National

அரசுத் துறைகள், அமைப்புகளில் புதிதாக நியமனம் செய்யப்பட்ட 71,000 இளைஞர்களுக்கு பணி நியமன ஆணைகளை பிரதமர் திரு. நரேந்திர மோடி, காணொலிக் காட்சி மூலம்  இன்று வழங்கினார். வேலைவாய்ப்பு உருவாக்கத்திற்கு முன்னுரிமை அளிப்பதில் பிரதமரின் உறுதிப்பாட்டை இந்த வேலைவாய்ப்புத் திருவிழா எடுத்துக் காட்டுவதாக உள்ளது. நாட்டைக் கட்டமைப்பது, சுய அதிகாரமளித்தல் ஆகியவற்றிற்கு பங்களிப்பதற்கான அர்த்தமுள்ள வாய்ப்புகளை வழங்குவதன் மூலம் இளைஞர்களுக்கு அதிகாரம் அளிக்கும். வேலைவாய்ப்புத் திருவிழாவில் உரையாற்றிய பிரதமர் , குவைத் …

இந்திய கடற்படையின் செயல்பாட்டுத் தயார்நிலையில் கடற்படை சிவிலியன்களின் விலைமதிப்பற்ற பங்களிப்பை கவுரவிப்பதற்கும் அங்கீகரிப்பதற்கும், 30 டிசம்பர் 2024 அன்று புதுதில்லியில் உள்ள டிஆர்டிஓ பவன்  டாக்டர். டிஎஸ் கோத்தாரி ஆடிட்டோரியத்தில், பாதுகாப்புத் துறை அமைச்சர்  பிரதம விருந்தினராக கலந்து கொண்டு சிறப்பிக்கவுள்ளார். இந்தியக் கடற்படையானது 2024ஆம் ஆண்டை ‘கடற்படை சிவிலியன்கள் ஆண்டாக’  அறிவித்தது, அதன் நிர்வாகம் மற்றும் அதன் சிவிலியன் பணியாளர்களின் நல்வாழ்வை மேம்படுத்துகிறது. இந்த அர்ப்பணிப்பு ஆண்டு, சிவிலியன் மனிதவள நிர்வாகத்தை மேம்படுத்துதல் மற்றும் சிவிலியன் பணியாளர்களின் தொழில்முறை மற்றும் தனிப்பட்ட வளர்ச்சியின் பல்வேறு அம்சங்களைக் குறிப்பிட்ட காலக்கெடுவிற்குள் நிவர்த்தி செய்வதை நோக்கமாகக் கொண்ட தொடர்ச்சியான கவனம் செலுத்தும் நடவடிக்கைகளைக் கண்டது. ஆண்டு முழுவதும், நிர்வாகத் திறனை அதிகரிக்கவும், டிஜிட்டல் மாற்றத்தை தழுவவும், புதுமையான பயிற்சி திட்டங்களை அறிமுகப்படுத்தவும், நலன்புரி செயல்பாடுகளை மேம்படுத்தவும் பல முயற்சிகள் செயல்படுத்தப்பட்டன. ‘கடற்படை சிவிலியன்ஸ் ஆண்டில்’ எட்டப்பட்ட முக்கிய மைல்கற்கள், சிவில் பணியாளர்கள் இயக்குநரகத்திற்கான குடிமக்கள் சாசனம், சிவிலியன் பணியாளர் மேலாண்மை குறித்த திருத்தப்பட்ட மனிதவள கையேடு மற்றும் கடற்படை சிவில் மனிதவள மேலாண்மைக்கான பார்வை ஆவணம் போன்ற முக்கிய கொள்கைகள் மற்றும் ஆவணங்களை வெளியிடுதல் ஆகியவை அடங்கும். கடலில் கப்பல்களில் பணிபுரியும் சிவிலியன் பணியாளர்களுக்கு காப்பீடு வழங்குதல் மற்றும் மும்பையில் உள்ள 21 தொழிற்துறை பிரிவுகளுக்கு சிஜிஎச்எஸ்  வசதிகளை விரிவுபடுத்துதல் உள்ளிட்ட நலன் மற்றும் பாதுகாப்பை மேம்படுத்த பல்வேறு நடவடிக்கைகள் மேற்கொள்ளப்பட்டன. சிறப்புப் பயிலரங்குகள்  மற்றும் பயிற்சித் திட்டங்களை நடத்துவதன் மூலம் சிவிலியன்  பணியாளர்களுக்கான பயிற்சி மற்றும் மேம்பாடு வலியுறுத்தப்பட்டது. கடற்படை சிவிலியன்களுக்கான iGOT தளத்தில் பயிற்சி தொகுதிகள் அறிமுகப்படுத்தப்பட்டுள்ளன. நிதி நன்மைகளை வலுப்படுத்துவதை நோக்கி; பஜாஜ் லைஃப் இன்சூரன்ஸ் உடனான புரிந்துணர்வு ஒப்பந்தம் சிவிலியன் பணியாளர்களின் ஆயுள் காப்பீட்டுக்காக கையெழுத்திடப்பட்டுள்ளது.  அனைத்து கடற்படை சிவிலியன்களுக்கும் பாதுகாப்பு சம்பள தொகுப்பு நீட்டிக்கப்பட்டுள்ளது. ‘கடற்படை சிவிலியன்கள் ஆண்டு’, தேசத்தின் கடல்சார் பாதுகாப்பு மற்றும் செயல்பாட்டு சிறப்பை உறுதி செய்வதில் அதன் சிவிலியன் பணியாளர்களின் முக்கிய பங்கை அங்கீகரிப்பதில் இந்திய கடற்படையின் உறுதிப்பாட்டை அடிக்கோடிட்டுக் காட்டுகிறது. இந்த முயற்சியானது அனைத்து பங்குதாரர்களுக்கும் வலுவான மற்றும் உள்ளடக்கிய சூழலை வளர்ப்பதற்கான ஒரு சான்றாக விளங்குகிறது.

71,000 க்கும் மேற்பட்ட நியமனக் கடிதங்களை புதிதாக நியமனம் செய்யப்பட்டவர்களுக்கு  பிரதமர் திரு நரேந்திர மோடி டிசம்பர் 23 அன்று காலை 10:30 மணியளவில் காணொலிக் காட்சி மூலம் வழங்குகிறார். இந்த நிகழ்ச்சியில் திரண்டிருப்பவர்களிடையே அவர் உரையாற்றுகிறார். வேலைவாய்ப்பை உருவாக்குவதற்கு உயர் முன்னுரிமை அளிக்க வேண்டும் என்ற பிரதமரின் வாக்குறுதியை நிறைவேற்றும் வகையில் வேலைவாய்ப்பு திருவிழா அமைந்துள்ளது. தேச கட்டமைப்பு மற்றும் சுய அதிகாரமளித்தல் ஆகியவற்றில் இளைஞர்களின் பங்கேற்புக்கு அர்த்தமுள்ள வாய்ப்புகளை இது வழங்கும். நாடு முழுவதும் 45 இடங்களில் வேலைவாய்ப்பு திருவிழா நடைபெற உள்ளது. மத்திய அரசின் பல்வேறு அமைச்சகங்கள் மற்றும் துறைகளுக்கான பணி நியமனங்கள் நடைபெற்று வருகிறது. நாடு முழுவதிலுமிருந்து தேர்ந்தெடுக்கப்பட்ட புதிய நியமனங்கள், உள்துறை அமைச்சகம், அஞ்சல் துறை, உயர் கல்வித் துறை, சுகாதாரம் மற்றும் குடும்ப நல அமைச்சகம், நிதி சேவைகள் துறை உள்ளிட்ட பல்வேறு அமைச்சகங்கள் / துறைகளில் அமையும்.

டிசம்பர் 23ஆம் தேதி மாலை 6:30 மணிக்கு புதுதில்லியில் உள்ள சிபிசிஐ மைய வளாகத்தில் இந்திய கத்தோலிக்க ஆயர்கள் பேரவை  நடத்தும் கிறிஸ்துமஸ் கொண்டாட்டங்களில் பிரதமர் திரு நரேந்திர மோடி கலந்து கொள்கிறார். கர்தினால்கள், பிஷப்கள் மற்றும் திருச்சபையின் முக்கிய தலைவர்கள் உட்பட கிறிஸ்தவ சமூகத்தைச் சேர்ந்த முக்கிய தலைவர்களுடன் பிரதமர் உரையாடுவார். இந்தியாவில் உள்ள கத்தோலிக்க திருச்சபையின் தலைமையகத்தில் இதுபோன்ற நிகழ்ச்சியில் பிரதமர் ஒருவர் கலந்து கொள்வது இதுவே …

விவசாயம், கிராமப்புற மேம்பாடு மற்றும் பத்திரிக்கைத் துறையில் சிறந்து விளங்கும் சாதனையாளர்களை கவுரவிக்கும் 2024 ஆம் ஆண்டுக்கான சவுத்ரி சரண் சிங் விருதுகளை குடியரசு துணைத் தலைவர் திரு ஜக்தீப் தன்கர் இன்று வழங்கினார். நிகழ்ச்சியில் பேசிய திரு தன்கர், சௌத்ரி சரண் சிங்கின் அசாதாரண பாரம்பரியத்தைப் பாராட்டினார், கிராமப்புற மேம்பாடு, விவசாயிகள் நலன் மற்றும் அனைவரையும் உள்ளடக்கிய வளர்ச்சியில் அவரது இடைவிடாத அர்ப்பணிப்பை அவர் சுட்டிக்காட்டினார். “சௌத்ரி சரண் சிங் நாட்டின் தலைசிறந்த மனிதர்களில் ஒருவர். வெளிப்படைத்தன்மை, பொறுப்புடைமை, ஒருமைப்பாடு, கிராமப்புற மேம்பாட்டிற்கான அர்ப்பணிப்பு, விவசாயிகளுக்கான அர்ப்பணிப்பு மற்றும் தனது கருத்துக்களை அச்சமின்றி வெளிப்படுத்தும் ஒரு தலைவர் , ”என்று குடியரசு துணைத் தலைவர் கூறினார். “சௌத்ரி சரண் சிங் கம்பீரமான தன்மை, அரசாட்சி, தொலைநோக்கு மற்றும் உள்ளடக்கிய வளர்ச்சி ஆகியவற்றால் வரையறுக்கப்படுகிறார். அவர் இந்தியக் குடியரசின் மிகப்பெரிய மாநிலத்தின் முதல் முதலமைச்சராகவும், பின்னர் பிரதமராகவும் ஆனார் என்பதில் ஆச்சரியமில்லை என்று திரு தன்கர் கூறினார். அவரது பங்களிப்புகளுக்கு அங்கீகாரம் கிடைக்காதது குறித்து கவலை தெரிவித்த அவர், “இந்த மனிதரின் மகத்தான பங்களிப்பை மதிப்பிடுவதில் மக்கள் தொலைநோக்கு பார்வையற்றவர்களாக இருப்பது மனதிற்கு வேதனை அளிக்கிறது. அவரது அற்புதமான குணங்கள், அவரது ஆழ்ந்த அர்ப்பணிப்பு மற்றும் கிராமப்புற இந்தியா பற்றிய அவரது அறிவு ஆகியவை உலகெங்கிலும் உள்ள அறிவொளி பெற்ற நபர்களின் பிரதிபலிப்புக்கு உட்பட்டவை. மண்ணின் மகன், அவர் கிராமப்புற இந்தியாவை மட்டுமல்ல, நகர்ப்புற இந்தியாவையும் நமது நாகரிக நெறிமுறைகளுடன் இணைந்த பார்வையுடன் கவனத்தில் கொண்டார்’’ என்றார். இன்று புது தில்லியில் சௌத்ரி சரண் சிங் விருதுகள் 2024 விருது பெற்றவர்களிடம் உரையாற்றிய குடியரசு துணைத் தலைவர், “கிராமப்புற வளர்ச்சியின் முதுகெலும்பு விவசாயம். விவசாயம் வளர்ச்சியடையாத வரை, கிராமப்புற நிலப்பரப்பை மாற்ற முடியாது. கிராமப்புற நிலப்பரப்பு மாறாத வரை, நாம் ஒரு வளர்ந்த தேசத்தை விரும்ப முடியாது என்று கூறினார். இந்தியாவின் பொருளாதாரப் பாதையைப் பற்றி விவாதித்த அவர், “சந்தேகத்திற்கு இடமின்றி, தற்போது, இந்தியா முன் எப்போதும் இல்லாத வகையில் உயர்ந்து வருகிறது. சந்தேகத்திற்கு இடமின்றி, நமது பொருளாதாரம் வளர்ந்து வருகிறது. நாங்கள் உலகளவில் ஐந்தாவது பெரிய நாடு மற்றும் ஜப்பான் மற்றும் ஜெர்மனியை விட மூன்றாவது பெரிய இடத்தைப் பெறுவதற்கான பாதையில் இருக்கிறோம். ஆனால் 2047-க்குள் வளர்ந்த நாடாக இருக்க, நமது வருமானம் எட்டு மடங்கு அதிகரிக்க வேண்டும் – இது ஒரு கடினமான சவால்’’ என்றார். இந்தச் சவாலை எதிர்கொள்ள, கிராமப் பொருளாதாரத்தை வலுப்படுத்த வேண்டியதன் அவசியத்தை  அவர் வலியுறுத்தினார்: “விவசாயிகளும் அவர்களது குடும்பமும் சந்தைப்படுத்துதல், மதிப்பு கூட்டுதல், மற்றும் கிளஸ்டர்களை உருவாக்குதல் போன்றவற்றில் ஈடுபட்டு தன்னிறைவுக்கு வழிவகுக்கும் போதுதான் கிராமப் பொருளாதாரம் உயரும். எங்களிடம் உள்ள மிகப்பெரிய சந்தை விவசாய விளைபொருள்கள் ஆகும், இருப்பினும் விவசாய சமூகங்கள் அதில் ஈடுபடவில்லை. விவசாயத் துறையானது பொருளாதார வளர்ச்சியின் இயந்திரமாக மாறுவதற்கு அரசுகளால் முன்னுரிமை அளிக்கப்பட வேண்டும் ‘’ என கேட்டுக் கொண்டார். குடியரசுத் துணைத் தலைவர் ஜனநாயகத்தின் சாரத்தை அடிக்கோடிட்டுக் காட்டினார்: “வெளிப்பாடும் உரையாடலும் ஜனநாயகத்தை வரையறுக்கின்றன. ஒரு நாடு எவ்வளவு ஜனநாயகமானது என்பது அதன் தனிநபர்கள் மற்றும் அமைப்புகளின் வெளிப்பாட்டின் நிலையால் வரையறுக்கப்படுகிறது. எந்தவொரு ஜனநாயகமும் வெற்றிபெற வேண்டுமானால், இரு தரப்பிலும் பெரும் பொறுப்புடன் கருத்துப் பரிமாற்றமும் உரையாடலும் ஒன்றாகச் செல்ல வேண்டும் என்றார். நாடாளுமன்ற உறுப்பினர்கள் மத்தியில் பொறுப்பு வேண்டும் என்று அவர் அழைப்பு விடுத்தார்.  “இந்த விருதுகள், சந்ததியினர் சுயமாக நிலைநிறுத்தப்பட வேண்டும் என்பதற்காகக் கட்டமைக்கப்பட வேண்டும். செயல்பாட்டின் நெகிழ்வுத்தன்மைக்கு நிதி வலிமை அடிப்படையாகும். கிராமப்புற இந்தியாவின் நலன், விவசாயிகளின் நலன் – அது கார்ப்பரேட் துறை, அறிவுஜீவிகள் அல்லது பிற சமூகங்களில் இருந்து வருபவர்கள் – இது போன்ற நம்பிக்கையை வளர்க்க முன்வர வேண்டும். மற்றொரு சௌத்ரி சரண் சிங் வருவதற்கான நேரம் இது’’ என அவர் தெரிவித்தார். சௌத்ரி சரண் சிங் விருதுகள் 2024 விவசாயம், கிராமப்புற மேம்பாடு மற்றும் பத்திரிகை ஆகியவற்றில் குறிப்பிடத்தக்க பங்களிப்பைக் கொண்டாடியது. கலாம் ரத்னா விருது திருமதி நீரஜா சௌத்ரிக்கு நுண்ணறிவு கொண்ட பத்திரிகையில் அர்ப்பணிப்பிற்காக வழங்கப்பட்டது. “இந்தியாவின் நீர்மனிதன்” டாக்டர் ராஜேந்திர சிங்கிற்கு நீர் பாதுகாப்பில் முன்னோடியாக இருந்த முயற்சிகளுக்காக சேவா ரத்னா விருது வழங்கப்பட்டது. விவசாய ஆராய்ச்சி மற்றும் கண்டுபிடிப்புகளை மேம்படுத்தியதற்காக டாக்டர் ஃபிரோஸ் ஹொசைனுக்கு கிரிஷாக் உத்தன் விருது கிடைத்தது. கடைசியாக, கிசான் விருது திரு. ப்ரீதம் சிங்கின் விவசாயச் சிறப்பிற்கு அவர் ஆற்றிய பங்களிப்பிற்காக வழங்கப்பட்டது. திறன் மேம்பாடு மற்றும் தொழில்முனைவோர்க்கான மத்திய இணை அமைச்சர் (தனி பொறுப்பு)  திரு ஜெயந்த் சவுத்ரி, மற்றும் பிற பிரமுகர்களும் நிகழ்ச்சியில் கலந்து கொண்டனர்.

விமானப்படையின் சிறப்புப் படையான கருட்’ கமாண்டோக்கள் பயிற்சியை வெற்றிகரமாக முடித்ததைக் குறிக்கும் வகையில், கருஞ்சிவப்பு தொப்பி (மெரூன் பெரெட்) அணிந்து செல்லும் சம்பிரதாய அணிவகுப்பு இன்று (21 டிசம்பர் 2024) சண்டிநகர் விமானப்படை நிலையத்தின் கருட் ரெஜிமென்டல் பயிற்சி மையத்தில் (GRTC) நடைபெற்றது. இந்த நிகழ்வின் சிறப்பு விருந்தினராக விமானப் பணியாளர் செயல்பாடுகளின் (போக்குவரத்து – ஹெலிகாப்டர்) துணைத் தலைவர் அணிவகுப்பை பார்வையிட்டார். சிறப்பு விருந்தினர் பேசுகையில் ‘கருட்’ வீரர்களுக்கு அவர்களின் வெற்றிகரமான தேர்ச்சிக்கு வாழ்த்து தெரிவித்தார். இளம் கமாண்டோக்களிடையே உரையாற்றிய அவர் , வேகமாக மாறிவரும் பாதுகாப்பு சூழ்நிலைக்கு ஏற்ப சிறப்புப் படை திறன்களை மேம்படுத்துவது, கடுமையான பயிற்சி அளிப்பது ஆகியவற்றின் முக்கியத்துவத்தை வலியுறுத்தினார். வெற்றி பெற்ற ‘கருட்’ பயிற்சியாளர்களுக்கு மெரூன் பெரட், கருட் தேர்ச்சி பேட்ஜ் ஆகியவற்றை வழங்கிய அவர், விருது பெற்றவர்களுக்கு கோப்பைகளையும் வழங்கினார். மெரூன் பெரெட் சடங்கு அணிவகுப்பு என்பது ‘கருட்’ வீரர்களுக்கு பெருமை, சாதனையின் தருணமாகும். உயரடுக்கு ‘கருட்’ படையில் இணைந்துள்ள ‘இளம் சிறப்புப் படையினர், இந்திய விமானப்படையின் செயல்பாட்டுத் திறனுக்கு மேலும் பலம் சேர்ப்பார்கள்.

உலக தியான தினமான இன்று, தியானத்தை தங்களின் அன்றாட வாழ்வின் ஒரு பகுதியாக மாற்றுமாறு பிரதமர் திரு நரேந்திர மோடி அனைவருக்கும் அழைப்பு விடுத்துள்ளார். தியானம் என்பது ஒருவருடைய வாழ்க்கையிலும், நமது சமூகம் மற்றும்  பூமியிலும் அமைதி மற்றும் நல்லிணக்கத்தைக் கொண்டுவருவதற்கான ஒரு சக்திவாய்ந்த வழியாகும் என்று பிரதமர் திரு மோடி குறிப்பிட்டுள்ளார். சமூக ஊடக எக்ஸ் தளத்தில் அவர் வெளியிட்டுள்ள எக்ஸ் தளப் பதிவில் கூறியிருப்பதாவது; “இன்று, உலக தியான தினத்தில், தியானத்தை தங்கள் அன்றாட வாழ்வின் ஒரு பகுதியாக ஆக்கி, அதன் மாற்றும் திறனை அனுபவிக்குமாறு அனைவருக்கும் அழைப்பு விடுக்கிறேன். தியானம் என்பது ஒருவரின் வாழ்க்கையிலும், நமது சமூகம் மற்றும் பூமிக் கிரகத்திற்கும் அமைதி மற்றும் நல்லிணக்கத்தைக் கொண்டுவருவதற்கான ஒரு சக்திவாய்ந்த வழியாகும். தொழில்நுட்ப யுகத்தில், செயலிகள் மற்றும் வழிகாட்டும் காணொலிகள்  தியானத்தை நமது அன்றாட நடவடிக்கைகளில்  இணைக்க உதவும் மதிப்புமிக்க கருவிகளாக இருக்கும்’’.

2024-ம் ஆண்டில் உணவு மற்றும் பொது விநியோகத்துறை மேற்கொண்ட முக்கிய நடவடிக்கைகள் வருமாறு:- ஏழைகள் மற்றும் நலிவடைந்த பிரிவினர் நாட்டில் கோவிட் பெருந்தொற்று காரணமாக ஏற்பட்ட பொருளாதார இடையூறுகளால் பெரும் பாதிப்புக்கு உள்ளானார்கள். இதனை கருத்தில் கொண்டு பிரதமரின் ஏழைகள் நலவாழ்வு உணவுத் திட்டத்தின்(கரீப் கல்யாண் அன்ன யோஜனா)கீழ் இலவச உணவு தானியங்கள் வழங்கப்பட்டன. இந்த திட்டத்தின் கீழ் இதுவரையிலான 7 கட்டங்களில் 1118 லட்சம் மெட்ரிக்டன் உணவு தானியங்கள் ஒதுக்கப்பட்டது. …

அஞ்சல் துறை இந்த ஆண்டில் குறிப்பிடத்தக்க சாதனைகள், முன்னேற்றங்கள் மற்றும் மைல்கற்களை  படைத்துள்ளது. இவை சேவை வழங்கலை மேம்படுத்துவதற்கும் நாட்டின் வளர்ச்சிக்கு பங்களிப்பதற்குமான அதன் அர்ப்பணிப்பை பிரதிபலிக்கின்றன. 2024-ம் ஆண்டிற்கான முக்கிய முயற்சிகள் மற்றும் முன்னேற்றங்கள் பற்றிய  சிறு கண்ணோட்டம்: அஞ்சல் நிலைய சட்டம்  2023 என்ற புதிய அஞ்சல் சட்டத்தை நாடாளுமன்றம் நிறைவேற்றியது. இது டிசம்பர் 24, 2023 அன்று குடியரசுத் தலைவரின் ஒப்புதலைப் பெற்றது. இந்த சட்டம் ஜூன் 18, 2024 அன்று நடைமுறைக்கு வந்தது, இது 1898-ம் ஆண்டின் இந்திய  …

நாடாளுமன்றத்தின் கண்ணியத்தையும், ஒழுங்கையும்  காக்க வேண்டியது அனைத்து உறுப்பினர்களின் கூட்டுப் பொறுப்பு என்று மக்களவைத் தலைவர் திரு ஓம் பிர்லா இன்று குறிப்பிட்டுள்ளார். 18-வது மக்களவையின் (குளிர்கால கூட்டத்தொடர்) மூன்றாவது கூட்டத்தொடர் இன்று முடிவடைந்த நிலையில், நாடாளுமன்றத்தின் எந்த வாயிலிலும் தர்ணாக்கள் அல்லது ஆர்ப்பாட்டங்களை நடத்துவது பொருத்தமானதல்ல என்று அவர் வலியுறுத்தினார். அத்தகைய விதிமுறைகள் மீறப்பட்டால், அதன் கண்ணியத்தையும் ஒழுங்கையும் பராமரிக்க தேவையான நடவடிக்கை எடுக்க நாடாளுமன்றத்திற்கு உரிமை உண்டு என்று அவர் மேலும் கூறினார். அனைத்து உறுப்பினர்களும், அனைத்து …