പുനർരൂപകൽപ്പന ചെയ്ത ദേശീയ യുവജനോത്സവം 2025 ‘വികസിത് ഭാരത് യങ് ലീഡേഴ്‌സ് ഡയലോഗ്’ പ്രഖ്യാപിച്ച്: ഡോ. മൻസുഖ് മാണ്ഡവ്യ

പുനർരൂപകൽപ്പന ചെയ്ത ദേശീയ യുവജനോത്സവം (NYF) 2025 പ്രഖ്യാപിച്ച് കേന്ദ്ര യുവജനകാര്യ- കായിക മന്ത്രി ഡോ. മൻസുഖ് മാണ്ഡവ്യ. ഇന്ന് ന്യൂഡൽഹിയിൽ നടത്തിയ വാർത്താ സമ്മേളനത്തിലാണ് അദ്ദേഹം പ്രഖ്യാപനം നടത്തിയത്. ഇന്ത്യയുടെ ഭാവി രൂപപ്പെടുത്തുന്നതിൽ യുവജന പങ്കാളിത്തം വർദ്ധിപ്പിക്കുന്നതിനുള്ള പ്രധാനമന്ത്രിയുടെ കാഴ്ചപ്പാട് സൂചിപ്പിക്കുന്നതാണ് പരിപാടി. പുനർരൂപകൽപ്പന ചെയ്ത യുവജനോത്സവത്തിന് “വികസിത് ഭാരത് യങ് ലീഡേഴ്‌സ് ഡയലോഗ്” എന്നാണ് പേരിട്ടത്.

 “യുവ പ്രതിഭകളെ തിരിച്ചറിയുന്നതിനും പരിപോഷിപ്പിക്കുന്നതിനുമാണ് മേള ലക്ഷ്യമിടുന്നത്. ഇത് വികസിത ഭാരതത്തിനായി അവരുടെ ആശയങ്ങൾ പങ്കിടാനുള്ള വേദിയൊരുക്കുന്നു. പ്രധാനമന്ത്രിയുമായി നേരിട്ട് സംവദിക്കാനും ഇന്ത്യയുടെ ഭാവിയെക്കുറിച്ചുള്ള അവരുടെ ആശയങ്ങൾ അവതരിപ്പിക്കാനുമുള്ള അവസരവും യുവാക്കൾക്കു ലഭിക്കുന്ന സവിശേഷ അവസരമാണിത് ” – വികസിത് ഭാരത് യങ് ലീഡേഴ്‌സ് ഡയലോഗിൻ്റെ പ്രധാന ലക്ഷ്യങ്ങൾ വിവരിച്ച് കേന്ദ്രമന്ത്രി ഡോ. മൻസുഖ് മാണ്ഡവ്യ പറഞ്ഞു.

ഈ വർഷത്തെ വികസിത് ഭാരത് യംഗ് ലീഡേഴ്‌സ് ഡയലോഗ്,രണ്ട് പ്രധാന ലക്ഷ്യങ്ങളെ കേന്ദ്രീകരിച്ച് ചിന്താപൂർവ്വം ആസൂത്രണം ചെയ്തതാണെന്ന് കേന്ദ്രമന്ത്രി പ്രസ്താവിച്ചു. ഒന്നാമതായി, പുതിയ യുവനേതാക്കളെ രാഷ്ട്രീയത്തിലേക്ക് കൊണ്ടുവരാൻ ലക്ഷ്യമിടുന്നു .ഈ മേഖലകളിൽ രാഷ്ട്രീയേതര പശ്ചാത്തലമുള്ള ഒരു ലക്ഷം യുവാക്കളെ ഉൾപ്പെടുത്താനായി സ്വാതന്ത്ര്യദിന പ്രസംഗത്തിൽ ബഹുമാനപ്പെട്ട പ്രധാനമന്ത്രിയുടെ ആഹ്വാനത്തിനോടുള്ള പ്രതികരണമാണിത്.

രണ്ടാമതായി, സുതാര്യവും ജനാധിപത്യപരവും യോഗ്യതാധിഷ്ഠിതവുമായ തിരഞ്ഞെടുപ്പ് സംവിധാനത്തിലൂടെ വികസിത ഭാരതത്തിലേക്ക് യുവാക്കളുടെ അർത്ഥവത്തായ സംഭാവന ഉറപ്പാക്കുക.

ഒരു വികസിത ഭാരതം കെട്ടിപ്പടുക്കുന്നതിന് യുവശക്തിയുടെ സാധ്യതകൾ ഉപയോഗപ്പെടുത്താനുള്ള ഗവൺമെന്റിന്റെ പ്രതിജ്ഞാബദ്ധത ആവർത്തിച്ച് ഉറപ്പിച്ചുകൊണ്ട്, യോഗ്യരായ എല്ലാ യുവാക്കളോടും ഈ സുപ്രധാന പരിപാടിയിൽ   പങ്കെടുക്കാൻ ഡോ. മാണ്ഡവ്യ അഭ്യർത്ഥിച്ചു.

 വികസിത് ഭാരത് ചലഞ്ച്-ഒരു നാല്-ഘട്ട മത്സരം അവതരിപ്പിക്കുന്നു:

 ദേശീയ യുവജനോത്സവത്തിൻ്റെ പുനർരൂപകൽപ്പനയായ വികസിത് ഭാരത് യംഗ് ലീഡേഴ്‌സ് ഡയലോഗ്, ഇന്ത്യയുടെ ഭാവി രൂപപ്പെടുത്തുന്നതിൽ യുവാക്കളുടെ പങ്കാളിത്തം പ്രചോദിപ്പിക്കുന്നതിനുള്ള നാല്-ഘട്ട മത്സരമായ വികസിത് ഭാരത് ചലഞ്ച് അവതരിപ്പിക്കുന്നു. ഈ മത്സരം ഇനിപ്പറയുന്ന രീതിയിൽ നടത്തുന്നതാണ് :

 2024 നവംബർ 25 നും 2024 ഡിസംബർ 5 നും ഇടയിൽ മേരാ യുവ ഭാരത് (MY ഭാരത്) പ്ലാറ്റ്‌ഫോമിൽ അവതരിപ്പിക്കുന്ന ഡിജിറ്റൽ ക്വിസിൽ  15-29 വയസ്സ് വരെ പ്രായമുള്ളവർക്ക്പങ്കെടുക്കാം

 റൗണ്ട് 2: ഉപന്യാസം/ബ്ലോഗ് എഴുത്ത്

 ദേശീയ വികസനത്തിനായുള്ള ആശയങ്ങൾ പ്രദർശിപ്പിക്കുന്ന ‘ വികസിത ഭാരതത്തിനായുള്ള സാങ്കേതികവിദ്യ ‘, ‘യുവജനതയെ വികസിത ഭാരതത്തിനായി ശാക്തീകരിക്കൽ’ എന്നിങ്ങനെ തിരിച്ചറിഞ്ഞ പത്തോളം ആശയങ്ങളിൽ മുൻ റൗണ്ടിലെ വിജയികൾ    ഉപന്യാസങ്ങൾ സമർപ്പിക്കും. ഈ മത്സരം മൈ ഭാരത് പ്ലാറ്റ്‌ഫോമിലും സംഘടിപ്പിക്കും

 രണ്ടാം റൗണ്ടിൽ യോഗ്യത നേടുന്ന പങ്കാളികൾ തിരഞ്ഞെടുത്ത വിഷയങ്ങളിൽ അവരുടെ ആശയങ്ങൾ,സംസ്ഥാന തലത്തിൽ അവതരിപ്പിക്കും.

 2025 ജനുവരി 11 മുതൽ 12 വരെ നടക്കുന്ന ദേശീയ യുവജനോത്സവത്തിൽ വിവിധ പ്രമേയത്തിൽ അധിഷ്‌ഠിതമായി സംസ്ഥാന തല ടീമുകൾ മത്സരിക്കും. വിജയികളായ ടീമുകൾ വികസിത ഭാരതത്തിനായുള്ള തങ്ങളുടെ കാഴ്ചപ്പാടുകളും ആശയങ്ങളും പ്രധാനമന്ത്രി ശ്രീ നരേന്ദ്ര മോദിക്ക് മുന്നിൽ അവതരിപ്പിക്കും.

 വികസിത് ഭാരത് യംഗ് ലീഡേഴ്‌സ് ഡയലോഗ് – ദേശീയ യുവജനോത്സവം 2025 ൽ മൂന്ന് വ്യത്യസ്ത മേഖലകളിൽ നിന്ന് തിരഞ്ഞെടുത്ത ഊർജ്ജസ്വലരായ യുവാക്കളുടെ സമ്മേളനം വിളിച്ചു ചേർക്കും .  2025 ജനുവരി 11-12 തീയതികളിൽ ന്യൂഡൽഹിയിലെ ഭാരത് മണ്ഡപത്തിൽ നടക്കുന്ന ദേശീയ പരിപാടിയിൽ ഏകദേശം 3,000 യുവാക്കളെ  തിരഞ്ഞെടുക്കും.

 വികസിത് ഭാരത് യംഗ് ലീഡേഴ്‌സ് ഡയലോഗിൻ്റെ മറ്റ് പ്രധാന സവിശേഷതകൾ – ദേശീയ യുവജനോത്സവം 2025

 വികസിത് ഭാരത് യംഗ് ലീഡേഴ്‌സ് ഡയലോഗ് വികസിത് ഭാരത് ചലഞ്ചിനൊപ്പം ശ്രദ്ധേയമായ നിരവധി പരിപാടികൾ അവതരിപ്പിക്കും:

വികസിത് ഭാരത് എക്‌സിബിഷൻ:സംസ്ഥാനങ്ങൾ/ കേന്ദ്ര ഭരണ പ്രദേശങ്ങൾ , കേന്ദ്ര മന്ത്രാലയങ്ങൾ എന്നിവയുടെ, യുവാക്കളെ കേന്ദ്രീകരിച്ചുള്ള സംരംഭങ്ങൾ ഇതിൽ പ്രദർശിപ്പിക്കും.

ഇത് യുവാക്കൾക്ക് ഇന്ത്യയുടെ വികസന കാഴ്ചപ്പാടുമായി ഇടപഴകുന്നതിന് ഒരു സംവേദനാത്മക പ്ലാറ്റ്‌ഫോം വാഗ്ദാനം ചെയ്യും.

 പ്ലീനറി സെഷനുകൾ:  യുവാക്കളുമായി സംവേദനാത്മക സംഭാഷണങ്ങൾ, ശില്പശാലകൾ എന്നിവയിൽ പ്രമുഖ ദേശീയ, ആഗോള വിദഗ്ധർ പങ്കെടുക്കും

 ഇന്ത്യയുടെ പൈതൃകത്തിൻ്റെ ആഘോഷം: “വികാസ് ഭി, വിരാസത് ഭി” എന്ന വിശാല ദർശനത്തിൻ്റെ ഭാഗമായി ഇന്ത്യയുടെ സമ്പന്നമായ പൈതൃകം ആഘോഷിക്കുന്ന ഒരു സാംസ്കാരിക പരിപാടിയും   ഉത്സവത്തിൽ ഉൾപ്പെടും.

 വികസിത ഭാരതത്തിനായി ഇന്ത്യയിലെ യുവാക്കളെ ശാക്തീകരിക്കുന്നു

 വികസിത് ഭാരത് യംഗ് ലീഡേഴ്‌സ് ഡയലോഗ് ഒരു ഉത്സവം എന്നതിലുപരി, രാജ്യത്തിൻ്റെ വികസന യാത്രയിൽ സജീവ സംഭാവന നൽകുന്നവരായി ഇന്ത്യയിലെ യുവാക്കളെ ശാക്തീകരിക്കുന്നതിനുള്ള ഒരു പ്രസ്ഥാനമാണ്.

 വികസിത് ഭാരത് യംഗ് ലീഡേഴ്‌സ് ഡയലോഗുമായി ബന്ധപ്പെട്ട എല്ലാ വിശദാംശങ്ങളും – ദേശീയ യുവജനോത്സവം 2025 MY ഭാരത് പ്ലാറ്റ്‌ഫോമിൽ (https://mybharat.gov.in/) ലഭ്യമാണ്