2024-25 ஆம் நிதியாண்டின் முதல் பாதியில் முக்கிய தாதுக்கள் மற்றும் இரும்பு அல்லாத உலோகங்களின் உற்பத்தியில் திடமான வளர்ச்சி

2023-24 நிதியாண்டில் சாதனை உற்பத்தி அளவை எட்டிய பின்னர், நாட்டில் சில முக்கிய கனிமங்களின் உற்பத்தி 2024-25 நிதியாண்டில் தொடர்ந்து திடமான வளர்ச்சியைக் கண்டுள்ளது.

தற்காலிக தரவுகளின்படி, இரும்புத் தாது உற்பத்தி 2023-24 நிதியாண்டில் (ஏப்ரல்-செப்டம்பர்) 128 எம்எம்டி-யிலிருந்து 2024-25 நிதியாண்டில் (ஏப்ரல்-செப்டம்பர்) 135 எம்எம்டியாக அதிகரித்துள்ளது. இது ஆரோக்கியமான 5.5% வளர்ச்சியைக் காட்டுகிறது.

இரும்பு அல்லாத உலோகத் துறையில், 2024-25 நிதியாண்டில் (ஏப்ரல்-செப்டம்பர்) முதன்மை அலுமினிய உற்பத்தி கடந்த ஆண்டு இதே காலகட்டத்தை விட 1.2% வளர்ச்சியைப் பதிவு செய்தது.

இந்தியா 2-வது பெரிய அலுமினிய உற்பத்தியாளராகவும், சுத்திகரிக்கப்பட்ட தாமிர உற்பத்தியில் முதல் 10 இடங்களில் உள்ளதுடன்,  இந்த வளர்ச்சிப் போக்குகள் ஆற்றல், உள்கட்டமைப்பு, கட்டுமானம், வாகனம் மற்றும் இயந்திரங்கள் போன்ற பயனர் துறைகளில் தொடர்ச்சியான வலுவான பொருளாதார நடவடிக்கைகளை பிரதிபலிக்கின்றன.