வறுமைக் கோட்டிற்கு கீழ் உள்ள கிராமப்புற ஏழை இளைஞர்களுக்கு பயிற்சி அளிக்க வங்கிகளால் ஊரக சுயவேலைவாய்ப்பு பயிற்சி நிறுவனங்கள் நடத்தப்பட்டு வருகின்றன. இந்நிறுவனங்கள் உள்ளூர் தேவைகள் மற்றும் இளைஞர்கள் நலன்களின் அடிப்படையில் ஆண்டு செயல் திட்டத்தை உருவாக்குகின்றன. தொழிற்கல்வி மற்றும் பயிற்சிக்கான தேசிய கவுன்சில், ஊரக மேம்பாட்டு அமைச்சகம் ஆகியவற்றால் 64 அங்கீகரிக்கப்பட்ட பயிற்சித் திட்டங்கள் உள்ளன, மேலும் பயிற்சி பெற  விரும்புவோர் தங்களுக்கு விருப்பமான திட்டத்தை தேர்வு செய்யலாம். இத்திட்டத்தின் கீழ் பிரிவு வாரியாக …

கிராமப்புறப் பகுதிகளில் “அனைவருக்கும் வீடு” என்ற நோக்கத்தை நிறைவு செய்யும் வகையில், அடிப்படை வசதிகளுடன் கூடிய உறுதியான வீடுகளைக் கட்டுவதற்கு தகுதி வாய்ந்த கிராமப்புற குடும்பங்களுக்கு நிதியுதவி அளிப்பதற்காக, 2016 ஏப்ரல் 1 முதல் பிரதமரின் கிராமப்புற வீட்டுவசதித் திட்டத்தை ஊரக மேம்பாட்டு அமைச்சகம் செயல்படுத்தி வருகிறது. இத்திட்டத்தின் கீழ், ஆரம்ப இலக்கு என்பது 2016-17 முதல் 2023-24 வரையிலான காலகட்டத்தில் 2.95 கோடி வீடுகளைக் கட்டுவதாகும். 2024-25 முதல் 2028-29 நிதியாண்டு வரை மேலும் 5 ஆண்டுகளுக்கு இத்திட்டத்தை செயல்படுத்த மத்திய அரசு ஒப்புதல் அளித்துள்ளது.   மத்திய அரசின் ஒப்புதலின்படி, இத்திட்டத்தின் கீழ் கூடுதல் …

உலகக் கழிப்பறை தினத்தன்று (நவம்பர் 19) தொடங்கப்பட்ட “நமது கழிப்பறை – நமது கெளரவம் ” இயக்கம், கண்ணியம் மற்றும் மனித உரிமைகளுடன் சுகாதாரத்தை சீரமைக்கும் மனித உரிமைகள் தினத்தன்று  (டிசம்பர் 10) முடிவடைந்தது. ஜல் சக்தி அமைச்சகத்தின் குடிநீர் மற்றும் துப்புரவு துறையால் ஏற்பாடு செய்யப்பட்ட இந்த மூன்று வார கால இயக்கத்தில் நாடு முழுவதும் உள்ள சமூகங்கள் பெருமளவில் பங்கேற்றன. இந்த இயக்கம் கெளரவம் மற்றும் பொறுப்பின் அம்சமாக சுகாதாரத்தை கவனத்திற்குக் கொண்டு வந்தது. மாநிலங்கள் மற்றும் யூனியன் பிரதேசங்களில் 50,500-க்கும் அதிகமான நிகழ்வுகள் நடத்தப்பட்டு, 38 லட்சத்திற்கும் அதிகமான மக்கள் பங்கேற்றதன் மூலம், நமது கழிப்பறை – நமது கெளரவம்  இயக்கம் குறிப்பிடத்தக்க மைல்கல்லை எட்டியது. தற்போதுள்ள சமூக சுகாதார வளாகங்களில் 70% க்கும் அதிகமானவற்றை உள்ளடக்கிய 1.54 லட்சத்துக்கும் அதிகமான சமூக சுகாதார வளாகங்கள் மதிப்பீடு செய்யப்பட்டு செயல்பாட்டிற்காக மேம்படுத்தப்பட்டன. 3.35 லட்சத்துக்கும் அதிகமான புதிய தனிநபர் இல்லக் கழிப்பறைகளுக்கு அனுமதி அளிக்கப்பட்டு, முக்கியமான சுகாதார இடைவெளி நிரப்பப்பட்டது. 600க்கும் அதிகமான கூட்டங்கள் நடத்தப்பட்டன. இயக்கத்தைத் தொடங்கி வைத்துப் பேசிய மத்திய ஜல் சக்தி அமைச்சர் திரு சி.ஆர்.பாட்டீல், “கழிப்பறை என்பது ஒரு வசதி மட்டுமல்ல; கண்ணியம், தூய்மை மற்றும் ஆரோக்கியத்தின் சின்னமாகவும் உள்ளது. உடல் சுகாதாரத்தை மட்டுமின்றி, மனம் மற்றும் சமூக மரியாதையையும் பிரதிபலிக்கும் வகையில், ஒவ்வொரு தனிநபருக்கும் கழிப்பறை உரிமை இருப்பதை உறுதி செய்வது நமது கூட்டு முயற்சியாகும். கழிப்பறைகளைப் பயன்படுத்துவது நோய்களிலிருந்து நம்மைப் பாதுகாப்பதுடன், நமது குழந்தைகளுக்கு ஆரோக்கியமான, பாதுகாப்பான எதிர்காலத்தை உறுதி செய்கிறது” என்றார். இந்த இயக்கம்  இந்தியாவின் துப்புரவு பயணத்தின் பன்முகத்தன்மையையும்  புதுமையையும்  நிரூபித்தது. ஏறத்தாழ அனைத்து மாநிலங்கள் / யூனியன் பிரதேசங்களும் ஆர்வத்துடன் பங்கேற்றன. இந்தியாவின் பல்வேறு பகுதிகளிலிருந்து மாற்றத்தின் கதைகள் பகிர்ந்து கொள்ளப்பட்டன. கர்நாடகா மற்றும் தமிழ்நாடு முழுவதும், பொது சேவை மையங்கள் மற்றும் தனிநபர் இல்லக் கழிப்பறைகளை அழகுபடுத்தியது சுகாதார உள்கட்டமைப்பை சமூக அடையாளங்களாக மாற்றியது. இந்த இயக்கத்தில் ஆளுநர்கள், மத்திய அமைச்சர்கள், நாடாளுமன்ற உறுப்பினர்கள், மாநில அமைச்சர்கள், எம்.எல்.ஏ.க்கள் மற்றும் பஞ்சாயத்து தலைவர்கள் தீவிரமாக ஈடுபட்டனர். இது கூட்டு நடவடிக்கையின் முக்கியத்துவத்தை அடிக்கோடிட்டுக் காட்டுகிறது. மாநில, மாவட்ட மற்றும் கிராம பஞ்சாயத்து நிலைகளில்  நீர் மற்றும் துப்புரவு குழுக்கள் செயல்படுத்தப்பட்டன. இது நீண்டகால பொறுப்புணர்வு மற்றும் நிலைத்தன்மையை உறுதி செய்தது. மனித உரிமைகள் தினத்தன்று நிறைவடைந்ததன் மூலம், நமது கழிப்பறை – நமது கெளரவம்  இயக்கம் துப்புரவுக்கும் அடிப்படை உரிமைகளுக்கும் இடையிலான உள்ளார்ந்த தொடர்பை எடுத்துக்காட்டுகிறது. செயல்பாட்டில் உள்ள, சுத்தமான கழிப்பறைகளுக்கான அணுகல் கண்ணியம், பாதுகாப்பு மற்றும் சமத்துவத்தை உறுதி செய்வதற்கு, குறிப்பாக பெண்கள் மற்றும் விளிம்பு நிலை சமூகங்களுக்கு முக்கியமானது. இயக்கம் இன்று முடிவடைந்த நிலையில், நம் முன்னால் உள்ள பணிக்கு இது ஓர் உறுதியான அடித்தளத்தை விட்டுச் செல்கிறது. முழுமையான சுகாதாரத்தை நோக்கிய நமது பயணம் நிறைவு பெறுவது வெகு தூரத்தில்  இல்லை என்பதை இந்த இயக்கத்தின் சாதனைகள் அடிக்கோடிட்டுக் காட்டுகின்றன.

மத்திய வீட்டுவசதி, நகர்ப்புற விவகாரங்கள் மற்றும் மின்சக்தித் துறை அமைச்சர் திரு மனோகர் லால் புதுதில்லியில் இன்று செய்தியாளர் கூட்டத்தில் நகர்ப்புறத் துறை முதலீடுகள் கணிசமாக அதிகரித்துள்ளதாகத் தெரிவித்துள்ளார். 2004-14-ம் ஆண்டில் சுமார் 1,78,053 கோடி ரூபாயாக இருந்த முதலீடுகள் 2014-ஆம்  ஆண்டு முதல் 16 மடங்கு அதிகரித்து இப்போது 28,52,527 கோடி ரூபாயாக உயர்ந்துள்ளது என்று தெரிவித்தார். இந்த அதிகரிப்பு 2047-ம் ஆண்டுக்குள் வளர்ச்சியடைந்த இந்தியா இலக்கை அடைவதற்கான அரசின் …

மேகாலயாவில் உள்ள இந்திய-பங்களாதேஷ் எல்லையின் மொத்த நீளம் 443 கி.மீ ஆகும். இதில்  367.155 கி.மீ நீளமானது சர்வதேச எல்லை வேலியால் அடைக்கப்பட்டுள்ளது. 19.759 கி.மீ தூரத்திற்கு வேலி  அமைக்கும்   பணி தற்போது நடைபெற்று   வருகிறது.   நிலம் கையகப்படுத்துதல், பங்களாதேஷ் எல்லை காவல்படை ஆட்சேபனைகள், வரையறுக்கப்பட்ட பணிக்காலம் மற்றும் மாநிலத்தில் நிலச்சரிவு / சதுப்பு நிலம் ஆகியவற்றுடன் வேலி   அமைக்கும் திட்டங்களின்    சாத்தியமான  பகுதிகளில் வேலி அமைத்து முடிப்பதில்   எதிர்கொள்ளும்  சவால்கள்  உள்ளன. கையடக்க தெர்மல் இமேஜர், இரவு பார்வை சாதனம், இரட்டை தொலைநோக்கி போன்ற தொழில்நுட்ப உபகரணங்களைப் பயன்படுத்துதல், நுண்ணறிவு அமைப்பு பயன்பாட்டை மேம்படுத்துதல் மற்றும் மாநில அரசுகள் / சம்பந்தப்பட்ட புலனாய்வு முகமைகளுடன் மேம்படுத்தப்பட்ட ஒருங்கிணைப்பு, கூடுதல் பணியாளர்களை பணியமர்த்துதல் ஆகியவற்றின் மூலம் சாத்தியமில்லாத பாதையிலும் எல்லைப் பாதுகாப்பு உறுதி செய்யப்படுகிறது. எல்லை பாதுகாப்பு மேலாண்மை மற்றும் எல்லை தாண்டிய பிரச்சினைகளைத் தணிப்பதற்கான ஒத்துழைப்பு தொடர்பான பிரச்சினைகள் எல்லை பாதுகாப்புப் படை மற்றும் பங்களாதேஷ் எல்லைக் காவலர் இடையே இயக்குநர் ஜெனரல் அளவிலான பேச்சுவார்த்தைகள் மற்றும் பாதுகாப்பு மற்றும் எல்லை உள்கட்டமைப்புக்கான கூட்டு பணிக்குழு போன்ற இருதரப்பு நிறுவன வழிமுறைகள் மூலம் பங்களாதேஷுடன் விவாதிக்கப்படுகின்றன. நடப்பு நிதியாண்டில் (நிதியாண்டு 2024-25), இந்தியா-பங்களாதேஷ் வேலி பணிகளுக்கான பட்ஜெட் ஒதுக்கீடு ரூ.299.58 கோடி ஆகும் . இதில் ரூ .19.54 கோடி மேகாலயாவுக்கான நிர்வாக முகமைகளுக்கு விடுவிக்கப்பட்டுள்ளது. மக்களவையில் கேள்வி ஒன்றுக்கு எழுத்து மூலம் அளித்த பதிலில் உள்துறை இணையமைச்சர் திரு நித்யானந்த் ராய் இதனைத் தெரிவித்தார்

மாநில காவல் படைகள் காவல் படைகளை நவீனமயமாக்குவது என்பது  நடைபெற்று வருகின்ற மற்றும் தொடர்ச்சியான செயல்முறையாகும். அரசியலமைப்பின் ஏழாவது அட்டவணையின்படி ‘காவல்படை’ மற்றும் ‘பொது ஒழுங்கு’ ஆகியவை மாநில விவகாரங்கள் ஆகும் .காவல்துறை உள்கட்டமைப்பை மேம்படுத்துவது மாநில அரசுகளின் பொறுப்பாகும். எனினும், மாநிலங்கள் தங்கள் காவல் படைகளை நவீனப்படுத்தவும், தளவாடங்களை மேம்படுத்தவும் மேற்கொள்ளும் முயற்சிகளுக்கு மத்திய அரசு “காவல்துறை நவீனமயமாக்கலுக்கான மாநிலங்கள் மற்றும் யூனியன் பிரதேசங்களுக்கு உதவி செய்தல்” என்ற திட்டத்தின் கீழ் உதவி புரிகிறது. தொடர்புடைய உள்கட்டமைப்பை மேம்படுத்துவதன் மூலம் மாநில/யூனியன் பிரதேச காவல் படைகளை போதுமான அளவு ஆயத்தப்படுத்துவதே இத்திட்டத்தின் நோக்கமாகும். அனைத்து மாநிலங்கள் மற்றும் யூனியன் பிரதேசங்களில் காவல் நிலையங்களை நிர்மாணிப்பதுடன், காவல் நிலையங்களுக்குத் தேவையான நவீன தொழில்நுட்பம், ஆயுதங்கள், தகவல் தொடர்பு சாதனங்கள் போன்றவற்றை வழங்குவதன் மூலம் காவல்துறை உள்கட்டமைப்பை அதிநவீன அளவில் வலுப்படுத்துவதே இத்திட்டத்தின் நோக்கமாகும். மேலும், குறிப்பிட்ட பகுதிகளுக்கு மட்டும், வீட்டுவசதி உள்ளிட்ட பிற காவல் உள்கட்டமைப்புகளை உருவாக்குவதும் இதில் அடங்கும். 2021-22-ம் ஆண்டு  முதல் 2025-26-ம் ஆண்டு வரையிலான ஐந்து ஆண்டுகளில் காவல்துறை நவீனமயமாக்கலுக்காக மாநிலங்கள் மற்றும் யூனியன் பிரதேசங்களுக்கு உதவி புரியும் திட்டத்தின் கீழ் மொத்தம் ரூ.4846 கோடி ஒதுக்க ஒப்புதல் அளிக்கப்பட்டுள்ளது. மத்திய காவல் படைகள் மத்திய ஆயுதக் காவல் படைகளுக்கு (அசாம் ரைபிள்ஸ், எல்லைப் பாதுகாப்புப் படை, மத்திய தொழில்துறை பாதுகாப்புப் படை), மத்திய ரிசர்வ் போலீஸ் படை, இந்தோ-திபெத்திய எல்லைக் காவல் படை, தேசிய பாதுகாப்புப் படை மற்றும் சஷஸ்திர  சீமா  பால்) 01.01.2022 முதல் 31.03.2026 வரையிலான காலத்திற்கு ரூ.1523 கோடி மொத்த நிதி ஒதுக்கீட்டில் நவீனமயமாக்கல் திட்டம்-4 க்கு ஒப்புதல் அளிக்கப்பட்டுள்ளது.  இந்த  திட்டத்தின் மூலம்  , எல்லைகளைப் பாதுகாத்தல் மற்றும் உள்நாட்டுப் பாதுகாப்பைப் பராமரித்தல் போன்ற முக்கியமான பணிகளைச் செய்ய உதவும் வகையில் மத்திய ஆயுதக் காவல் படையினருக்கு  நவீன   ஆயுதங்கள்,   கண்காணிப்பு   மற்றும்   தகவல் தொடர்பு  சாதனங்கள், சிறப்பு வாகனங்கள், பாதுகாப்பு கவசங்கள் போன்றவை அளிக்கப்பட்டுள்ளன. மக்களவையில் கேள்வி ஒன்றுக்கு எழுத்து மூலம் அளித்த பதிலில் உள்துறை இணையமைச்சர் திரு நித்யானந்த் ராய் இதனைத் தெரிவித்தார்.

‘இடதுசாரி தீவிரவாதத்தை எதிர்கொள்வதற்கான தேசிய கொள்கை மற்றும் செயல் திட்டத்தை’ மத்திய, மாநில அரசுகள் உறுதியாக அமல்படுத்தியதன் விளைவாக இடதுசாரி தீவிரவாதம் புவியியல் பரவல் மற்றும் வன்முறை ஆகிய இரண்டிலும் தொடர்ந்து குறைந்து வருகிறது. இடதுசாரி தீவிரவாதம் தொடர்பான வன்முறைகள் 2010-ம் ஆண்டுடன் ஒப்பிடும்போது 2023-ம் ஆண்டில் 73% குறைந்துள்ளது.  இதே  காலகட்டத்தில் இதன் விளைவாக ஏற்படும் இறப்புகளும்  (பொதுமக்கள் + பாதுகாப்புப் படையினர்) 86%  குறைந்துள்ளன.   நடப்பாண்டில்  (15.11.2024 வரை), 2023-ம் ஆண்டின் இதே காலகட்டத்துடன் ஒப்பிடும்போது இடதுசாரி தீவிரவாதத்தால் நிகழ்த்தப்பட்ட …

பேரிடர்  மேலாண்மைச் சட்டம்,  2005, பேரிடர்களை திறம்பட  நிர்வகிப்பதற்கான     சட்ட மற்றும்  நிறுவன  கட்டமைப்பை  வழங்குகிறது. தேசிய பேரிடர் மேலாண்மை ஆணையம் 2016-ம் ஆண்டில் தேசிய பேரிடர் மேலாண்மை திட்டத்தை  தயாரித்துள்ளது, அது 2019-ம் ஆண்டில் புதுப்பிக்கப்பட்டு திருத்தப்பட்டது.  பேரிடர் மேலாண்மை சுழற்சியின் அனைத்து கட்டங்களுக்கும் அரசு நிறுவனங்களுக்கு ஒரு கட்டமைப்பையும் வழிகாட்டுதலையும் வழங்குகிறது.  இது நாட்டின் பேரிடர் நெகிழ்திறன் வளர்ச்சியை மேலும் வலுப்படுத்துவதற்கான ஒரு உத்திசார்ந்த கருவியாகும். 2015-க்குப் பிந்தைய மூன்று முக்கிய உலகளாவிய கட்டமைப்புகளான பேரிடர் அபாயக் குறைப்புக்கான …

தற்போது நாட்டில் 38 மாவட்டங்கள் இடதுசாரி தீவிரவாதத்தால் பாதிக்கப்பட்டுள்ளன. இடதுசாரி தீவிரவாதத்தை முழுமையாக எதிர்கொள்ள, மத்திய அரசு 2015-ம் ஆண்டில் ‘இடதுசாரி தீவிரவாதத்தை எதிர்கொள்ள தேசிய கொள்கை மற்றும் செயல் திட்டத்துக்கு’ ஒப்புதல் அளித்தது. இந்தக் கொள்கை, பாதுகாப்பு    தொடர்பான    நடவடிக்கைகள்,    மேம்பாட்டுத் தலையீடுகள், உள்ளூர் சமூகங்களின் உரிமைகள் மற்றும் உரிமைகளை உறுதி செய்தல் போன்றவற்றை உள்ளடக்கிய    பல்முனை உத்திகளுக்கு    வழிவகுக்கிறது. · இக்கொள்கையின் உறுதியான அமலாக்கத்தின் விளைவாக தொடர்ந்து வன்முறை குறைந்துள்ளது. 2010-ல் இடதுசாரி தீவிரவாதம் வன்முறை சம்பவங்கள் அதிகமாக இருந்த நிலையில், தற்போது 73% குறைந்துள்ளது. இதன் …

பாரதிய நியாயச் சட்டம், 2023-ன் விதிகளில் பிரிவு 106 துணைப்பிரிவு (2), பாரதிய நகரிகா சுரக்ஷா சன்ஹிதா 2023 சட்டத்தின் முதல் அட்டவணை, பாரதிய சாட்சியங்கள் சட்டம் 2023 ஆகியவை 2023 டிசம்பர், 25 அன்று அறிவிக்கப்பட்டு, 2024 ஜூலை 1 முதல் அமலுக்கு வந்துள்ளன, பாரதிய நியாயச் சட்டத்தில்  முதல்முறையாக பெண்கள் மற்றும் குழந்தைகளுக்கு எதிரான குற்றங்கள் தொடர்பான விதிகள் ஒரே பகுதியில் கொண்டுவரப்பட்டுள்ளன. பெண்களுக்கு எதிரான குற்றங்களுக்கு …