Matribhumi Samachar Marathi
लिंक लिमिटेडच्या अनुभवात्मक रिटेल संकल्पनेचे स्काय सिटी मॉल येथे दुसरे स्टोअर सुरू
मुंबई, सप्टेंबर २०२६: विचारपूर्वक निवडलेल्या लेखन साहित्यापासून (रायटिंग इन्स्ट्रुमेंट्स) ते कला साहित्य, आधुनिक भेटवस्तू आणि कार्यस्थळाच्या (वर्कस्पेस) आवश्यक वस्तूंपर्यंत स्टॅकू मुंबईत दैनंदिन रिटेलसाठी अधिक प्रभावी आणि आकर्षक दृष्टिकोन घेऊन येत आहे. लिंक लिमिटेडच्या या प्रीमियम लाइफस्टाइल संकल्पनेने स्काय सिटी येथे भारतातील आपले दुसरे स्टोअर सुरू केले आहे.
लिंक लिमिटेडचे पूर्णवेळ संचालक श्री. अलोक जालान यांच्या हस्ते उद्घाटन करण्यात आलेले हे नवीन स्टोअर प्रीमियम व दैनंदिन लेखन साहित्य, स्टेशनरी, नोटबुक्स व कागदी उत्पादने, आर्ट व कलर सप्लाय, ऑफिसच्या आवश्यक वस्तू, लाइफस्टाइल अॅक्सेसरीज, शालेय साहित्य आणि भेटवस्तू यांमधील २००० पेक्षा जास्त एसकेयू एकाच छताखाली आणते. विद्यार्थी, तरुण व्यावसायिक, आर्टिस्ट्स, क्रिएटर्स, कॉर्पोरेट एक्झिक्युटिव्ह आणि भेटवस्तू खरेदी करणाऱ्या ग्राहकांच्या गरजा लक्षात घेऊन डिझाइन केलेले हे स्टोअर आधुनिक रिटेल वातावरणात उपयुक्तता आणि आकर्षकतेचा मेळ घालते.
मुंबईतील या उद्घाटनाबाबत मत व्यक्त करत लिंक लिमिटेडचे पूर्णवेळ संचालक श्री. अलोक जालान म्हणाले, “स्टॅकूची निर्मिती एका सोप्या, पण दृढ विचारातून झाली आहे – आपण रोज वापरत असलेल्या गोष्टी आपल्याला प्रेरित करू शकतात, आपले व्यक्तिमत्त्व दर्शवू शकतात आणि सामान्य क्षणांना अधिक विशेष बनवू शकतात. सर्जनशीलता, गुणवत्ता आणि आत्मअभिव्यक्तीमध्ये मूळ असलेल्या संकल्पनेसाठी मुंबई ही उत्साही बाजारपेठ आहे. कोलकातामधील पदार्पणानंतर, हे स्टोअर स्टॅकूला अधिक ग्राहकांपर्यंत पोहोचवण्याचा आणि शोध, डिझाइन व प्रीमियम उत्पादनांभोवती विशिष्ट रिटेल अनुभव तयार करण्याचा आमचा उद्देश दर्शवते.”
स्टॅकू मुंबईमध्ये, हा अनुभव केवळ शेल्फ्स पाहण्यापुरता मर्यादित राहत नाही. हे स्टोअर एका आकर्षक वातावरणात डिझाइन करण्यात आले आहे, जिथे ग्राहक उत्पादने खरेदी करण्यापूर्वी त्यांचा शोध घेऊ शकतात, पाहू शकतात आणि त्यांचा अनुभव घेऊ शकतात. याचे एक प्रमुख वैशिष्ट्य म्हणजे पोस्का एक्सपिरिअन्स वॉल, जिथे ग्राहक विविध पृष्ठभागांवर पोस्का मार्केर्सचा वापर करून प्रयोग करू शकतात. याला जोड म्हणून एक समर्पित कार्यशाळा (वर्कशॉप) आणि प्रत्यक्ष प्रात्यक्षिक (लाइव्ह डेमोन्स्ट्रेशन) क्षेत्र आहे, जे सर्जनशील सहभाग आणि उत्पादनांचा शोध घेण्याच्या संधी निर्माण करते.
या श्रेणीमध्ये लेखन, कला, कागद, वर्कस्पेस, लाइफस्टाइल, शिक्षण आणि भेटवस्तूंचे विस्तृत कलेक्शन समाविष्ट आहे. प्रीमियम पोर्टफोलिओमध्ये लॅमी आणि क्रॉस यांसारख्या जागतिक स्तरावर मान्यताप्राप्त ब्रँड्सचा समावेश आहे, सोबत लिंक, पेनटोनिक, युनिबॉल, मॉरिस, स्वाइप आणि डेली यांसारखे भारतातील आणि आंतरराष्ट्रीय स्तरावरील अग्रगण्य ब्रँड्सही उपलब्ध आहेत. ज्या प्रसंगी अधिक वैयक्तिक स्पर्शाची गरज असते, तेथे गिफ्ट-रॅपिंग आणि पर्सनलायझेशन सेवा स्टॅकूच्या भेटवस्तू देण्याच्या अनुभवाला अधिक खास आणि वैशिष्ट्यपूर्ण बनवतात.
मुंबईतील या स्टोअरद्वारे, स्टॅकू स्टेशनरी आणि लाइफस्टाइल डेस्टिनेशन कसे असू शकते याबद्दलचा एक व्यापक दृष्टिकोन मांडत आहे, तसेच नाविन्यता, उत्पादकता, डिझाइन आणि आत्मअभिव्यक्ती एकाच छताखाली आणत आहे. हा प्रस्ताव लिंक लिमिटेडची स्टॅकूला एका विशिष्ट प्रीमियम रिटेल ब्रँडच्या रूपात विकसित करण्याची मोठी महत्त्वाकांक्षा दर्शवतो, जो केवळ उपयुक्तच नाही तर विचारपूर्वक डिझाइन केलेली आणि प्रेरणादायी उत्पादने शोधणाऱ्या ग्राहकांच्या पसंतीस उतरेल.
लिंक लिमिटेडचे मॅनेजिंग डायरेक्टर श्री. दीपक जालान म्हणाले, “स्टॅकू आधुनिक ग्राहकांबद्दल आमच्या विकसित होत असलेल्या आकलनाचे प्रतीक आहे, अशा ग्राहकांसाठी जे उपयुक्ततेइतकेच गुणवत्ता, डिझाइन आणि अनुभवाला महत्त्व देतात. मुंबई आम्हाला हा प्रस्ताव एका नवीन आणि वैविध्यपूर्ण ग्राहकांसमोर मांडण्याची संधी देते. आमच्या दुसऱ्या स्टोअरचे उद्घाटन ब्रँडसाठी एक महत्त्वपूर्ण टप्पा आहे आणि स्टॅकूला स्वतःची प्रबळ रिटेल ओळख असलेल्या प्रीमियम लाइफस्टाइल डेस्टिनेशनमध्ये विकसित करण्याची मोठी क्षमता आम्हाला यात दिसते.”
निवडक उत्पादने, जागतिक स्तरावर ओळखले जाणारे ब्रँड्स आणि संवादात्मक अनुभवांच्या संयोजनासह स्टॅकू मुंबईचे उद्दिष्ट दैनंदिन खरेदीदारांसोबत सूक्ष्मदर्शी संग्रहक, सर्जनशील व्यावसायिक आणि विचारपूर्वक भेटवस्तू खरेदी करणाऱ्यांना आकर्षित करणारे स्थान निर्माण करणे हे आहे.
Featured Article
