Matribhumi Samachar Tamil

குடியரசுத் தலைவர் திருமதி திரௌபதி முர்மு, 2024 டிசம்பர் 17 முதல் 21 வரை ஆந்திரப்பிரதேசம், தெலங்கானாவில் பயணம் மேற்கொள்கிறார் . இந்த பயணத்தின்போது, செகந்திராபாத்தில் உள்ள போலாரத்தில் உள்ள குடியரசுத் தலைவர் நிலையத்தில் தங்குகிறார். டிசம்பர் 17 அன்று ஆந்திரப்பிரதேசத்தில் மங்களகிரியில் உள்ள  எய்ம்ஸ் மருத்துவமனை மருத்துவக்கல்லூரி பட்டமளிப்பு விழாவில் குடியரசுத் தலைவர் கலந்து கொள்கிறார். டிசம்பர் 18 அன்று, செகந்திராபாத்தின் போலாரத்தில் உள்ள குடியரசுத் தலைவர் நிலையத்தில் பல்வேறு திட்டங்களைத் தொடங்கி வைத்து அடிக்கல் நாட்டுகிறார் . டிசம்பர் 20 அன்று, செகந்திராபாத்தில் உள்ள பாதுகாப்பு மேலாண்மை கல்லூரிக்கு குடியரசுத் தலைவரின் கொடிகளை குடியரசுத் தலைவர் வழங்குவார். அன்று மாலை குடியரசுத் தலைவர் நிலையத்தில் மாநிலத்தின் பிரமுகர்கள், முக்கிய நபர்கள், கல்வியாளர்கள் ஆகியோருக்கு வரவேற்பு …

இந்திய அரசின் கல்வி அமைச்சகத்தின் கீழ் இயங்கும் முன்னோடி நிறுவனமான சென்னையில் உள்ள தேசிய தொழில்நுட்ப ஆசிரியர்கள் பயிற்சி மற்றும் ஆராய்ச்சி கல்விக்கழகத்தின்  (என்.ஐ.டி.டி.டி.ஆர்) வைர விழாவைக் குறிக்கும் வகையில் டிசம்பர் 15, 2024 அன்று இந்நிறுவனம் 61-வது நிறுவன தினத்தைக் கொண்டாடியது. ஏ.ஐ.சி.டி.இ தலைவர் பேராசிரியர் டாக்டர். டீ.ஜி. சீதாராம் சிறப்பு விருந்தினராகக் கலந்து கொண்டார். நிகழ்ச்சியில் சிறப்புரையாற்றிய ஏ.ஐ.சி.டி.இ தலைவர், இந்தியாவின் பண்டைய ஞானத்திற்கும் நவீன தொழில்நுட்ப …

தேசிய நீர்வழிகள் 1 (கங்கை நதி), தேசிய நீர்வழிகள் 2 (பிரம்மபுத்திரா நதி), தேசிய நீர்வழிகள் 16 (பராக் நதி) வழியாக நீண்ட தூர சரக்குகளின் போக்குவரத்தை ஊக்குவிக்கும் சரக்கு மேம்பாட்டுக்கான ‘ஜல்வஹக்’ என்ற முக்கிய கொள்கையை மத்திய துறைமுகங்கள், கப்பல் மற்றும் நீர்வழிகள் துறை அமைச்சர் திரு சர்பானந்த சோனோவால் இன்று வெளியிட்டார். மத்திய அமைச்சர் திரு. சர்பானந்த சோனோவால், எம்வி ஏஏஐ, எம்வி ஹோமி பாபா மற்றும் எம்வி திரிசூல் ஆகிய சரக்குக் கப்பல்களையும் அஜய் மற்றும் திகு ஆகிய இரண்டு தளவாடப் படகுகளையும் புதுதில்லி அரசு படகுத்துறையிலிருந்து இன்று கொடியசைத்து தொடங்கி வைத்தார். கொல்கத்தா – பாட்னா – வாரணாசி – பாட்னா – கொல்கத்தா இடையே ஒரு வழியாகவும், கொல்கத்தா மற்றும் குவஹாத்தியில் உள்ள பாண்டு இடையேயும்  இந்தோ-வங்கதேச நெறிமுறை பாதை (ஐபிபிஆர்) வழியாகவும் குறிப்பிட்ட நாள் திட்டமிடப்பட்ட பாய்மரப் படகோட்ட சேவை இயக்கப்படும். நிகழ்ச்சியில் பேசிய மத்திய அமைச்சர் திரு சோனோவால், பிரதமர் திரு நரேந்திர மோடியின் ஆற்றல்மிக்க தலைமையின் கீழ், நமது வளமான உள்நாட்டு நீர்வழிப் பாதைகளின் மிகப்பெரிய திறனை உணர அரசு ஒருங்கிணைந்த முயற்சியை மேற்கொண்டுள்ளது. சிக்கனமான, சுற்றுச்சூழலுக்கு உகந்த, திறமையான போக்குவரத்து முறை என்ற அனுகூலத்தைக் கொண்டு, ரயில்வே மற்றும் சாலைப் போக்குவரத்தில் ஏற்படும் நெரிசலைக் குறைக்க, நீர்வழிகள் வழியாக சரக்குப் போக்குவரத்தை அதிகரிக்க நாங்கள் விரும்புகிறோம். ஜல்வாஹக் திட்டம் ஆகியவற்றில் நீண்ட தூர சரக்குகளை ஊக்குவிப்பதுடன், நேர்மறையான பொருளாதார மதிப்பு முன்மொழிவுடன் நீர்வழிகள் வழியாக சரக்குகளின் இயக்கத்தை ஆராய வர்த்தக நலன்களுக்கு ஒரு வாய்ப்பை வழங்குகிறது. மேலும், கொல்கத்தாவிலிருந்து தொடங்கும் வழக்கமான அட்டவணைப்படுத்தப்பட்ட சரக்கு சேவை, குறிப்பிட்ட காலக்கெடுவுக்குள் சரக்குகளை கொண்டு சென்று வழங்குவதை உறுதி செய்யும். இது ஒரு திறமையான, சிக்கனமான மற்றும் சுற்றுச்சூழலுக்கு பொறுப்பான போக்குவரத்து முறையில் சரக்குகளை வழக்கமான இயக்கத்திற்கு தேசிய நீர்வழிகள் தயாராக உள்ளது என்ற நம்பிக்கையை நமது பயனர்களிடையே உருவாக்கும். இந்த ஊக்கத் திட்டத்துடன் நமது கப்பல் ஆபரேட்டர்களுக்கு அதிகாரம் அளிப்பதன் மூலமும், குறைந்த செலவில் பாதுகாப்பான மற்றும் சரியான நேரத்தில் சரக்குகளை வழங்குவதன் மூலம் நமது  வணிக நிறுவனங்களை ஊக்குவிப்பதன் மூலமும், இந்தியா வளர்ச்சியடைந்த  பாரதமாக மாறுவதை நோக்கி பயணிக்கும்போது போக்குவரத்து வழியாக மாற்றத்திற்கான பிரதமர் திரு நரேந்திர மோடியின் பார்வைக்கு இது அர்த்தம்  சேர்க்கிறது என்று கூறினார். பிரதமர் திரு நரேந்திர மோடியின் ஆற்றல்மிக்க தலைமையின் கீழ், வளமான நீர்வழிகள் 2014 முதல் புத்துயிர் பெற்று வருகின்றன. நீர்வழிகளை புனரமைப்பதில் தொடர்ச்சியான முதலீட்டுடன், இந்தத் திட்டங்கள் 2027 ஆம் ஆண்டுக்குள் ரூ .95.4 கோடி முதலீட்டில் எயல்படுத்தப்படும்.  2014 வரை நீண்ட காலமாக புறக்கணிக்கப்பட்ட நீல பொருளாதாரத்தின் மதிப்பை திறக்கவும் இது ஒரு தீவிர முயற்சியாகும். புத்துயிர் பெற்ற தேசிய நீர்வழிகள் அதன் செயல்திறனை கணிசமாக நகர்த்தியுள்ளன, ஏனெனில் 2013-14 ஆம் ஆண்டில் 18.07 மில்லியன் மெட்ரிக் டன்னாக இருந்த சரக்குகளின் மொத்த அளவு 2023-24 ஆம் ஆண்டில் 132.89 மில்லியன் மெட்ரிக் டன்னாக அதிகரித்துள்ளது, இது 700% க்கும் அதிகமான வளர்ச்சியைப் பதிவு செய்துள்ளது. 2030-ம் ஆண்டுக்குள் நீர்வழிகள் மூலம் 200 மில்லியன் மெட்ரிக் டன் சரக்குகளை கொண்டு செல்ல இலக்கு நிர்ணயித்துள்ளோம். 2047-ம் ஆண்டில், சரக்கு போக்குவரத்துக்கு சாத்தியமான மாற்றாக உள்நாட்டு நீர்வழிகளின் வளர்ச்சியில் நம்பிக்கையுடன், 500 மில்லியன் மெட்ரிக் டன் இலக்கை நிர்ணயித்துள்ளோம் என்று அமைச்சர் தெரிவித்தார். மத்திய இணையமைச்சர் திரு சாந்தனு தாக்கூர், “நீர்வழிப் போக்குவரத்தை, குறிப்பாக வங்காளத்தைப் பொறுத்தவரை, இது ஒரு வரலாற்று சிறப்புமிக்க தருணம். பிரதமர் திரு. நரேந்திர மோடி யின் எழுச்சியூட்டும் தலைமையின் கீழ், நீர்வழிப் போக்குவரத்தில் புரட்சிகரமான மாற்றம் ஏற்பட்டுள்ளது. இந்தத் திட்டங்கள் மூலம், நீர்வழித் துறை, குறிப்பாக கிழக்கு இந்தியாவில், சரக்கு போக்குவரத்து இயக்கத்தில் வரலாற்றுச் சிறப்புமிக்க திருப்பத்தை ஏற்படுத்தும். சிக்கனமான, பயனுள்ள, திறமையான மற்றும் சுற்றுச்சூழலுக்கு உகந்த போக்குவரத்து முறை சரக்கு மற்றும் பயணிகள் இயக்கத்தில் ஒரு புதிய காட்சியை உறுதியளிக்கிறது என்று தெரிவித்தார்.

அரசின் அனைத்து அறிவியல் அமைச்சகங்கள் மற்றும் துறைகளின் செயலாளர்களின் கூட்டு அமைச்சர்கள் கூட்டத்திற்கு தலைமை தாங்கிய மத்திய அறிவியல் மற்றும் தொழில்நுட்பம் (தனி பொறுப்பு); புவி அறிவியல்,  பிரதமர் அலுவலகம், அணுசக்தி, விண்வெளி, பணியாளர், பொதுமக்கள் குறைகள் மற்றும் ஓய்வூதியத் துறை இணையமைச்சர் டாக்டர் ஜிதேந்திர சிங், 2047-க்குள் இந்தியாவை “வளர்ச்சியடைந்த பாரதமாக ” மாற்ற பிரதமர் திரு நரேந்திர மோடியின் கொள்கையை  நனவாக்க அனைத்து அரசுத் துறைகளையும், மத்திய மற்றும் மாநில முயற்சிகளையும் “முழு அரசு” மற்றும் “முழு அறிவியல்” அணுகுமுறையுடன் இணைக்க வேண்டும் என்று அழைப்பு விடுத்தார்.  புதுதில்லியில் அனைத்து அறிவியல் அமைச்சகங்கள் மற்றும் துறைகளின் செயலாளர்களின் மாதாந்திர கூட்டு அமைச்சர்கள் கூட்டத்திற்கு மத்திய அமைச்சர் டாக்டர் ஜிதேந்திர சிங் தலைமை தாங்கினார். இன்று புதுதில்லியில் நடைபெற்ற அறிவியல் செயலாளர்களின் மாதாந்திர கூட்டத்தின்போது, அறிவியல் முன்முயற்சிகளை முன்னெடுத்துச் செல்வதில் அந்தந்த மாநில அறிவியல் குழுக்கள் தீவிரமாக பங்காற்ற வேண்டும் என்று அமைச்சர் வலியுறுத்தினார். அறிவியலில் கூட்டுறவு கூட்டாட்சியின் முக்கியத்துவத்தை எடுத்துரைத்த டாக்டர் ஜிதேந்திர சிங், நீடித்த மற்றும் முற்போக்கான சுற்றுச்சூழல் அமைப்பை உருவாக்க அனைத்து பங்குதாரர்களையும் ஒருங்கிணைக்க வேண்டியதன் அவசியத்தை வலியுறுத்தினார். தற்போதைய திட்டங்களை மதிப்பிடுவதற்கும், இந்தியாவின் அறிவியல் சுற்றுச்சூழல் அமைப்பை வலுப்படுத்துவதற்கான எதிர்கால உத்திகளைப் பற்றி விவாதிப்பதற்கும் இந்த கூட்டம் ஒரு முக்கிய தளமாக செயல்பட்டது. புதிய கண்டுபிடிப்புகளை ஊக்குவித்தல், மண்டல வளர்ச்சியை முன்னெடுத்துச் செல்லுதல் மற்றும் தேசிய இலக்குகளுக்கு பங்களிப்பு செய்தல் ஆகியவற்றில் மாநில அறிவியல் கவுன்சில்களின் முக்கிய பங்கை டாக்டர் ஜிதேந்திர சிங் வலியுறுத்தினார். அறிவியல் மனப்பான்மையை வளர்ப்பதற்கும், அடிமட்ட கண்டுபிடிப்புகளை ஊக்குவிப்பதற்கும், தனித்துவமான சவால்களை எதிர்கொள்ள உள்ளூர் நிபுணத்துவத்தை மேம்படுத்துவதற்கும் மாநிலங்கள் கிரியா ஊக்கிகளாக செயல்பட வேண்டும் என்று அவர் அழைப்பு விடுத்தார். இந்தியாவின் அறிவியல் முகமைகளிலிருந்து வெளிவரும் புதிய கண்டுபிடிப்புகளுக்கான சந்தை மூலதனமயமாக்கலின் முக்கியத்துவம் விவாதங்களின் மையமாக இருந்தது. முதலீடுகளை ஈர்ப்பதற்கும், சுகாதாரம், வேளாண்மை மற்றும் பருவநிலை பின்னடைவு போன்ற துறைகளில் உள்ள முக்கிய பிரச்சினைகளுக்கு தீர்வு காண்பதற்கும் அரசு ஆதரவு நிறுவனங்களிடமிருந்து அதிநவீன தீர்வுகளை அளவிட வேண்டியதன் அவசியத்தை டாக்டர் ஜிதேந்திர சிங் எடுத்துரைத்தார். அறிவியல் சூழலில் ஒத்துழைப்புடன் கூடிய கூட்டாட்சியின் அவசியத்தை மீண்டும் வலியுறுத்திய டாக்டர் ஜிதேந்திர சிங், ஒருங்கிணைந்த அறிவியல் கட்டமைப்பை உருவாக்க மத்திய அரசின் முன்முயற்சிகளுடன் மாநிலங்கள் இணைய வேண்டும் என்று வலியுறுத்தினார். இந்த அணுகுமுறை, பிராந்திய வளர்ச்சியை ஊக்குவிக்கும், அறிவியல் மனப்பான்மையை உருவாக்கும் மற்றும் நாடு முழுவதும் தொழில்நுட்ப முன்னேற்றங்களின் நன்மைகளுக்கு சமமான அணுகலை உறுதி செய்யும் என்று அவர் குறிப்பிட்டார். “மாநில அறிவியல் கவுன்சில்கள் தொலைநோக்கை அடைவதில் தங்கள் பங்கை ஆற்ற வேண்டும். ஒன்றிணைந்து செயல்படுவதன் மூலம், 2047 ஆம் ஆண்டுக்குள் இந்தியாவை வளர்ந்த நாடாக மாற்றுவதற்கு நமது அறிவியல் வளங்களின் முழு திறனையும் பயன்படுத்த முடியும்” என்று டாக்டர் ஜிதேந்திர சிங் மேலும் கூறினார்.  அறிவியல் செயலாளர்களின் மாதாந்திர கூட்டம், ஒத்துழைப்பு, கண்டுபிடிப்பு மற்றும் வணிகமயமாக்கல் மூலம் வலுவான அறிவியல் மற்றும் தொழில்நுட்ப சுற்றுச்சூழல் அமைப்பை உருவாக்குவதற்கான அரசின் உறுதிப்பாட்டை பிரதிபலிக்கிறது. மத்திய மற்றும் மாநில முயற்சிகளை ஒருங்கிணைத்தல், பொது-தனியார் கூட்டாண்மையை ஊக்குவித்தல் மற்றும் புதுமைகளை சந்தைப்படுத்துதல் ஆகியவற்றில் டாக்டர் ஜிதேந்திர சிங்கின் முக்கியத்துவம், 2047 க்குள் வளர்ந்த இந்தியாவுக்கான பிரதமர் நரேந்திர மோடியின் பார்வையை அடைவதில் அறிவியலின் உருமாறும் பங்கை வலியுறுத்துகிறது. இந்த முழு அறிவியல் அணுகுமுறை தொழில்நுட்பம் மற்றும் சமூக முன்னேற்றத்தில் இந்தியாவை உலகளாவிய தலைவராக நிலைநிறுத்துவதில் ஒரு முக்கிய படியைக் குறிக்கிறது. மூத்த செயலாளர்கள் மற்றும் அதிகாரிகள் அடங்கிய குழுவுக்கு மத்திய அரசின் முதன்மை அறிவியல் ஆலோசகர் பேராசிரியர் அஜய் சூட் தலைமை தாங்கினார்.

மத்திய பிரதேச மாநிலம் குவாலியரில் உள்ள விக்டோரியா மார்க்கெட் கட்டிடத்தில் அதிநவீன இந்திய புவியியல் ஆய்வு நிறுவனத்தின் (ஜிஎஸ்ஐ) புவி அறிவியல் அருங்காட்சியகத்தை குடியரசுத் துணைத் தலைவர் திரு. ஜக்தீப் தன்கர் இன்று ரிப்பன் வெட்டி கல்வெட்டைத் திறந்து வைத்தார். பாரம்பரியத்தின் பிரம்மாண்டத்தை நவீன கண்டுபிடிப்புகளின் அற்புதங்களுடன் தடையின்றி கலக்கும் ஒரு குறிப்பிடத்தக்க கொண்டாட்டத்தை இந்த நிகழ்வு குறித்தது.  இந்த நிகழ்ச்சியில் மத்தியப் பிரதேச ஆளுநர் திரு மங்குபாய் படேல், மத்திய தொலைத்தொடர்பு மற்றும் மேம்பாட்டுத் துறை அமைச்சர் திரு ஜோதிராதித்யா சிந்தியா, நிலக்கரி மற்றும் சுரங்கத் துறை இணையமைச்சர் திரு சதீஷ் சந்திர துபே, மத்தியப் பிரதேச முதல்வர் டாக்டர் மோகன் யாதவ், மத்தியப் பிரதேச சட்டப்பேரவைத் தலைவர் திரு நரேந்திர சிங் தோமர் ஆகியோர் கலந்து கொண்டனர். குவாலியர் புவி அறிவியல் அருங்காட்சியகம் பூமியின் கதையின் அதிசயங்களுக்கான நுழைவாயிலாக செயல்படுகிறது – அறிவியலும் கலையும் ஆர்வத்தைத் தூண்டும் அறிவின் சரணாலயம். இது இரண்டு காட்சியகங்களைக் கொண்டுள்ளது. இது நமது கிரகத்தின் மர்மங்கள் மற்றும் காலப்போக்கில் வாழ்க்கையின் பயணத்தின் வரலாற்றைப் பற்றிய ஒரு பார்வையை வழங்குகிறது.

சத்தீஸ்கர் மாநிலத்தில் பயணம் மேற்கொண்ட  மத்திய உள்துறை அமைச்சரும், கூட்டுறவுத்துறை  அமைச்சருமான திரு அமித் ஷா மதிப்புமிக்க ‘குடியரசுத்லைவரின் வண்ணம்’ என்னும் கொடியை ராய்ப்பூரில் அம்மாநில காவல்துறைக்கு  வழங்கினார். இந்த விழாவில் சத்தீஸ்கர் முதலமைச்சர் திரு விஷ்ணு தியோ சாய், துணை முதலமைச்சர் திரு விஜய் சர்மா உட்பட பல முக்கிய பிரமுகர்கள் கலந்து கொண்டனர். மத்திய உள்துறை அமைச்சர்  திரு அமித் ஷா தமது உரையில், எந்தவொரு ஆயுதப் படைக்கும், சிறந்த அங்கீகாரமான இந்த விருதைப் பெறுவதில் உள்ள மகத்தான பெருமையை எடுத்துரைத்தார். சத்தீஸ்கர் காவல்துறை தொடங்கப்பட்ட 25 ஆண்டுகளுக்குள் இந்த கவுரவத்தை பெற்றிருப்பதாக பாராட்டிய அவர்,  குடியரசுத் தலைவரிடம் அது பெற்றுள்ள நம்பிக்கையை பிரதிபலிக்கிறது என்றார். சத்தீஸ்கர் காவல்துறை நாட்டின் மிகச்சிறந்த படைகளில் ஒன்று என்றும், ஆர்வம், தைரியம், வீரம் மற்றும் அர்ப்பணிப்பு ஆகியவற்றிற்கு பெயர் பெற்றது என்றும் திரு ஷா பாராட்டினார். வெள்ளி விழா ஆண்டில் ‘குடியரசுத்தலைவரின் விருதைப் பெறுவது படையின் இடைவிடாத கடின உழைப்பு, அர்ப்பணிப்பு, துணிச்சல் மற்றும் பொதுமக்களுடனான ஆழமான தொடர்புக்கு ஒரு சான்றாகும் என்று அவர் வலியுறுத்தினார். சட்டம் ஒழுங்கை பராமரிப்பதிலும், நக்சலிசத்தை எதிர்த்துப் போராடுவதிலும், போதைப்பொருள் இல்லாத இந்தியாவுக்கான பிரச்சாரத்தை முன்னெடுத்துச் செல்வதிலும், பொதுமக்களின் பாதுகாப்பை உறுதி செய்வதிலும், மாநில மக்களின் வாழ்க்கைத் தரத்தை மேம்படுத்துவதிலும் சத்தீஸ்கர் காவல்துறையின் முன்மாதிரியான சேவையை அவர் மேலும் பாராட்டினார். சத்தீஸ்கரில் அமைதி மற்றும் பாதுகாப்பை வளர்ப்பதில் இந்தப் படையின் அசைக்க முடியாத அர்ப்பணிப்பை திரு ஷா புகழ்ந்தார். இன்று சர்தார் வல்லபாய் படேல் நினைவு தினம் என்று மத்திய உள்துறை அமைச்சர் திரு அமித் ஷா தெரிவித்தார். சர்தார் பட்டேலின் இணையற்ற தைரியமும், உறுதியும்தான் நாட்டை ஒருங்கிணைத்தது என்று அவர் குறிப்பிட்டார். 370 வது பிரிவை ரத்து செய்ததன் மூலம் சர்தார் படேலின் முடிக்கப்படாத நோக்கத்தை பிரதமர் திரு நரேந்திர மோடி நிறைவேற்றினார், இதன் மூலம் காஷ்மீரை இந்தியாவுடன் நிரந்தரமாக ஒருங்கிணைத்தார் என்று திரு ஷா மேலும் குறிப்பிட்டார். ஒட்டுமொத்த தேசமும் இன்று மிகுந்த நன்றியுடன் சர்தார் படேலுக்கு அஞ்சலி செலுத்துகிறது என்றும் அவர் கூறினார். சத்தீஸ்கர் மாநிலத்தை உருவாக்க வேண்டும் என்ற நீண்டகால கோரிக்கையை திரு அடல் பிஹாரி வாஜ்பாய் நிறைவேற்றினார் என்று திரு அமித் ஷா கூறினார். பிரதமர் திரு நரேந்திர மோடியின் தலைமையின் கீழ், சத்தீஸ்கர் 2026 மார்ச் 31-க்குள் நக்சலிசத்திலிருந்து முற்றிலும் விடுபடும் என்று உள்துறை அமைச்சர் நம்பிக்கை தெரிவித்தார். சத்தீஸ்கரில் மட்டுமல்ல, நாடு முழுவதும் உள்ள பிற மாநிலங்களில் இருந்தும் நக்சலிசத்தை ஒழிக்க மோடி அரசு உறுதிபூண்டுள்ளது என்று அவர் வலியுறுத்தினார். இந்த இலக்கை நோக்கி முன்னேறுவதில் சத்தீஸ்கர் காவல்துறையின் துணிச்சலை அவர் பாராட்டினார், மேலும் கடந்த ஆண்டில் நக்சலிசத்திற்கு எதிரான போராட்டத்தில் செய்யப்பட்ட குறிப்பிடத்தக்க சாதனைகளை அவர் எடுத்துரைத்தார். பிரதமர் திரு நரேந்திர மோடியின் தலைமையின் கீழ், கடந்த ஆண்டு நக்சலிசத்திற்கு எதிரான போராட்டத்தில் குறிப்பிடத்தக்க முன்னேற்றம் ஏற்பட்டுள்ளது என்று மத்திய உள்துறை அமைச்சர் திரு அமித் ஷா தெரிவித்தார். பாதுகாப்புப் படையினர் 287 நக்சலைட்டுகளை அழித்துள்ளனர். 1,000 பேரை கைது செய்துள்ளனர், 837 நக்சலைட்டுகளை சரணடைய வைத்துள்ளனர். . கொல்லப்பட்டவர்களில் 14 பேர் நக்சல் தலைவர்கள் என்று அவர் குறிப்பிட்டார். நான்கு தசாப்தங்களில் முதல் முறையாக, நக்சல் வன்முறை காரணமாக பொதுமக்கள் மற்றும் பாதுகாப்புப் படையினரின் இறப்பு எண்ணிக்கை 100 க்கும் கீழே குறைந்துள்ளது என்று திரு ஷா எடுத்துரைத்தார், இதற்கு நக்சலிசத்திற்கு எதிரான மோடி அரசாங்கத்தின் கடுமையான கொள்கைகளே காரணம் என்றார். பிரதமர் மோடியின் தலைமையின் கீழ் கடந்த தசாப்தத்தில், நக்சலிசம் திறம்பட கட்டுப்படுத்தப்பட்டுள்ளது, இதன் விளைவாக முந்தைய தசாப்தத்துடன் ஒப்பிடும்போது பாதுகாப்புப் பணியாளர்களின் உயிரிழப்புகளில் 73% குறைவு மற்றும் பொதுமக்கள் இறப்புகளில் 70% சரிவு ஏற்பட்டுள்ளது. கடந்த ஆண்டில் நக்சலிசத்திற்கு ஒரு தீர்க்கமான அடியை வழங்க மற்ற பாதுகாப்பு அமைப்புகளுடன் இணைந்ததற்காக சத்தீஸ்கர் காவல்துறையையும் உள்துறை அமைச்சர் பாராட்டினார். மேலும், பிரதமர் மோடியின் தலைமையின் கீழ் சத்தீஸ்கரில் பல்வேறு வளர்ச்சித் திட்டங்கள் மேற்கொள்ளப்பட்டுள்ளதையும் அவர் சுட்டிக்காட்டினார். 1951 ஆம் ஆண்டில் இந்திய கடற்படைக்கு குடியரசு தலைவரின் இந்த விருது முதன்முலாக  வழங்கப்பட்டது என்றும், இன்று, எந்தவொரு ஆயுதப்படையும் இந்த மதிப்புமிக்க கௌரவத்தைப் பெறுவதற்குத்  தகுதி பெற 25 ஆண்டுகள் சேவையை நிறைவு செய்ய வேண்டும் என்றும் திரு அமித் ஷா கூறினார். சத்தீஸ்கர் காவல்துறையின் 25 ஆண்டுகால சேவை, அர்ப்பணிப்பு, தியாகம் மற்றும் அர்ப்பணிப்பை அங்கீகரித்து கவுரவித்ததற்காக குடியரசுத் தலைவருக்கு அவர் நன்றி தெரிவித்தார். பிரதமர் திரு நரேந்திர மோடியின் தலைமையின் கீழ், 2026 மார்ச் 31 க்குள் சத்தீஸ்கரில் இருந்து நக்சலிசத்தை முற்றிலுமாக ஒழிக்க மத்திய அரசும் மாநில அரசும் உறுதிபூண்டுள்ளன என்று மத்திய உள்துறை அமைச்சரும், கூட்டுறவுத் துறை அமைச்சருமான திரு அமித் ஷா தெரிவித்தார். நக்சலைட்டுகள் வன்முறைப் பாதையைக் கைவிட்டு, சமூகத்தின் முக்கிய நீரோட்டத்தில் இணைய வேண்டும் என்றும், வளர்ச்சிப் பாதையில் முன்னேறிச் சென்று சத்தீஸ்கரின் வளர்ச்சிக்கு பங்களிக்க வேண்டும் என்றும் அவர் வலியுறுத்தினார். சத்தீஸ்கர் அரசு ஒரு சிறந்த சரணடைதல் கொள்கையை அமல்படுத்தியுள்ளது என்றும் அவர் எடுத்துரைத்தார், இது சரணடையும் ஒவ்வொரு நக்சலைட்டுக்கும் மறுவாழ்வு அளிக்க வகை செய்கிறது. திட்டமிட்ட குற்றங்கள் மற்றும் போதைப்பொருட்களை உறுதியுடன் எதிர்த்துப் போராடுவதில் சத்தீஸ்கர் காவல்துறை குறிப்பிடத்தக்க வெற்றியை அடைந்துள்ளது என்று திரு அமித் ஷா கூறினார். ஜனவரி 1, 2024 மற்றும் செப்டம்பர் 30, 2024 க்கு இடையில், சுமார் 1,100 போதைப்பொருள் வழக்குகள் பதிவு செய்யப்பட்டன, இது 21,000 கிலோ கஞ்சா, 6,000 கிலோ ஓபியம் மற்றும் சுமார் 1,95,000 சட்டவிரோத மருந்துகள் பறிமுதல் செய்ய வழிவகுத்தது. மேலும், இந்த வழக்குகள் தொடர்பாக 1,400 பேர் கைது செய்யப்பட்டுள்ளனர். பிடிஎன்டிபிஎஸ் (போதை மருந்துகள் மற்றும் மனோவியல் பொருட்களில் சட்டவிரோத கடத்தலைத் தடுப்பது) சட்டத்தை திறம்பட செயல்படுத்துவதில் சத்தீஸ்கர் முன்னணியில் உள்ளது என்று அவர் மேலும் குறிப்பிட்டார். சத்தீஸ்கர் காவல்துறையின் ஒவ்வொரு அதிகாரியும், பணியாளர்களும் வளர்ச்சியடைந்த சத்தீஸ்கர் என்ற தொலைநோக்கு பார்வையை நனவாக்குவதில் முக்கிய பங்காற்றுவார்கள் என்று மத்திய உள்துறை அமைச்சர் நம்பிக்கை தெரிவித்தார். பிரதமர் மோடியின் தலைமையின் கீழ் 2047-ம் ஆண்டுக்குள் வளர்ச்சியடைந்த இந்தியாவை உருவாக்கும் பயணத்தில் சத்தீஸ்கரின் குறிப்பிடத்தக்க பங்களிப்பு பொன்னெழுத்துக்களால் பொறிக்கப்படும் என்று அவர் மேலும் கூறினார். ‘குடியரசு தலைவரின் வண்ணம் ‘ என்பது வெறும் அலங்காரம் அல்ல, சேவை, தியாகம் மற்றும் அர்ப்பணிப்பின் சின்னம் என்று சத்தீஸ்கர் காவல்துறை பணியாளர்களிடம் மத்திய உள்துறை அமைச்சர் கூறினார். இந்தச் சின்னம் மீள்திறனுடன் எதிர்கொள்ள வேண்டிய எண்ணற்ற சவால்களை நினைவூட்டுவதாக செயல்படுகிறது என்று அவர் கூறினார். இது  ஒரு மரியாதை மட்டுமல்ல, ஒரு பொறுப்பும் கூட, சத்தீஸ்கர் காவல்துறையின் ஒவ்வொரு அதிகாரியும் இந்த பொறுப்பை நிலைநிறுத்துவார்கள் என்றும், தங்கள் கடமையை நிறைவேற்றுவதில் ஒரு அடி கூட பின்வாங்க மாட்டார்கள் என்றும் திரு அமித் ஷா வலியுறுத்தினார்.

இந்தியாவில் உள்ள பொதுத்துறை வங்கிகள் 2023-24-ம் நிதியாண்டில் ரூ.1.41 லட்சம் கோடி நிகர லாபத்தை பதிவு செய்து குறிப்பிடத்தக்க மைல்கல்லை எட்டியுள்ளன. இந்த மைல்கல் சாதனை துறையின் வலுவான திருப்பத்தை பிரதிபலிக்கிறது. இது சொத்து தரத்தில் குறிப்பிடத்தக்க முன்னேற்றத்தால் ஆதரிக்கப்படுகிறது. மொத்த வாராக் கடன்  விகிதம் , செப்டம்பர் 2024-ல் 3.12% ஆகக் குறைந்தது. தொடர்ச்சியான வேகத்தை வெளிப்படுத்தும் வகையில், 2024-25-ம் ஆண்டின் முதல் பாதியில் ரூ.85,5206,000 கோடி  நிகர லாபம் பதிவு செய்துள்ளது. அவர்களின் நட்சத்திர செயல்திறனுக்கு கூடுதலாக, பொதுத்துறை வங்கிகள் பங்குதாரர்களின் வருமானத்தில் குறிப்பிடத்தக்க பங்களிப்பை வழங்கியுள்ளன, கடந்த மூன்று ஆண்டுகளில் மொத்தம் ரூ.61,964 கோடி ஈவுத்தொகையை செலுத்தியுள்ளன. நிதி சாதனைகளுக்கு அப்பால், நிதி உள்ளடக்கத்தை ஊக்குவிப்பதில் இந்த வங்கிகள் முக்கிய பங்கு வகித்துள்ளன. அடல் ஓய்வூதிய திட்டம் மற்றும் பிரதமரின் ஜீவன் ஜோதி பீமா திட்டம் போன்ற முக்கியமான அரசின் திட்டங்களை அவர்கள் செயல்படுத்தியுள்ளனர். இந்த முயற்சிகள் முக்கிய பயன்கள் சமூகத்தின் பின்தங்கிய பிரிவினரை சென்றடைவதை உறுதி செய்துள்ளன. சீர்திருத்தங்கள், நலன்புரி நடவடிக்கைகள் மற்றும் வலுவான கொள்கைகளுடன் இந்திய அரசு இந்தத் துறைக்கு தீவிரமாக ஆதரவளித்துள்ளது. இது வங்கி அமைப்பை வலுப்படுத்தியுள்ளது, அதிக வெளிப்படைத்தன்மை, ஸ்திரத்தன்மை மற்றும் உள்ளடக்கத்தை வளர்த்துள்ளது. பொதுத்துறை வங்கிகளின்  மொத்த வாராக்கடன் விகிதம் குறிப்பிடத்தக்க முன்னேற்றத்தைக் கண்டுள்ளது, மார்ச் 2018-ல் 14.58% ஆக இருந்த உச்சத்திலிருந்து 2024 செப்டம்பரில் 3.12% ஆக குறைந்துள்ளது. இந்தக் குறிப்பிடத்தக்க குறைப்பு வங்கி அமைப்பில் உள்ள மன அழுத்தத்தை நிவர்த்தி செய்வதை நோக்கமாகக் கொண்ட இலக்கு தலையீடுகளின் வெற்றியை பிரதிபலிக்கிறது. 2015 ஆம் ஆண்டில் இந்திய ரிசர்வ் வங்கி சொத்து தர மதிப்பாய்வை  தொடங்கியபோது ஒரு திருப்புமுனை ஏற்பட்டது. வாராக்கடன்களின் வெளிப்படையான அங்கீகாரத்தை கட்டாயமாக்குவதன் மூலம் வங்கிகளில் மறைக்கப்பட்ட  அழுத்தத்தை அடையாளம் கண்டு நிவர்த்தி செய்வதை இந்த பயிற்சி நோக்கமாகக் கொண்டுள்ளது. இது முன்னர் மறுசீரமைக்கப்பட்ட கடன்களை வாராக் கடன்கள் என்று மறுவகைப்படுத்தியது, இதன் விளைவாக அறிவிக்கப்பட்ட வாராக்கடன்களில் கூர்மையான அதிகரிப்பு ஏற்பட்டது. பொதுத்துறை வங்கிகளின் மேம்பட்ட வலிமையின் மற்றொரு குறிகாட்டி அவற்றின் மூலதன சொத்து விகிதம் ஆகும். இது செப்டம்பர் 2024-ல், 15.43% ஆக உயர்ந்தது. இது மார்ச் 2015-ல் 11.45% ஆக இருந்தது. இந்த கணிசமான முன்னேற்றம் இந்தியாவின் வங்கித் துறையின் புதுப்பிக்கப்பட்ட ஸ்திரத்தன்மை மற்றும் வலிமையை எடுத்துக்காட்டுவது மட்டுமல்லாமல், பொருளாதார வளர்ச்சிக்கு சிறந்த ஆதரவளிக்க பொதுத்துறை வங்கிகளை நிலைநிறுத்துகிறது. பொதுத்துறை வங்கிகள் நாடு முழுவதும் தங்கள் வரம்பை விரிவுபடுத்தி, நிதி உள்ளடக்கத்தை ஆழப்படுத்துகின்றன. அவர்களின் வலுவான மூலதன அடித்தளம் மற்றும் மேம்பட்ட சொத்து தரம் ஆகியவை சந்தைகளை சுதந்திரமாக அணுக உதவியது. 54 கோடி ஜன் தன் கணக்குகள் மற்றும் பல்வேறு முதன்மை நிதி உள்ளடக்கத் திட்டங்களின் (பிரதமரின் முத்ரா, ஸ்டாண்ட்-அப் இந்தியா,  பிரதமரின் ஸ்வநிதி , பிரதமரின் விஸ்வகர்மா) 54 கோடிக்கும் அதிகமான பிணையற்ற கடன்கள் அனுமதிக்கப்பட்டுள்ளன.  வங்கி கிளைகளின் எண்ணிக்கை மார்ச் 2014-ல் 1,17,990 ஆக இருந்து செப்டம்பர் 2024 இல் 1,60,501 ஆக அதிகரித்துள்ளது; இதில் 1,00,686 கிளைகள் கிராமப்புற, சிறு நகர்ப்புற  பகுதிகளில் உள்ளன.  கிசான் கிரெடிட் கார்டு திட்டம் விவசாயிகளுக்கு குறுகிய கால பயிர் கடன்களை வழங்குவதை நோக்கமாகக் கொண்டுள்ளது. செப்டம்பர் 2024 நிலவரப்படி மொத்த செயல்பாட்டு கேசிசி கணக்குகள் 7.71 கோடியாக இருந்தன, மொத்தம் ரூ .9.88 லட்சம் கோடி நிலுவையில் உள்ளது.  2004-2014 காலகட்டத்தில் பட்டியலிடப்பட்ட வணிக வங்கிகளின் மொத்த முன்பணம் ரூ.8.5 லட்சம் கோடியிலிருந்து ரூ.61 லட்சம் கோடியாக உயர்ந்துள்ளது, இது மார்ச் 2024-ல் ரூ.175 லட்சம் கோடியாக கணிசமாக அதிகரித்துள்ளது.  இந்தியாவில் உள்ள பொதுத்துறை வங்கிகள் சமீபத்திய ஆண்டுகளில் குறிப்பிடத்தக்க முன்னேற்றங்களை அடைந்துள்ளன, முன்னோடியில்லாத நிதி மைல்கற்களை அடைந்துள்ளன. நாட்டின் பொருளாதார ஸ்திரத்தன்மை மற்றும் வளர்ச்சிக்கு குறிப்பிடத்தக்க பங்களிப்பை வழங்கியுள்ளன. வலுவான நிதி அடித்தளம் மற்றும் மேம்பட்ட சொத்து தரத்துடன், பொதுத்துறை வங்கிகள் இந்தியாவின் வளர்ச்சிக்கு பெரும் பங்களிப்பை  வழங்கியுள்ளன. உள்ளடக்கிய பொருளாதார வளர்ச்சியை இயக்குவதற்கும் அவை நன்கு நிலைநிறுத்தப்பட்டுள்ளன.

2024 டிசம்பர் 11 முதல் 14 வரை நேபாள ராணுவத் தளபதி  சுப்ரபால் ஜனசேவஸ்ரீ ஜெனரல் அசோக் ராஜ் சிக்டெல் இந்தியாவுக்கு வருகை தந்தது, நேபாள ராணுவத்திற்கும் இந்திய ராணுவத்திற்கும் இடையிலான நீண்டகால உறவுகளை வலுப்படுத்துவதில் ஒரு குறிப்பிடத்தக்க மைல்கல்லைக் குறிக்கிறது. இரு தரப்பிலும் மூத்த தலைவர்கள் மற்றும் அதிகாரிகளுக்கு இடையிலான முக்கிய ஈடுபாடுகளைக் கண்ட இந்தப் பயணம், பாதுகாப்பு நலன்களின் பகுதிகளில் மேம்பட்ட இருதரப்பு ராணுவ ஒத்துழைப்பு, பரிமாற்றம் மற்றும் ஒத்துழைப்புக்கான அடித்தளத்தை மேலும் வலுப்படுத்தியுள்ளது. தமது பயணத்தின் போது, ஜெனரல் அசோக் ராஜ் சிக்டெல், இந்திய ராணுவத்தின் தளபதி ஜெனரல் உபேந்திர திவேதியுடன் தொடர்ச்சியான பயனுள்ள விவாதங்களில் ஈடுபட்டார். இரு நாடுகளுக்கும் இடையிலான உறவை மேலும் வலுப்படுத்தும் வகையில், இரு நாட்டு ராணுவங்களுக்கிடையேயான ஒத்துழைப்பை விரிவுபடுத்துவது, ஆழப்படுத்துவது குறித்து இந்த பேச்சுவார்த்தை கவனம் செலுத்தியது. இந்தியாவுக்கும் நேபாளத்துக்கும் இடையிலான இருதரப்பு பாதுகாப்பு ஒத்துழைப்பு குறித்து, பாதுகாப்புத்துறை அமைச்சர் திரு. ராஜ்நாத் சிங், தேசிய பாதுகாப்பு ஆலோசகர் திரு அஜீத் தோவல் உள்ளிட்ட பலருடன் அவர் பேச்சு நடத்தினார். ஜெனரல் அசோக் ராஜ் சிக்டலின் வருகை இந்திய மற்றும் நேபாள ராணுவங்களுக்கு இடையிலான நீண்டகால நட்புறவை மேம்படுத்துவதில் ஒரு மகத்தான வெற்றியாக நிரூபிக்கப்பட்டுள்ளது. மேலே கோடிட்டுக் காட்டப்பட்ட பல்வேறு முன்முயற்சிகள், இரு ராணுவங்களுக்கும் இடையே ஆழமான வேரூன்றிய பிணைப்பை வலுப்படுத்துவதற்கான பகிரப்பட்ட உறுதிப்பாட்டை பிரதிபலிக்கின்றன.

இந்தியாவின் பெருநிறுவன சமூக பொறுப்புணர்வு சட்டம் மற்றும் கோல் இந்தியா நிறுவனத்தின் சிஎஸ்ஆர் நிறுவனமயமாக்கலின் பத்தாண்டுகளைக் கொண்டாடும் வகையில், 3-வது சிஐஎல் சிஎஸ்ஆர் மாநாடு கொல்கத்தாவில் இன்று தொடங்கியது. மாநாட்டைத் தொடங்கி வைத்துப் பேசிய மேற்கு வங்க ஆளுநரும், நிகழ்ச்சியின் தலைமை விருந்தினருமான டாக்டர் சி.வி.ஆனந்த போஸ், கோல் இந்தியா நிறுவனத்தின் சிஎஸ்ஆர் முன்முயற்சிகளைப் பாராட்டினார். சி.ஐ.எல்-ன் சமூக அர்ப்பணிப்பு பற்றி குறிப்பிட்ட போஸ், “நாம் ஒரு உருமாறும் சகாப்தத்தில் வாழ்கிறோம், உறவுகளை உருவாக்குவதற்கு அவசியமான எல்லைகளுக்கு அப்பால் நாம் பார்க்க வேண்டும்” என்று கூறினார். கார்ப்பரேட் சமூகப் பொறுப்புணர்வு (சிஎஸ்ஆர்) குடையின் கீழ், சி.ஐ.எல் நிறுவனம் நிறுவனமயமாக்கப்பட்டதிலிருந்து பத்தாண்டுகளில் ரூ.5,579 கோடியை செலவிட்டுள்ளது, இது சட்டப்பூர்வ தேவையை விட 31 சதவீதம் அதிகமாகும். சி.எஸ்.ஆர் செலவினத்தில் நாட்டின் முதல் மூன்று கார்ப்பரேட் நிறுவனங்களில் சிஐஎல் உள்ளது. சட்டப்பூர்வமாக கட்டாயமாக்கப்பட்ட சிஎஸ்ஆர்-ன் முதல் ஆண்டான நிதியாண்டு 2015 தொடங்கி, நிதியாண்டு  2024 வரையிலான பத்து ஆண்டு காலத்தில், சிஐஎல் ரூ.4,265 கோடியை செலவிட கட்டாயப்படுத்தப்பட்டது, ஆனால் நிறுவனம் அதை விட ரூ. 1,314 கோடி அதிகமாக இருந்தது. இக்காலகட்டத்தில் ஆண்டு சராசரி சமூக பொறுப்பு செலவு ரூ.558 கோடியாக இருந்தது.  நிலக்கரி அமைச்சகத்தின் செயலாளரும், கௌரவ விருந்தினருமான திரு விக்ரம் தேவ் தத் பேசுகையில், சி.எஸ்.ஆர் என்பது கோல் இந்தியா நிறுவனம், அதன் துணை நிறுவனங்களுக்கு நம்பிக்கைக்குரிய விஷயம் என்றும், ஜனவரி முதல் ஒவ்வொரு மாதமும் கருப்பொருள் அடிப்படையிலான பெருநிறுவன சமூக பொறுப்புணர்வு இருக்கும் என்றும் கூறினார். நிகழ்ச்சியில் பேசிய கோல் இந்தியா நிறுவனத்தின் தலைவர் திரு பி.எம்.பிரசாத், சிஐஎல் பெருநிறுவன சமூக பொறுப்புணர்வு நடவடிக்கைகளுக்கு தன்னை அர்ப்பணித்துக் கொண்டுள்ளது என்றும், கடந்த பத்தாண்டுகளில் நாடு தழுவிய அளவில் ரூ.5,570 கோடியை பெருநிறுவன சமூக பொறுப்புணர்வுக்காக செலவிட்டுள்ளது என்றும் அதில் பெரும்பகுதி சுகாதாரம் மற்றும் கல்வியில் கவனம் செலுத்துகிறது என்றும் கூறினார். சுகாதாரம், கல்வி மற்றும் வாழ்வாதாரம் ஆகியவற்றில் கோல் இந்தியா நிறுவனம் கவனம் செலுத்தியிருப்பது, பத்தாண்டின் மொத்த சமூக பொறுப்பு செலவினமான ரூ.5,579 கோடியில், இந்த மூன்று அத்தியாவசியத் துறைகளுக்கும் 71% ரூ.3,978 கோடியாக ஒதுக்கப்பட்டது.  மொத்த ஒதுக்கீட்டில் 50 சதவீதத்திற்கு அருகில் ரூ.2,770 கோடியுடன் சுகாதாரத் துறை முதலிடத்தில் உள்ளது. கல்வி மற்றும் வாழ்வாதாரம் 1,208 கோடி ரூபாய், இது மொத்தத்தில் ஐந்தில் ஒரு பங்காகும். மீதமுள்ள தொகை கிராமப்புற மேம்பாடு மற்றும் சுற்றுச்சூழல் நிலைத்தன்மை, விளையாட்டு ஊக்குவிப்பு, பேரிடர் மேலாண்மை போன்ற பிற துறைகளுக்குப்  பகிர்ந்தளிக்கப்பட்டது. ஒடிசா, சத்தீஸ்கர், ஜார்க்கண்ட், மத்தியப் பிரதேசம் மற்றும் மகாராஷ்டிராவை மையமாகக் கொண்டு, செயல்பாட்டில் உள்ள எட்டு மாநிலங்களில் 95 சதவீத சிஎஸ்ஆர் நிதி பயன்படுத்தப்பட்டது.

சர்தார் வல்லபாய் பட்டேல் நினைவு தினமான இன்று அவருக்கு பிரதமர் திரு. நரேந்திர மோடி மரியாதை அஞ்சலி செலுத்தியுள்ளார். திரு. பட்டேலின் ஆளுமையும், பணியும் நாட்டின் ஒற்றுமை, ஒருமைப்பாடு மற்றும் வளர்ச்சியடைந்த இந்தியா என்ற தீர்மானத்தை அடைவதற்கு குடிமக்களுக்கு தொடர்ந்து உத்வேகம் அளிக்கும் என்று அவர் கூறியுள்ளார். சமூக ஊடக எக்ஸ் தளத்தில் பிரதமர் கூறியிருப்பதாவது:  “நாட்டின் இரும்பு மனிதர் சர்தார் வல்லபாய் படேலின் நினைவு நாளில் அவருக்கு மாபெரும் அஞ்சலி. வளர்ச்சியடைந்த இந்தியாவின் ஒற்றுமை, ஒருமைப்பாடு மற்றும் உறுதியை அடைவதற்கு அவரது ஆளுமையும் பணியும் நாட்டு மக்களுக்கு உந்து சக்தியாக இருக்கும்’’.