுத்த கட்ட மருத்துவ வசதிகளை மேலும் பல மக்களுக்குக் கொண்டு சேர்க்கும் எங்களது லட்சியப் பாதையின் மற்றுமொரு படியாகும். எங்களது முந்தைய கிளைகளுக்குக் கிடைத்த அதே அன்பும் ஆதரவும் இந்த புதிய கிளைக்கும் கிடைக்கும் என்று நம்புகிறேன்” என்றார். இந்த நிகழ்வில் பங்கேற்ற நிறுவனத்தின் செயல்பாட்டுப் பிரிவுத் துணைத் தலைவர் பி. ஆனந்தகிருஷ்ணன் பேசுகையில், “ஆதம்பாக்கம் பகுதி மக்களுக்கு இந்தச் சிறந்த சேவையை விரைவாகக் கொண்டு சேர்க்க நாங்கள் கடுமையாக உழைத்துள்ளோம். எங்களது அர்ப்பணிப்பு மற்றும் துல்லியமான சேவையுடன் மக்களுக்கு உதவ நாங்கள் தயாராகவும் ஆவலோடும் இருக்கிறோம்” என்று குறிப்பிட்டார்.

இந்த புதிய கிளை, சென்னையின் மருத்துவத் துறையில் மட்டுமல்லாமல், சிஹ்சி ஃபார்மசி ஏற்கனவே நம்பிக்கை, வசதி மற்றும் மக்கள் நலனுக்கான மருத்துவ சேவை ஆகியவற்றின் மூலம் நல்ல பெயர் பெற்றுள்ள உள்ளூர் குடியிருப்புப் பகுதிகளிலும் தனது இருப்பை மேலும் வலுப்படுத்தியுள்ளது. சிஹ்சி ஃபார்மசி நிறுவனம் இதற்கு முன்பு மேற்கு மாம்பலம், வளசரவாக்கம், முகப்பேர் மேற்கு மற்றும் விருகம்பாக்கம் ஆகிய இடங்களில் தனது கிளைகளைத் தொடங்கியிருந்தது நினைவுகூரத்தக்கது. தற்போது ஆதம்பாக்கத்தில் தொடங்கப்பட்டுள்ள கிளை, பெரும் வரவேற்பைப் பெற்று வரும் ‘சிஹ்சி ஃபார்மசி மினி’ வடிவத்தின் கீழ் இணைந்துள்ளது. இந்தத் தனித்துவமான வடிவத்தின் மூலம், வாடிக்கையாளர்கள் மருந்துகள், நல்வாழ்வுப் பொருட்கள் மற்றும் அத்தியாவசிய மருத்துவப் பொருட்களைக் கடையிலேயே பெற்றுக் கொள்ளலாம்; அதே சமயம், கிளினிக் செல்ல வேண்டிய அவசியம் இல்லாமல் அனைத்து மருத்துவச் சேவைகளையும் தங்களது வீட்டிலேயே பிரத்யேகமாகப் பெற்றுக் கொள்ள முடியும்.

இது குறித்து நிறுவனத்தின் நிறுவனரும் முதன்மைச் செயல் அதிகாரியுமான டாக்டர் எஸ். செந்தில் காண்டிபன் விளக்குகையில், “இன்றைய குடும்பங்களின் மாறிவரும் தேவைகளை மையமாகக் கொண்டே சிஹ்சி ஃபார்மசி மினி உருவாக்கப்பட்டுள்ளது. வாடிக்கையாளர்கள் தங்களுக்கு அருகிலேயே வேகமான, வசதியான மற்றும் நம்பகமான மருத்துவ ஆதரவை எதிர்பார்க்கிறார்கள். இந்த புதிய வடிவத்தின் மூலம், உயர்தர மருந்துகள், நல்வாழ்வுப் பொருட்கள், அத்தியாவசிய மருத்துவப் பொருட்கள் மற்றும் எங்களது புதிய பிராண்டான ‘சிஹ்சி ஃபார்ம்அஷ்யூர்’ மூலமாக சான்றளிக்கப்பட்ட இயற்கை தயாரிப்புகளையும் நாங்கள் வழங்குகிறோம். இவற்றுடன் பல்வேறு மருத்துவச் சேவைகளையும் நேரடியாக மக்களின் வீடுகளுக்கே கொண்டு சேர்ப்பதன் மூலம் சிறந்த வசதியையும் எளிமையான அணுகலையும் எங்களால் வழங்க முடிகிறது” என்று கூறினார்.

வழக்கம் போல், சிஹ்சி ஃபார்மசி தனது விரைவான ஹோம் டெலிவரி சேவைகள், கூடுதல் நேரச் செயல்பாடுகள் மற்றும் தனிப்பயனாக்கப்பட்ட வாடிக்கையாளர் ஆதரவைத் தொடர்ந்து வழங்குகிறது. மேலும், இந்நிறுவனம் ‘மாற்று மருந்துகள் இல்லை’ என்ற கடுமையான கொள்கையைப் பின்பற்றுகிறது. இதன் மூலம், மருத்துவர்கள் பரிந்துரைக்கும் மருந்துகள் எந்த மாற்றமும் இன்றி, அப்படியே துல்லியமாக வாடிக்கையாளர்களுக்கு வழங்கப்படுவது உறுதி செய்யப்படுகிறது. நம்பகத்தன்மை, வெளிப்படைத்தன்மை மற்றும் நேர்மையான மருத்துவ நடைமுறைகளுக்கான இந்த அர்ப்பணிப்பே, இந்த பிராண்ட் மிக விரைவாக மக்களிடையே வரவேற்பைப் பெற்று வளர்வதற்குக் முக்கியக் காரணமாக அமைந்துள்ளது.

இது தவிர, நோய் கண்டறிதல் , இதயக் கண்காணிப்பு , இரத்தப் பரிசோதனைகள், பிசியோதெரபி, மருத்துவர் ஆலோசனைகள், நர்சிங் பராமரிப்பு மற்றும் வீட்டு மருத்துவ ஆதரவு உள்ளிட்ட பல்வேறு சேவைகளின் மூலம் தனது ஒருங்கிணைந்த மருத்துவக் கட்டமைப்பை இந்நிறுவனம் தொடர்ந்து வலுப்படுத்தி வருகிறது. இறுதியாகப் பேசிய டாக்டர் காண்டிபன், “எங்களைப் பொறுத்தவரை, மருத்துவம் என்பது நம்பிக்கை, எளிதான அணுகல் மற்றும் நாங்கள் சேவை செய்யும் மக்களுடன் நீண்டகால உறவை வளர்ப்பது பற்றியதாகும். ஒவ்வொரு புதிய கிளையும், குடும்பங்களுக்கு ஒரு நம்பகமான மருத்துவப் பங்காளியாக மாற வேண்டும் மற்றும் தரமான மருத்துவ வசதி வீட்டிற்கு அருகிலேயே கிடைப்பதை உறுதி செய்ய வேண்டும் என்ற எங்களது அர்ப்பணிப்பையே காட்டுகிறது” என்று கூறி முடித்தார்.

பொதுமக்கள் தங்களின் தேவைகளுக்கு, ‘எண் 68 (தரைத்தளம்), 1வது மெயின் ரோடு, மகாலட்சுமி நகர், ஆதம்பாக்கம், சென்னை – 600088’ என்ற முகவரியில் அமைந்துள்ள சிஹ்சி ஃபார்மசி மினி கிளையை நேரடியாகத் தொடர்பு கொள்ளலாம். மேலும், மருந்துகளை ஆர்டர் செய்யவும், விபரங்களை அறியவும் மற்றும் மருத்துவச் சேவைகளைப் பெறவும் 7430033003 என்ற எண்ணிற்கு அழைக்கலாம் அல்லது www.chcpharmacy.com என்ற இணையதளத்தைப் பார்வையிடலாம்.

Featured Article